| ຫວຽດນາມ ຕ້ອງຊຸກຍູ້ການປັບປຸງສະພາບແວດລ້ອມແຫ່ງການລົງທຶນໃຫ້ດີຂຶ້ນຕື່ມອີກ, ຜັນຂະຫຍາຍການຮ່ວມມືໃນຂົງເຂດໃໝ່. | |
| ຫວຽດນາມ ຊຸກຍູ້ການຮ່ວມມືດ້ານການທ່ອງທ່ຽວໃນກຸ່ມອາຊຽນ |
ທີ່ການພົບປະເຮັດວຽກ, ທ່ານຮອງລັດຖະມົນຕີການຕ່າງປະເທດ ນາງ ເລທິທູຮັ່ງ ໄດ້ແຈ້ງໃຫ້ຝ່າຍ ກຣົວຊີ ຊາບກ່ຽວກັບສະພາບການເສດຖະກິດ - ສັງຄົມຂອງ ຫວຽດນາມ; ຢືນຢັນຄວາມສາມາດບົ່ມຊ້ອນ ແລະ ທ່າແຮງຂອງແຮງງານຫວຽດນາມ ດ້ວຍຂອບຂະໜາດພົນລະເມືອງກວ່າ 100 ລ້ານຄົນ, ໃນນັ້ນ 53% ແມ່ນຄົນຢູ່ໃນເກນອາຍຸເຮັດວຽກ, ໃຫ້ຄຳໝັ້ນສັນຍາເປັນທ້ອງຕະຫຼາດສະໜອງແຮງງານທີ່ມີປະສິດທິຜົນ, ມີຄຸນນະພາບຂອງ ກຣົວຊີ.
ຫວຽດນາມ ກໍ່ປາດຖະໜາຢາກຮ່ວມມືກັບ ກຣົວຊີ ໃນການບຳລຸງສ້າງວິຊາຊີບໃຫ້ຄົນງານ ຫວຽດນາມ ເພື່ອ ຕອບສະໜອງມາດຕະຖານຂອງ ສະຫະພາບເອີຣົບ.
ທ່ານລັດຖະມົນຕີ Ivan Vidis ໄດ້ເຫັນດີເປັນເອກະພາບຊຸກຍູ້ການຮ່ວມມືລະຫວ່າງ 2 ປະເທດໃນຂົງເຂດແຮງງານ ແລະ ບຳລຸງສ້າງວິຊາຊີບ. ທ່ານລັດຖະມົນຕີ ກໍໃຫ້ຮູ້ວ່າ ປະຈຸບັນ ກຣົວຊີ ມີແຮງງານຕ່າງປະເທດປະມານ 200.000 ຄົນ, ເທົ່າກັບ 6% ຂອງພົນລະເມືອງ ກຣົວຊີ, ຕົ້ນຕໍແມ່ນມາຈາກປະເທດເພື່ອນບ້ານ ອະດີດຢູໂກສະລາເວຍ, ປະເທດອາຊີໃຕ້...
 |
| ທ່ານຮອງລັດຖະມົນຕີການຕ່າງປະເທດ ນາງ ເລທິທູຮັ່ງ ແລະ ທ່ານລັດຖະມົນຕີກະຊວງແຮງງານ, ກະສຽນອາຍຸ ແລະ ສັງຄົມຂອງ ກຣົວຊີ Ivan Vidis. |
ໃນຕົວຈິງ, ປະຈຸບັນ 80% ຂະແຫນງເສດຖະກິດຂອງ ກຣົວຊີ ປະສົບກັບການຂາດແຄນແຮງງານ. ສະນັ້ນ, ເພື່ອສ້າງເງື່ອນໄຂດຶງດູດແຮງງານຈາກພາຍນອກ, ຝ່າຍ ກຣົວຊີ ໄດ້ອະນຸຍາດສະໜອງສັນຍາ ແລະ ໃບອະນຸຍາດແຮງງານໃຫ້ຄົນຕ່າງປະເທດເປັນເວລາ 3 ປີ ເພື່ອຮັບປະກັນສິດ ກໍຄືສໍາລັບແຮງງານປະຈຳຖິ່ນ.
ຝ່າຍ ກຣົວຊີ ປາດຖະໜາຢາກດຶງດູດໄດ້ກຳລັງແຮງງານທີ່ຖືກຕ້ອງຕາມກົດໝາຍ, ມີຄວາມຊຳນານເຂົ້າໃນ ກຣົວຊີ, ໃນນັ້ນ ຫວຽດນາມ ແມ່ນຄູ່ຮ່ວມມືທີ່ມີກຳລັງບົ່ມຊ້ອນ.
2 ຝ່າຍ ໄດ້ເຫັນດີເປັນເອກະພາບຊຸກຍູ້ການຮ່ວມມືດ້ານແຮງງານ, ໃນນັ້ນມີການສືບຕໍ່ສ້າງເງື່ອນໄຂໃຫ້ວິສາຫະກິດຂອງສອງປະເທດ ເພື່ອຮ່ວມມືໂດຍກົງ. ຄຽງຄູ່ກັນນັ້ນ ສອງຝ່າຍ ກໍດຳເນີນການເຈລະຈາ ເພື່ອສ້າງຂອບເຂດນິຕິກຳ ໂດຍຜ່ານການລົງນາມໃນສັນຍາສອງຝ່າຍ.
ດ້ວຍຈິດໃຈນັ້ນ, ທ່ານລັດຖະມົນຕີ Ivan Vidis ໄດ້ເຫັນດີເປັນເອກະພາບ ຈະຢ້ຽມຢາມ ແລະ ເຮັດວຽກ, ສຳຫຼວດທ້ອງຕະຫຼາດ ຫວຽດນາມ ໃນປີ 2025.
ມິງດຶກ
