| ລາຍການສະແດງສິລະປະ “ຕ້ອນຮັບລະດູບານໃໝ່ ຢູ່ເຈື່ອງຊາ” 2024: ຂົວຕໍ່ແຫ່ງຄວາມຮັກຈາກເຂດດິນຕໍ່ແຜ່ນກັບເຂດທະເລໝູ່ເກາະ” | |
| ຫວຽດນາມ ຊຸກຍູ້ການຮ່ວມມືດ້ານການທ່ອງທ່ຽວໃນກຸ່ມອາຊຽນ |
ກ່ອນໜ້ານັ້ນ, ກ່າວຄຳປາໄສທີ່ການຕ້ອນຮັບ, ທ່ານ ບຸ່ຍແທັງເຊີນ ໄດ້ຕີລາຄາວ່າ ປີ 2023 ແມ່ນປີປະສົບຜົນສຳເລັດທີ່ພິເສດໃນການພົວພັນລະຫວ່າງສອງປະເທດ. ການຍົກລະດັບການພົວພັນຂຶ້ນສູ່ການພົວພັນຄູ່ຮ່ວມມືຍຸດທະສາດຮອບດ້ານ ໄດ້ເປັນພື້ນຖານອັນສຳຄັນໃຫ້ແກ່ການພົວພັນຫວຽດນາມ - ຍີ່ປຸ່ນ ໃນໄລຍະ 50 ປີຕໍ່ໜ້າ. 2 ຝ່າຍ ໄດ້ຈັດຕັ້ງຜັນຂະຫຍາຍຄະນະຜູ້ແທນພົບພະແລກປ່ຽນຂັ້ນສູງ ແລະ ບັນດາການນຳກະຊວງທຸກຂັ້ນ, ຂະແໜງການ, ທ້ອງຖິ່ນລະຫວ່າງ 2 ປະເທດເກືອບ 200 ຄະນະ; ໄດ້ຈັດຕັ້ງຫຼາຍກວ່າ 500 ການເຄື່ອນໄຫວເພື່ອສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ.
 |
| ທ່ານລັດຖະມົນຕີກະຊວງການຕ່າງປະເທດ ຫວຽດນາມ ບຸ່ຍແທັງເຊີນ (ຂວາ) ໄດ້ຕ້ອນຮັບທ່ານ Komura Masahiro, ຜູ້ແທນສະພາຕ່ຳ, ລັດຖະມົນຕີກະຊວງການຕ່າງປະເທດ ຍີ່ປຸ່ນ (ພາບ: ກວາງຮ່ວາ) |
ທ່ານ ບຸ່ຍແທັງເຊີນ ສະເໜີວ່າ ໃນປີ 2024, ກະຊວງການຕ່າງປະເທດ 2 ປະເທດຕ້ອງສົມທົບກັນຢ່າງແໜ້ນແຟ້ນ, ຊຸກຍູ້ການຫັນໂຄງປະກອບການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ຍີ່ປຸ່ນ ເປັນລະອຽດ ທີ່ຫາກໍໄດ້ຍົກລະດັບ ແລະ ຜັນຂະຫຍາຍບັນດາຂໍ້ຕົກລົງລະຫວ່າງການນຳຂັ້ນສູງ; ເພີ່ມທະວີການພົບປະແລກປ່ຽນຂັ້ນສູງ, ທຸກຂັ້ນໃນທຸກຊ່ອງທາງຂອງພັກ, ລັດ ແລະ ສະພາແຫ່ງຊາດ; ບູລະນະ ແລະ ຊຸກຍູ້ບັນດາກົນໄກຮ່ວມມືລະຫວ່າງບັນດາກະຊວງ, ຂະແໜງການຂອງສອງປະເທດ.
ທ່ານ ກໍສະເໜີໃຫ້ ຍີ່ປຸ່ນ ສືບຕໍ່ຮ່ວມມື ແລະ ໜຸ່ມຊ່ວຍຫວຽດນາມ ສ້າງພື້ນຖານເສດຖະກິດເອກະລາດ, ເປັນເຈົ້າຕົນເອງ; ສະໜອງ ODA ຮຸ່ນໃໝ່ໃຫ້ແກ່ບັນດາໂຄງການພັດທະນາພື້ນຖານໂຄງລ່າງຍຸດທະສາດຂະໜາດໃຫຍ່, ການຮັບມືກັບການປ່ຽນແປງຂອງດິນຟ້າອາກາດ, ການຫັນປ່ຽນດີຈີຕອນ, ສາທາລະນະສຸກ...; ປະກາດວ່າ, ຫວຽດນາມ ພວມຊຸກຍູ້ການສ້າງຕັ້ງຄະນະປະຕິບັດງານລັດຖະບານ ເພື່ອຍູ້ແຮງລະດັບຄວາມຄືບໜ້າບັນດາໂຄງການຮ່ວມມືການລົງທຶນ, ODA ລະຫວ່າງສອງປະເທດ...ພ້ອມກັນນັ້ນ, ກໍຊຸກຍູ້ການພົບປະແລກປ່ຽນປະຊາຊົນ ໂດຍຜ່ານການຍູ້ແຮງການຮ່ວມມືດ້ານວັດທະນະທຳ, ທ່ອງທ່ຽວ, ການອອກແຮງງານ, ການບຳລຸງສ້າງແຫຼ່ງຊັບພະຍາກອນມະນຸດ...
ຕາມທ່ານຜູ້ແທນສະພາຕ່ຳ, ລັດຖະມົນຕີກະຊວງການຕ່າງປະເທດ ຍີ່ປຸ່ນ Komura Masahiro ແລ້ວ, ປະຈຸບັນ ວິສາຫະກິດ ຍີ່ປຸ່ນ ພວມມີຄວາມສົນໃຈຫຼາຍໃນການເປິດກວ້າງການລົງທຶນຢູ່ ຫວຽດນາມ. ທ່ານສະເໜີໃຫ້ລັດຖະບານຫວຽດນາມ ຊຸກຍູ້ການປັບປຸງສະພາບແວດລ້ອມແຫ່ງການລົງທຶນໃຫ້ດີຂຶ້ນຕື່ມອີກ, ຜັນຂະຫຍາຍການຮ່ວມມືໃນຂົງເຂດໃໝ່ຄື ການຫັນເປັນດີຈີຕອນ, ການຫັນເປັນສີຂຽວ ແລະ ການຮ່ວມມືໃນຂອບເຂດຂໍ້ລິເລີ່ມ AZEC (ປະຊາຄົມ ການປ່ອຍອາຍພິດລົງເປັນ 0 ອາຊີ).
ທ່ານ Komura Masahiro ກໍ່ຢືນຢັນຈະສົມທົບກັນຢ່າງແໜ້ນແຟ້ນກັບກະຊວງການຕ່າງປະເທດ ຫວຽດນາມ ເພື່ອຜັນຂະຫຍາຍວຽກງານຄະນະຜູ້ແທນຂັ້ນສູງລະຫວ່າງ 2 ປະເທດໃນໄລຍະຈະມາເຖິງ ຢ່າງມີປະສິດທິຜົນ. 2 ຝ່າຍ ກໍຈະສືບຕໍ່ສະໜັບສະໜູນເຊິ່ງກັນ ແລະ ກັນຢູ່ບັນດາເວທີປາໄສຫຼາຍຝ່າຍ, ອົງການສາກົນ; ໄດ້ເຫັນດີເປັນເອກະພາບເພີ່ມທະວີການປະສົມປະສານ, ແບ່ງປັນຫຼັກໝັ້ນ, ຮ່ວມມືໃນບັນດາບັນຫາທີ່ຕ່າງຝ່າຍຕ່າງມີຄວາມສົນໃຈ.
ສົມເຟັດ
