| ອົດສະຕາລີ ໜູນຊ່ວຍແມ່ຍິງ 30.000 ຄົນຢູ່ແຂວງ ລາວກາຍ, ເຊີນລາ ເພື່ອຍົກສູງປະສິດທິຜົນດ້ານເສດຖະກິດ | |
| ຜະລິດຕະພັນວັດທະນະທຳ, ທ່ອງທ່ຽວ ຫວຽດນາມ ສ້າງຄວາມປະທັບໃຈຢູ່ງານຕະຫຼາດນັດ ປາຣີ. |
ນີ້ແມ່ນການເຄື່ອນໄຫວ ເພື່ອຜັນຂະຫຍາຍບັນດາການເຄື່ອນໄຫວເພື່ອເພີ່ມທະວີການຮ່ວມມືຢ່າງເລິກເຊິ່ງກວ້າງຂວາງກ່ວາ ພາຍຫຼັງທີ່ ຫວຽດນາມ ແລະ ອົດສະຕຣາລີ ຍົກລະດັບການພົວພັນເປັນຄູ່ຮ່ວມມືຍຸດທະສາດຮອບດ້ານ; ຜັນຂະຫຍາຍ “ໂຄງການຊຸກຍູ້ວິສາຫະກິດ ຫວຽດນາມ ເຂົ້າຮ່ວມບັນດາເຄືອຂ່າຍຈຳໜ່າຍຕ່າງປະເທດໂດຍກົງ ຮອດປີ 2030”; ແຜນການປະຕິບັດປີ 2024 ໃຫ້ແກ່ການຜັນຂະຫຍາຍ “ໂຄງການລະດົມຊາວຫວຽດນາມ ຢູ່ຕ່າງປະເທດເຂົ້າຮ່ວມແນະນຳ, ບໍລິໂພກຜະລິດຕະພັນ ແລະ ພັດທະນາຊ່ອງທາງຈຳໜ່າຍສິນຄ້າ ຫວຽດນາມ ຢູ່ຕ່າງປະເທດໄລຍະ 2020-2024”.
 |
| ຮ້ານວາງສະແດງຂອງຄະນະສົ່ງເສີມການຄ້ານະຄອນ ຮ່າໂນ້ຍ ຢູ່ງານຕະຫຼາດນັດ Foodservice Australia 2024. (ພາບ: TTXVN) |
ເຂົ້າຮ່ວມ ແລະ ຕັດແຖບຜ້າເປີດເຂດຮ້ານວາງສະແດງ “ຮ່າໂນ້ຍ - ຫວຽດນາມ” ຢູ່ Foodservice Australia 2024 ມີທ່ານ ຫງວຽນຟູ໋ຮວ່າ – ຫົວໜ້າອົງການການຄ້າ ຫວຽດນາມ ປະຈຳ ອົດສະຕຣາລີ; ທ່ານ ຫງວຽນວັນຈີ໋- ຫົວໜ້າສາຂາກົມພັດທະນາຊົນນະບົດ, ຮອງຫົວໜ້າຫ້ອງການຜູ້ປະຈຳການຫ້ອງການປະສານງານໂຄງການກໍ່ສ້າງຊົນນະບົດໃໝ່ນະຄອນ ຮ່າໂນ້ຍ; ບັນດາພະນັກງານຫ້ອງການປະສານງານໂຄງການກໍ່ສ້າງຊົນນະບົດໃໝ່ນະຄອນ ຮ່າໂນ້ຍ; ຄະນະຈັດຕັ້ງງານຕະຫຼາດນັດ; ຜູ້ຕາງໜ້າບັນດາວິສາຫະກິດ ຮ່າໂນ້ຍ ແລະ ສາກົນ...
ດ້ວຍເນື້ອທີ່ 90 ຕາແມັດ, ເຂດຮ້ານວາງສະແດງ “ຮ່າໂນ້ຍ - ຫວຽດນາມ” ຕັ້ງຢູ່ໃນເຂດຮ້ານວາງສະແດງ ຫວຽດນາມ ໄດ້ເຕົ້າໂຮມຫຼາຍວິສາຫະກິດຜະລິດບັນດາຜະລິດຕະພັນທີ່ມີທ່າແຮງ, ມີຄວາມສາມາດບົ່ມຊ້ອນໃນການສົ່ງອອກ ແລະ ແກ່ງແຍ້ງໃນທ້ອງຕະຫຼາດ ອົດສະຕຣາລີ ເຊັ່ນ ບໍລິສັດ Hanuti JSC; ບໍລິສັດ Vinh Ha Food; ບໍລິສັດ Visimex Corp. JSC, ບໍລິສັດເຕັກນິກ ແລະ ການຄ້າ Ban Mai ຈຳກັດ; ບໍລິສັດມິງເຢືອງ Foodstuff JSC; ບໍລິສັດ Tuan Minh Co Ltd....
ບັນດາຜະລິດຕະພັນທີ່ໄດ້ວາງສະແດງປະກອບມີ ເຂົ້າປຸ້ນ, ເສັ້ນລ້ອນ, ເຝີແຫ້ງ; ເມັດໝາກມ່ວງຫິມະພານ, ກາເຟ, ໝາກພິກໄທ, ປະເພດເມັດອົບແຫ້ງ, ຜະລິດຕະພັນເຄື່ອງເທດ, ໝາກເຜັດ, ສະອິ້ວ, ຜົງໂພຊະນາການ, Cordyceps, ຜັກທຽມດຳ, ຜົງຜັກ, ປະເພດເປັນຫົວ, ໝາກໄມ້, ບັນດາຊາສະໝູນໄພຊະນິດຕ່າງໆ... ເຂດຮ້ານວາງສະແດງ ໄດ້ອອກແບບຢ່າງພິເສດດ້ວຍຫົວຂໍ້ “ບັນດານັກປຸງແຕ່ງສະບຽງອາຫານແຖວໜ້າຈາກ ຮ່າໂນ້ຍ - ຫວຽດນາມ” ມີຂີດໝາຍວັດທະນະທຳຂອງ ທັງລອງ - ດົງໂດ - ຮ່າໂນ້ຍ - ຫວຽດນາມ.
ເພີ່ມເຕີມນັ້ນ, ດ້ວຍແບບຈັດວາງທີ່ໜ້າຈັບຕາ ພ້ອມທັງການສະແດງບັນດາຜະລິດຕະພັນທີ່ປະທັບໃຈ ແລະ ຈັດຕັ້ງໃຫ້ນັກທ່ອງທ່ຽວໄດ້ຊີມບັນດາຜະລິດຕະພັນ, ເຂດຮ້ານວາງສະແດງ “ຮ່າໂນ້ຍ - ຫວຽດນາມ” ໄດ້ສ້າງຄວາມແຕກຕ່າງ, ສະແດງໃຫ້ເຫັນເອກະລັກຂອງຊາດ ແລະ ດຶງດູດແຂກທ່ອງທ່ຽວນັບພັນຄົນໃນມື້ທຳອິດ.
 |
| ຜະລິດຕະພັນກະເສດຂອງຫວຽດນາມ ສ້າງຄວາມປະທັບໃຈແບບພິເສດຢູ່ງານຕະຫຼາດນັດ FoodService Australia 2024. (ພາບ: TTXVN) |
ຄະນະຈັດຕັ້ງງານວາງສະແດງສາກົນ ແລະ ທ່ານເລຂາທິການກະຊວງພັດທະນາວິສາຫະກິດ ແລະ ສະຫະກອນ ມາເລເຊຍ, Dato Suriani binti Dato Ahmad ກໍ່ໄດ້ໄປຢ້ຽມຢາມເຂດວາງສະແດງຂອງ ຫວຽດນາມ.
ທ່ານຫົວໜ້າອົງການການຄ້າ ຫວຽດນາມ ປະຈຳ ອົດສະຕຣາລີ ຫງວຽນຟູ໋ຮວ່າ ໃຫ້ຮູ້ວ່າ ຄຽງຄູ່ກັບເຂດຮ້ານ “ຮ່າໂນ້ຍ - ຫວຽດນາມ”, ອົງການການຄ້າ ຍັງມີຮ້ານວາງສະແດງດ້ວຍພື້ນທີ່ເປີດທີ່ພົ້ນເດັ່ນ ແລະ ປະທັບໃຈຢູ່ງານຕະຫຼາດນັດ ເພື່ອໜູນຊ່ວຍການຊຸກຍູ້ຜະລິດຕະພັນກະເສດ, ສິນໃນນ້ຳຂອງ ຫວຽດນາມ ໃຫ້ມີຈຸດຢືນຢູ່ໃນ ອົດສະຕຣາລີ. ປີນີ້, ອົງການການຄ້າ ໄດ້ຖືເປັນສຳຄັນເຂົ້າໃນບັນດາຜະລິດຕະພັນອົງຄະທາດ, ຜະລິດຕະພັນສີຂຽວ, ພິເສດ ແມ່ນບັນດາຜະລິດຕະພັນເຄື່ອງເທດ, ຜະລິດຕະພັນສະອາດ ເຊິ່ງໄດ້ຮັບຄວາມນິຍົມຫຼາຍໃນທ້ອງຕະຫຼາດນີ້.
ທ່ານ ຮວ່າ ໃຫ້ຮູ້ຕື່ມອີກວ່າ ໃນໄລຍະຈະມາເຖິງ, ອົງການການຄ້າ ຈະສຸມໃສ່ສົ່ງເສີມການເຜີຍແພ່ການບໍລິໂພກໝາກລິ່ນຈີ່, ລຳໄຍ, ໝາກມ່ວງຂຽວສະເຫວີຍ ແລະ ກະກຽມແຜນການຕ້ອນຮັບໝາກກ້ຽງໃຫຍ່ສົດຂອງ ຫວຽດນາມ ໄປສູ່ ອົດສະຕຣາລີ. ກໍ່ໃນປີນີ້, ບັນດາຜະລິດຕະພັນອຸດສາຫະກຳຫຼັກຂອງ ຫວຽດນາມ ຈະສືບຕໍ່ໄດ້ຮັບການເຜີຍແພ່ຢູ່ປະເທດ ໂອເຊຍເນຍ ນີ.
ຕາມຂໍ້ມູນສະຖິຕິ, ຜ່ານບັນດາມາດຕະການຍູ້ແຮງການສົ່ງເສີມການຄ້າທີ່ແທດຈິງ, ບັນດາຜະລິດຕະພັນກະເສດຕະພັນຂອງ ຫວຽດນາມ ໄດ້ຮັບການເຕີບໂຕທີ່ໜ້າປະທັບໃຈຢູ່ ອົດສະຕຣາລີ ໃນໄລຍະມໍ່ໆມານີ້. ໃນສະເພາະໃນເດືອນເມສາ ທີ່ຜ່ານມານີ້, ໄດ້ເພີ່ມຂຶ້ນເກືອບ 80% ເມື່ອທຽບກັບໄລຍະດຽວກັນຂອງປີກາຍ. ສິນຄ້າຫຼາຍຊະນິດ ໄດ້ເຕີບໂຕຢ່າງກະໂດດຂັ້ນເຊັ່ນ ກາເຟ (ເພີ່ມຂຶ້ນເກືອບ 300%), ໝາກມ່ວງຫິມະພານ (ເພີ່ມຂຶ້ນ 42%), ເຂົ້າສານ (ເພີ່ມຂຶ້ນ 18%)...
ມິງດຶກ
