ຕາມນັກຂ່າວຈາກສໍານັກຂ່າວຫວຽດນາມ ທີ່ນະຄອນຫຼວງວຽງຈັນ (Vientiane), ວັນທີ 19 ມີນາ, ທ່ານປະທານປະເທດລາວ ໄດ້ລົງນາມໃນລັດຖະບັນຍັດວ່າດ້ວຍການຟື້ນຟູອັດຕາພາສີມູນຄ່າເພີ່ມ (VAT) ກັບຄືນລະດັບ 10% ເພື່ອແນ່ໃສ່ໜູນຊ່ວຍລາຍຮັບງົບປະມານ, ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງປະເທດ ຫຼັງຈາກສອງປີກວ່າທີ່ປະເທດລາວ ນໍາໃຊ້ອັດຕາພາສີ 7%.
 |
| ພາບປະກອບ: TTXVN |
ລະດັບອັດຕາ VAT 10% ແມ່ນນໍາໃຊ້ກັບສິນຄ້າທີ່ນໍາເຂົ້າ, ສິນຄ້າ ແລະການບໍລິການທີ່ສະຫນອງໃຫ້ພາຍໃນປະເທດ ທີ່ຕ້ອງຈ່າຍພາສາມູນຄ່າເພີ່ມ; ແຮ່ທາດນໍາເຂົ້າ ແລະດໍາເນີນທຸລະກິດແຮ່ທາດພາຍໃນປະເທດ; ກິດຈະກໍາການຊົມໃຊ້ໄຟຟ້າຂັ້ນພື້ນຖານ, ໄຟຟ້າໃຊ້ໃນການຜະລິດ, ບໍລິສັດສະໜອງໄຟຟ້າ.
ໃນບົດລາຍງານ, ກະຊວງການເງິນລາວ ກໍ່ໄດ້ຊີ້ໃຫ້ເຫັນເຖິງບາງປັດໄຈທີ່ມີຜົນປະໂຫຍດຕໍ່ການເພີ່ມອັດຕາພາສີ VAT. ນອກຈາກນີ້, ຈໍານວນວິສາຫະກິດທີ່ຈົດທະບຽນພາຍໃຕ້ກົດຫມາຍວ່າດ້ວຍພາສີ VAT ໃນປະຈຸບັນແມ່ນຕໍ່າກວ່າທີ່ຄາດໄວ້, ລັດຖະບານຈໍາເປັນຕ້ອງເພີ່ມລາຍຮັບເພື່ອຫຼຸດຜ່ອນການຂາດດຸນງົບປະມານ ແລະ ເຮັດໃຫ້ເງິນຕາທ້ອງຖິ່ນມີຄວາມຫມັ້ນຄົງ.
ນອກຈາກການເພີ່ມອັດຕາພາສີ VAT ແລ້ວ, ກະຊວງການເງິນລາວ ກໍ່ພວມພິຈາລະນາມາດຕະການອື່ນໆ ເພື່ອປັບປຸງລະບົບພາສີ. ມາດຕະການເຫຼົ່ານີ້ລວມມີການເລັ່ງສ້າງກົນໄກສົ່ງພາສີອາກອນຄືນໃໝ່ເພື່ອຊ່ວຍຫຼຸດຜ່ອນຄວາມເສຍຫາຍທາງດ້ານການເງິນຂອງລັດຖະບານໂດຍຜ່ານການຍົກເວັ້ນພາສີ, ພ້ອມດຽວກັນນັ້ນ ກໍ່ຍັງໃຫ້ການສະຫນັບສະຫນູນແກ່ວິສາຫະກິດທ້ອງຖິ່ນອີກດ້ວຍ.
ບູນມີ
