| ເຊື່ອມຕໍ່ວິສາຫະກິດ ຫວຽດນາມ - ແດນມາກ ເພື່ອຮ່ວມມື, ຜັນຂະຫຍາຍໂຄງການພະລັງງານທົດແທນ | |
| ສະມາຄົມມິດຕະພາບຫວຽດນາມ - ລາວ ຢູ່ນະຄອນ ຮາຍຟ່ອງ ເພີ່ມທະວີ ການເຂົ້າຮ່ວມຂອງຄົນລຸ້ນໜຸ່ມ |
ໂດຍກຸ່ມພັນລະຍາ, ສາມີຂອງເອກອັກຄະລັດຖະທູດບັນດາປະເທດໃນ Copenhagen (ASG) ຈັດຕັ້ງ, ງານຕະຫຼາດນັດແມ່ນບ່ອນເຕົ້າໂຮມບັນດາຮ້ານຂອງ 30 ປະເທດ ເພື່ອແນະນໍາເຖິງປະຊາຊົນ ແດນມາກ ແລະ ຄະນະທູຕານຸທູດຢູ Copenhagen ກ່ຽວກັບວັດທະນະທໍາ, ສິລະປະ, ອາຫານ, ການທ່ອງທ່ຽວ ກໍຄືບັນດາສິນຄ້າພິເສດ ແລະ ຜະລິດຕະພັນຫັດຖະກຳພື້ນເມືອງຂອງແຕ່ລະປະເທດ.
 |
| ການສະແດງຂອງນັກສິລະປິນ ຢ້ຽວລີ. |
ກ່າວຄຳປາໄສທີ່ພິທີເປີດ, ທ່ານ Michael Fenger, ເຈົ້າເມືອງ Gentofte ໄດ້ຕີລາຄາສູງຂໍ້ລິເລີ່ມຂອງ ASG ໃນການຈັດຕັ້ງເຫດການທີ່ມີຄວາມໝາຍ, ທັງຊຸກຍູ້ການພົບປະແລກປ່ຽນ, ຄວາມເຂົ້າໃຈຫຼາຍວັດທະນະທຳ, ແນະນຳຄວາມສວຍງາມ, ຮີດຄອງປະເພນີດ້ານວັດທະນະທຳ, ອາຫານ, ສິລະປະຂອງແຕ່ລະປະເທດຕໍ່ຊາວ ແດນມາກ, ທັງມີຄວາມໝາຍທາງສັງຄົມຢ່າງເລິກເຊິ່ງ ເມື່ອມຸ່ງໄປເຖິງເດັກນ້ອຍທີ່ຍັງປະສົບກັບຄວາມຫຍຸ້ງຍາກຫຼາຍຢ່າງໃນສັງຄົມ ແດນມາກ.
ທ່ານນາງ Sofie Hugo, ຜູ້ອໍານວຍການກອງທຶນໜຸນຊ່ວຍເດັກນ້ອຍ ແດນມາກ ໄດ້ສະແດງຄວາມຮູ້ສຶກຮັກແພງ ແລະ ຄວາມຂອບໃຈຢ່າງຈິງໃຈຕໍ່ ASG ແລະ ຄະນະທູຕານຸທູດຢູ່ Copenhagen ເພາະວ່າ ນີ້ແມ່ນການເຄື່ອນໄຫວທີ່ມີຄວາມໝາຍດ້ານມະນຸດສະທຳ ເມີ່ອລາຍຮັບທັງໝົດຈາກງານຕະຫຼາດນັດ ຈະໄດ້ບໍລິຈາກເພື່ອຊ່ວຍເຫຼືອເດັກນ້ອຍທີ່ຍັງປະສົບກັບຄວາມຫຍຸ້ງຍາກໃນການດຳລົງຊີວິດ.
ໂດຍແມ່ນໜຶ່ງໃນໃນບັນດາສະມາຊິກທີ່ຕັ້ງໜ້າຂອງຄະນະຈັດຕັ້ງນັບແຕ່ສະໄໝຕົ້ນ, ທ່ານພັນລະຍາເອກອັກຄະລັດຖະທູດ ຫວຽດນາມ ປະຈຳ ແດນມາກ ນາງ ຫງວຽນທິທູຮົ່ງ ໄດ້ໃຊ້ເວລາ, ຄວາມກະຕືລືລົ້ນຫຼາຍຢ່າງເຂົ້າຮ່ວມວຽກງານຈັດຕັ້ງໃນເຫດການ ກໍພ້ອມກັນກັບໝູ່ຄະນະພະນັກງານ, ພາລະກອນສະຖານທູດ ຫວຽດນາມ ປະຈຳ ແດນມາກ ລົງທຶນສ້າງຮ້ານວາງສະແດງ ຫວຽດນາມ ຢ່າງລະອຽດລະອໍ, ມີລັກສະນະສ້າງສັນ, ທັງສະແດງໃຫ້ເຫັນຄວາມງາມທີ່ເປັນມູນເຊື້ອຂອງ 3 ພາກເໜືອ, ພາກກາງ ແລະ ພາກໃຕ້, ທັງແນະນຳບັນດາເຍື່ອງອາຫານ, ຜະລິດຕະພັນທີ່ເປັນເອກະລັກພິເສດຂອງ ຫວຽດນາມ ຕໍ່ເພື່ອນມິດສາກົນ.
ທີ່ຮ້ານວາງສະແດງ, ສະຖານທູດ ຫວຽດນາມ ປະຈຳ ແດນມາກ ໄດ້ແນະນຳບັນດາເຍື່ອງອາຫານພື້ນເມືອງພ້ອມກັບບັນດາຜະລິດຕະພັນວັດທະນະທຳ, ຫັດຖະກຳ, ສິລະປະ ແລະ ບັນດາຜະລິດອື່ນໆຂອງ ຫວຽດນາມ, ກໍຄືບັນດາຜະລິດຕະພັນທ່ອງທ່ຽວ ຫວຽດນາມ, ເຊິ່ງໄດ້ຮັບຄວາມນິຍົມ ແລະ ໃຫ້ການຕ້ອນຮັບຈາກຊາວ ແດນມາກ ແລະ ຄະນະທູຕານຸທູດ.
ຄຽງຄູ່ກັບການຈັດຕັ້ງຮ້ານ, ທີ່ງານຕະຫຼາດນັດ ຍັງດຳເນີນບັນດາການສະແດງສີລະປະທີ່ເປັນເອກະລັກພິເສດຂອງບັນດາປະເທດທີ່ເຂົ້າຮ່ວມ ພ້ອມທັງມີບັນດາການເຄື່ອນໄຫວເຜີຍແພ່ການທ່ອງທ່ຽວ, ຄົ້ນຫາວັດທະນະທໍາ, ປະຫວັດສາດ, ຮີດຄອງປະເພນີຂອງແຕ່ລະປະເທດ. ການສະແດງຂອງນັກສິລະປິນຂິມ ຢ້ຽວລີ ຊາວຫວຽດນາມ ອາໄສຢູ່ Copenhagen ໄດ້ດຶງດູດຄວາມສົນໃຈ, ລະດົມກຳລັງໃຈທີ່ຟົດຟື້ນຈາກຜູ້ຊົມ ເພາະທັງໄດ້ສົມທົບບັນດາເນື້ອໃນໝູ່ຊົນ, ພື້ນເມືອງກັບຄວາມສວຍງາມທັນສະໄໝ, ເຂົ້າເຖິງໄດ້ງ່າຍ.
ເຂົ້າຮ່ວມເຫດການ, ສະຖານທູດ ຫວຽດນາມ ປະຈຳ ແດນມາກ ໄດ້ກຳນົດການຊຸກຍູ້ການປະຕິບັດງານດ້ານການທູດວັດທະນະທຳ ແມ່ນໜຶ່ງໃນບັນດາຈຸດສຸມໃນວຽກງານ ປີ 2024.
ນອກຈາກການເຄື່ອນໄຫວນີ້, ໃນປີ 2024 ຍັງດຳເນີນການເຄື່ອນໄຫວແລກປ່ຽນວັດທະນະທຳຢູ່ ແດນມາກ ຫຼາຍຢ່າງເຊັ່ນ ວັນບູນຮ່ອງຮອຍບູຮານສະຖານສຳລັບເດັກນ້ອຍ (ພາສາຫວຽດນາມ ແລະ ແດນມາກ) ຜ່ານສຽງເວົ້າຂອງທ່ານປະລິນຍາໂທ ດ້ານວັນນະຄະດີ ນາງ ຟີທູຮັ່ງ ແລະ ຮູບແຕ້ມຂອງຈິດຕະກອນ ດັ້ງວັນຟຸກ, ງານວາງສະແດງຮູບແຕ້ມຂອງຈິດຕະກອນ ນາງ ຟານທ໋າວງວຽນ (ເດືອນມີນາ - ສິງຫາ 2024), ວົງດົນຕີ ຣັ໋ນກາບດວຍ ໄດ້ເຂົ້າຮ່ວມເຫດການດົນຕີ Roskilde ໃນທ້າຍເດືອນມິຖຸນາ 2024 (Roskilde Festival ແມ່ນໜຶ່ງໃນບັນດາເຫດການດົນຕີໃຫຍ່ຢູ່ ເອີຣົບ).
ນອກຈາກນັ້ນ, ເນື່ອງໃນໂອກາດວັນຊາດ ຫວຽດນາມ, ຄາດວ່າ ຈະມີຄະນະສິລະປະຈຳນວນໜຶ່ງຈາກ ຫວຽດນາມ ໄປ ແດນມາກ ເພື່ອສະແດງດົນຕີປະສານສຽງ, ດົນຕີພື້ນເມືອງ... ເພື່ອຮັບໃຊ້ມະຫາຊົນ ແດນມາກ ແລະ ປະຊາຄົມຊາວ ຫວຽດນາມ, ແນໃສ່ຊຸກຍູ້ການພົບປະແລກປ່ຽນວັດທະນະທຳ, ປະກອບສ່ວນປັບປຸງຄວາມຮັກແພງມິດຕະພາບ, ຕິດພັນລະຫວ່າງປະຊາຊົນສອງປະເທດ.
ຮູບພາບຈຳນວນໜຶ່ງທີ່ເຫດການ
 |
| ພາບງານຕະຫຼາດນັດ |
 |
 |
 |
 |
ມິງດຶກ
