ໂດຍຕ້ອນຮັບທ່ານ Sasaki Hajime - ສະມາຊິກລັດຖະສະພາຕ່ຳ, ປະທານກຳມາທິການຄົມມະນາຄົມ, ທີ່ດິນ, ພື້ນຖານໂຄງລ່າງ ແລະ ທ່ອງທ່ຽວ - ຄະນະຜູ້ແທນສະມາຊິກລັດຖະສະພາຕ່ຳ ຍີ່ປຸ່ນ ແລະ ທ່ານ Nishino Daisuke - ສະມາຊິກລັດຖະສະພາຕ່ຳ, ຫົວໜ້າໜ່ວຍຜູ້ຊ່ວຍກົມງົບປະມານຂອງກະຊວງການເງິນ ຍີ່ປຸ່ນ (ຄະນະຜູ້ແທນສະມາຊິກລັດຖະສະພາຕ່ຳ ຍີ່ປຸ່ນ), ທ່ານເລຂາຄະນະພັກແຂວງ, ປະທານສະພາປະຊາຊົນແຂວງ ບິ່ງດິ່ງ ໂຮ່ກວກຢຸງ ຫວັງວ່າ ຄະນະຜູ້ແທນສະມາຊິກລັດຖະສະພາຕ່ຳ ຍີ່ປຸ່ນ ຈະເອົາໃຈໃສ່, ໜຸນຊ່ວຍການຊຸກຍູ້ ແລະ ຮັດແໜ້ນການພົວພັນມິດຕະພາບລະຫວ່າງແຂວງ ບິ່ງດິ້ງ ກັບບັນດາທ້ອງຖິ່ນ, ຄູ່ຮ່ວມມືຂອງ ຍີ່ປຸ່ນ ທີ່ພວມມີໃນປະຈຸບັນ ໃຫ້ຫຼາຍກວ່າອີກ.
 |
| ທ່ານເລຂາຄະນະພັກແຂວງ, ປະທານສະພາປະຊາຊົນແຂວງ ບິ່ງດິ່ງ ໂຮ່ກວກຢຸງ ເປັນປະທານການຕ້ອນຮັບຄະນະຜູ້ແທນສະມາຊິກລັດຖະສະພາຕ່ຳ ຍີ່ປຸ່ນ - (ພາບ: Trang Le/binhdinh.gov.vn). |
ພ້ອມກັນນັ້ນ, ກໍເປີດກວ້າງການຮ່ວມມືກັບບັນດາທ້ອງຖິ່ນ, ຄູ່ຮ່ວມມືທີ່ມີທ່າແຮງຂອງ ຍີ່ປຸ່ນ, ພິເສດແມ່ນໜູນຊ່ວຍການສ້າງຕັ້ງສາຍພົວພັນຮ່ວມມືມິດຕະພາບລະຫວ່າງແຂວງ ບິ່ງດິ້ງ ກັບ ແຂວງ Osaka ແລະ ແຂວງ Nagano; ລະຫວ່າງນະຄອນ ກູຍເຍີ່ນ ກັບ ນະຄອນ Ashikaga, ຂຶ້ນກັບແຂວງ Tochigi. ຄຽງຂ້າງນັ້ນ, ຍັງໜູນຊ່ວຍການເຊື່ອມຕໍ່ບັນດາວິສາຫະກິດ ຍີ່ປຸ່ນ ເພື່ອມາສຳຫຼວດ, ລົງທຶນຢູ່ແຂວງ ບິ່ງດິ້ງ ແລະ ໜູນຊ່ວຍການເຊື່ອມຕໍ່ໂຄສະນາກຳລັງບົ່ມຊ້ອນ, ຜະລິດຕະພັນຂອງແຂວງ ບິ່ງດິ້ງ ຕໍ່ທ້ອງຕະຫຼາດ ຍີ່ປຸ່ນ.
ທີ່ການພົບປະ, ທ່ານ Sasaki Hajime - ສະມາຊິກລັດຖະສະພາຕ່ຳ, ປະທານກຳມາທິການຄົມມະນາຄົມ, ທີ່ດິນ, ພື້ນຖານໂຄງລ່າງ ແລະ ທ່ອງທ່ຽວ - ຄະນະຜູ້ແທນສະມາຊິກລັດຖະສະພາຕ່ຳ ຍີ່ປຸ່ນ ໄດ້ແບ່ງປັນວ່າ ນີ້ແມ່ນຄັ້ງທຳອິດທີ່ສອງທ່ານສະມາຊິກລັດຖະສະພາຕ່ຳມາຢ້ຽມຢາມແຂວງ ບິ່ງດິ້ງ, ແຕ່ຮູ້ສຶກປະທັບໃຈກັບຄວາມງາມຂອງແຂວງ ບິ່ງດິ້ງ ແລະ ເຫັນໄດ້ເຖິງແງ່ຫວັງໃນການເພີ່ມທະວີສາຍພົວພັນຮ່ວມມືລະຫວ່າງບັນດາວິສາຫະກິດ ຍີ່ປຸ່ນ, ທ້ອງຖິ່ນ ຍີ່ປຸ່ນ ກັບ ແຂວງ ບິ່ງດິ້ງ ໃນໄລຍະຈະມາເຖິງ.
ທ່ານສະມາຊິກລັດຖະສະພາຕ່ຳ Sasaki Hajime ໃຫ້ຄຳໝັ້ນສັນຍາວ່າ ພາຍຫຼັງການຢ້ຽມຢາມແຂວງ ບິ່ງດິ້ງ ໃນຄັ້ງນີ້, ທ່ານ ພ້ອມກັນກັບບັນດາສະມາຊິກລັດຖະສະພາຕ່ຳ ຍີ່ປຸ່ນ ຈະໂຄສະນາກຳລັງບົ່ມຊ້ອນທ່າແຮງຂອງແຂວງ ບິ່ງດິ້ງ ຢູ່ ຍີ່ປຸ່ນ ຢ່າງຕັ້ງໜ້າ; ພ້ອມກັນນັ້ນ, ກໍຮຽກຮ້ອງບັນດາວິສາຫະກິດ ຍີ່ປຸ່ນ ໄປຊອກຫາກາລະໂອກາດລົງທຶນຢູ່ ບິ່ງດິ້ງ.
ຄະນະຜູ້ແທນສະມາຊິກລັດຖະສະພາຕ່ຳ ຍີ່ປຸ່ນ ກໍ່ສະແດງຄວາມຍິນດີຕ້ອນຮັບ ແລະ ສະໜັບສະໜູນແຂວງ ບິ່ງດິ້ງ ເປີດກວ້າງການສ້າງຕັ້ງການພົວພັນຮ່ວມມືມິດຕະພາບກັບບັນດາທ້ອງຖິ່ນ ຍີ່ປຸ່ນ, ປະກອບສ່ວນປະຕິບັດແຜນນະໂຍບາຍຂອງການນຳ 2 ປະເທດ ຫວຽດນາມ - ຍີ່ປຸ່ນ, ຍົກລະດັບການພົວພັນລະຫວ່າງ 2 ຝ່າຍກາຍເປັນຄູ່ຮ່ວມມືຍຸດທະສາດຮອບດ້ານ.
ມິງດຶກ
