ວັນທີ 29 ກຸມພາ, ຢູ່ນະຄອນ ໂຮ່ຈີມິນ, ບໍລິສັດໃຫຍ່ທ່ອງທ່ຽວ ໄຊງ່ອນ (Saigontourist Group) ໄດ້ຈັດຕັ້ງ “ພິທີສ້າງຕັ້ງສະມາຄົມມິດຕະພາບ ຫວຽດນາມ - ຍີ່ປຸ່ນ ສາຂາ Saigontourist Group. ເນື່ອງໃນໂອກາດນີ້, Saigontourist Group ໄດ້ນຳໃຊ້ໂປຣໂມຊັນພິເສດຫຼາຍຢ່າງໃຫ້ແກ່ລູກຄ້າຊາວຍີ່ປຸ່ນ.
 |
| ພິທີປະກາດຂໍ້ຕົກລົງການສ້າງຕັ້ງສະມາຄົມມິດຕະພາບ ຫວຽດນາມ - ຍີ່ປຸ່ນ ສາຂາ Saigontourist Group. ພາບ: thanhuytphcm.vn |
ທີ່ພິທີ, ທ່ານ ເຈີ່ນຊວນຕວ່ານ, ຮອງປະທານສະມາຄົມໄດ້ປະກາດຂໍ້ຕົກລົງສ້າງຕັ້ງສະມາຄົມມິດຕະພາບຫວຽດນາມ - ຍີ່ປຸ່ນ ນະຄອນ ໂຮ່ຈີມິນ. ທ່ານ ຟ້າມຮຸຍບິ່ງ, ປະທານສະພາສະມາຊິກ Saigontourist Group, ເປັນຫົວໜ້າສະມາຄົມມິດຕະພາບ ຫວຽດນາມ - ຍີ່ປຸ່ນ ສາຂາ Saigontourist Group.
ກ່າວຄຳເຫັນທີ່ພິທີ, ທ່ານ ຫງວຽນເຟືອກລົກ, ຮອງເລຂາຄະນະພັກນະຄອນ ໂຮ່ຈີມິນ, ປະທານສະມາຄົມມິດຕະພາບ ຫວຽດນາມ - ຍີ່ປຸ່ນ ນະຄອນ ໂຮ່ຈີມິນ ໃຫ້ຮູ້ວ່າ: ເຫດການມອບຂໍ້ຕົກລົງສ້າງຕັ້ງສະມາຄົມມິດຕະພາບ ຫວຽດນາມ - ຍີ່ປຸ່ນ ສາຂາ Saigontourist Group ໄດ້ຈັດຂຶ້ນໃນໂອກາດສະເຫຼີມສະຫຼອງ 64 ປີແຫ່ງວັນຄ້າຍວັນປະສູດຂອງສົມເດັດພະເຈົ້າຈັກກະພັດຍີ່ປຸ່ນ. ສາຂາ Saigontourist Group ເປີດຕົວ ອັນໄດ້ຍົກຈໍານວນສະມາຊິກສາຂາຂອງສະມາຄົມມິດຕະພາບຫວຽດນາມ-ຍີ່ປຸ່ນ ຂຶ້ນເປັນ 26 ສາຂາ.
ທ່ານ ລົກ ຕີລາຄາວ່າ: ການຮ່ວມມືລະຫວ່າງນະຄອນ ໂຮ່ຈີມິນ ແລະ ຍີ່ປຸ່ນ ຍາມໃດກໍ່ຮັບຮູ້ວ່າ ແມ່ນໜຶ່ງໃນບັນດາການເຄື່ອນໄຫວທີ່ພົ້ນເດັ່ນໃນການຮ່ວມມືລະຫວ່າງ ຫວຽດນາມ ແລະ ຍີ່ປຸ່ນ. ປະຈຸບັນ, ຍີ່ປຸ່ນແມ່ນຄູ່ຮ່ວມມືການຄ້າ ຢືນອັນດັບທີ 5, ຕະຫຼາດສົ່ງອອກ ແລະເປັນນັກລົງທຶນໃຫຍ່ອັນດັບ 3 ຂອງນະຄອນໂຮ່ຈີມິນ.
ຕາມທ່ານ ຟ້າມຮຸຍບິ່ງ ແລ້ວ, ເຫດການນີ້ມີຄວາມໝາຍສຳຄັນ, ສ້າງຂີດໝາຍບາດກ້າວພັດທະນາໃໝ່ໃນການພົວພັນຮ່ວມມືມິດຕະພາບລະຫວ່າງ Saigontourist Group ແລະ ບັນດາຄູ່ຮ່ວມມື ຍີ່ປຸ່ນ.
ຜ່ານສາຂາສະມາຄົມ, Saigontourist Group ຈະສືບຕໍ່ປະຕິບັດບັນດາການເຄື່ອນໄຫວສົ່ງເສີມການທ່ອງທ່ຽວລະຫວ່າງ 2 ປະເທດໃນບັນດາຂົງເຂດການບໍລິການທີ່ພັກ, ບໍລິການທ່ອງທ່ຽວ, ອາຫານການກິນ, ເຫດການ, ງານຕະຫຼາດນັດ, ການລະຫຼິ້ນບັນເທີງ... ແລະ ຜັນຂະຫຍາຍຮູບແບບການຮ່ວມມືພັດທະນາລະຫວ່າງວິສາຫະກິດ ຫວຽດນາມ ແລະ ຍີ່ປຸ່ນ.
ບູນມີ
