| ໂຄງການຄອບຄົວຊາວຫວຽດນາມ ໄດ້ທູນຫົວນັກສຶກສາ ລາວ ແລະ ກຳປູເຈຍ ໄດ້ສ້າງສັນພັນແຫ່ງມິດຕະພາບ | |
| ວິສາຫະກິດ ຍີ່ປຸ່ນ ເພີ່ມທະວີການຮ່ວມມື, ການລົງທຶນເຂົ້າໃນ ຫວຽດນາມ |
ທີ່ການພົບປະກັບທ່ານ ຈັນສະໝອນ ຈັນຍາລາດ, ພົນໂທ ຫງວຽນເຕີນເກືອງ ຢືນຢັນວ່າ ກະຊວງປ້ອງກັນປະເທດ ຫວຽດນາມ ຍາມໃດກໍ່ສະໜັບສະໜູນ ແລະ ພ້ອມແລ້ວ ທີ່ຈະໜູນຊ່ວຍກະຊວງປ້ອງກັນປະເທດ ລາວ ຈັດຕັ້ງບັນດາເຫດການທະຫານ - ປ້ອງກັນຊາດໃນຂອບເຂດອາຊຽນ 2024 ຢ່າງສຳເລັດຜົນ.
ສ່ວນທ່ານພົນເອກ ຈັນສະໝອນ ຈັນຍາລາດ ກໍໄດ້ສະແດງຄວາມຊົມເຊີຍຄະນະຜູ້ແທນຂັ້ນສູງກະຊວງປ້ອງກັນປະເທດ ຫວຽດນາມ ທີ່ເຂົ້າຮ່ວມກອງປະຊຸມ ADMM ວົງແຄບ, ເຊື່ອໝັ້ນວ່າ ການເຂົ້າຮ່ວມຂອງຄະນະຜູ້ແທນກະຊວງປ້ອງກັນປະເທດ ຫວຽດນາມ ຈະປະກອບສ່ວນເຂົ້າໃນຜົນສຳເລັດລວມຂອງກອງປະຊຸມ.
 |
| ຮອງນາຍົກລັດຖະມົນຕີ, ລັດຖະມົນຕີວ່າການກະຊວງປ້ອງກັນປະເທດ ລາວ ທ່ານພົນເອກ ຈັນສະໝອນ ຈັນຍາລາດ ພົບພະສອງຝ່າຍກັບທ່ານພົນໂທ ຫງວຽນເຕີນເກື່ອງ, ຮອງລັດຖະມົນຕີກະຊວງປ້ອງກັນປະເທດ ຫວຽດນາມ, ຫົວໜ້າເສນາທິການໃຫຍ່ ກອງທັບປະຊາຊົນ ຫວຽດນາມ |
2 ຝ່າຍໄດ້ຕີລາຄາກ່ຽວກັບໝາກຜົນການຮ່ວມມືໃນໄລຍະທີ່ຜ່ານມາ, ປຶກສາຫາລືກ່ຽວກັບທິດທາງການຮ່ວມມືໃນໄລຍະຈະມາເຖິງ, ພິເສດແມ່ນບັນດາເນື້ອໃນຄື: ວຽກງານພັກ, ວຽກງານການເມືອງ; ການຄຸ້ມຄອງ, ປົກປັກຮັກສາຊາຍແດນ; ການບຳລຸງສ້າງ, ການເຝິກອົບຮົມພະນັກງານ ແລະ ວຽກງານນັກຊ່ຽວຊານ; ຂະແໜງອຸດສາຫະກຳປ້ອງກັນຊາດ... ທ່ານພົນເອກ ຈັນສະໝອນ ຈັນຍາລາດ ຫວັງວ່າ ກະຊວງປ້ອງກັນປະເທດ ຫວຽດນາມ ຈະສະໜັບສະໜູນກຸ່ມຊ່ຽວຊານ ADMM+ ກ່ຽວກັບກະທຳໝາກມິນມະນຸດສະທຳຮອບວຽນ 2024-2027 ໂດຍ ລາວ ແລະ ລັດເຊຍ ເປັນປະທານຮ່ວມ.
ທີ່ການພົບປະສອງຝ່າຍກັບທ່ານພົນເອກ Tea Seiha, ທ່ານພົນໂທ ຫງວຽນເຕີນເກືອງ ໄດ້ສະແດງຄວາມພໍໃຈຕໍ່ໝາກຜົນການຮ່ວມມືດ້ານປ້ອງກັນຊາດສອງຝ່າຍໃນປີ 2023 ທີ່ຜ່ານມາ. ສອງຝ່າຍສົມທົບກັນຢ່າງແໜ້ນແຟ້ນ ແລະ ມີປະສິດທິຜົນໃນບັນດາຂົງເຂດຄື ການພົບປະແລກປ່ຽນຄະນະຜູ້ແທນຂັ້ນສູງ, ບຳລຸງສ້າງແຫຼ່ງຊັບພະຍາກອນມະນຸດ, ແລກປ່ຽນພະນັກງານໜຸ່ມ… ປະກອບສ່ວນເພີ່ມທະວີການຮ່ວມມືລະຫວ່າງ 2 ກອງທັບ, 2 ປະເທດ.
2 ຝ່າຍເຫັນດີເປັນເອກະພາບວ່າ ກອງທັບສອງປະເທດຕ້ອງສືບຕໍ່ຮັກສາມູນເຊື້ອແຫ່ງການຮ່ວມມື, ສາມັກຄີ, ຕິດພັນ, ເປັນເສົາຄ້ຳສຳຄັນຂອງການພົວພັນບ້ານໃກ້ເຮືອນຄຽງທີ່ດີ, ມິດຕະພາບແບບພິເສດ, ການຮ່ວມມືຮອບດ້ານ, ຄວາມໝັ້ນຄົງອັນຍາວນານ ຫວຽດນາມ - ກຳປູເຈຍ.
2 ຝ່າຍເຫັນດີເປັນເອກະພາບສືບຕໍ່ເອົາໃຈໃສ່, ຊີ້ນຳບັນດາອົງການ, ຫົວໜ່ວຍຂອງກະຊວງປ້ອງກັນປະເທດ ຫວຽດນາມ ແລະ ກະຊວງປ້ອງກັນປະເທດ ກຳປູເຈຍ ສົມທົບກັນຢ່າງແໜ້ນແຟ້ນ ຜັນຂະຫຍາຍບັນດາຈຸດສຸມການຮ່ວມມືຫຼາຍດ້ານຄື ການພົບພະແລກປ່ຽນຄະນະຜູ້ແທນ, ວຽກງານໂຄສະນາສຶກສາກ່ຽວກັບມູນເຊື້ອການພົວພັນລະຫວ່າງສອງປະເທດ, ສອງກອງທັບ; ແລກປ່ຽນພະນັກງານຊາວໜຸ່ມ; ຮ່ວມມືດ້ານການບຳລຸງສ້າງແຫຼ່ງຊັບພະຍາກອນມະນຸດ, ຖືເປັນສຳຄັນການບຳລຸງສ້າງພາສາຂອງກັນ ແລະ ກັນ, ພິເສດແມ່ນບັນດາຫົວໜ່ວຍຢູ່ເຂດຊາຍແດນ; ຊີ້ນຳບັນດາອົງການ, ຫົວໜ່ວຍສົມທົບກັນຢ່າງແໜ້ນແຟ້ນ, ສະຫຼຸບການປະຕິບັດອະນຸສັນຍາກ່ຽວກັບການຮ່ວມມືດ້ານປ້ອງກັນຊາດລະຫວ່າງສອງກະຊວງປ້ອງກັນປະເທດ ໄລຍະ 2020-2024; ສ້າງອະນຸສັນຍາໄລຍະ 2025-2029.
ເນື່ອງໃນໂອກາດນີ້, ທ່ານພົນໂທ ຫງວຽນເຕີນເກືອງ ໄດ້ໃຫ້ກຽດເຊີນການນຳກະຊວງປ້ອງກັນປະເທດ, ກອງທັບພະບໍລົມວົງສານຸວົງ ແລະ ບັນດາວິສາຫະກິດ ກຳປູເຈຍ ເຂົ້າຮ່ວມພິທີສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນ ຫວຽດນາມ ແລະ ງານວາງສະແດງປ້ອງກັນຊາດສາກົນ ຄັ້ງທີ 2 ທີ່ຄາດວ່າຈະຈັດຂຶ້ນໃນທ້າຍປີ 2024.
ມິງດຶກ
