| ວິສາຫະກິດລາວ ແລະ ໄທ ມີຄວາມສົນໃຈໃນການລົງທຶນການທ່ອງທ່ຽວທາງທະເລຢູ່ກວາງຈີ ສສ ຫວຽດນາມ | |
| ຮ່າໂນ້ຍ ສ້າງເງື່ອນໄຂເພື່ອໃຫ້ບັນດາວິສາຫະກິດ ສ. ເກົາຫຼີ ຮ່ວມມື, ລົງທຶນ |
ບັນດາຜູ້ຖືຫຸ້ນຂອງບໍລິສັດຫຸ້ນສ່ວນກະສິກຳສາກົນ ຮວ່າງແອງຢາລາຍ (HAGL Agrico, HNG) ໄດ້ຮັບຮອງເອົາແຜນການລົງທຶນໂຄງການກະສິກຳຢູ່ລາວ ທີ່ກອງປະຊຸມໃຫຍ່ຜູ້ຖືຫຸ້ນວິສາມັນຫວ່າງແລ້ວນີ້. ຕາມນັ້ນແລ້ວ, ໂຄງການນີ້ ຈະປູກຕົ້ນໄມ້ໃຫ້ໝາກ (ໝາກກ້ວຍ, ໝາກມ່ວງ, ໝາກກ້ຽງໃຫຍ່, ໝາກຖົ່ວລຽນ) ສົມທົບກັບການລ້ຽງງົວເຄິ່ງປ່ອຍທົ່ງຫຍ້າ, ງົວພັນຊີ້ນ ແລະ ປຸງແຕ່ງໝາກໄມ້...
ບໍລິສັດກະສິກຳຂອງເສດຖີເງິນຕື້ ເຈີນບ໋າເຢື່ອງ ມີແຜນຈະລົງທຶນ 18.000 ຕື້ດົ່ງ (750 ລ້ານ USD) ເຂົ້າໃນໂຄງການທີ່ກ່າວມາຂ້າງເທິງ, ໃນນັ້ນ ທຶນຮອນແມ່ນ 9.650 ຕື້, ສ່ວນເຫຼືອແມ່ນທຶນກູ້ຢືມຈາກທະນາຄານພາຍໃນ ແລະ ຕ່າງປະເທດ. ໂຄງການດັ່ງກ່າວຄາດວ່າ ຈະສ້າງສຳເລັດໃນປີ 2028, ດຳເນີນເປັນເວລາ 50 ປີ.
 |
| ໂຄງການກະສິກໍາຢູ່ ລາວ |
ຜູ້ລົງທຶນປະຕິບັດໂຄງການ ແມ່ນບໍລິສັດການລົງທຶນ ແລະ ການຜະລິດທຸລະກິດກະສິກຳພາກໃຕ້ລາວ ຈຳກັດຜູ້ດຽວ. ໃນນັ້ນ, HAGL Agrico ຈະປະກອບສ່ວນ 100% ຂອງທຶນຮອນໂດຍຜ່ານຮູບການປະກອບສ່ວນທຶນລະບຽບການໃຫ້ແກ່ວິສາຫະກິດນີ້.
ເມື່ອນຳເຂົ້າເຄື່ອນໄຫວນັບແຕ່ປີ 2028, ໂຄງການວາງເປົ້າໝາຍມີລາຍຮັບ 13.500 ຕື້ດົ່ງ (550 ລ້ານ USD) ແລະ 2.450 ຕື້ດົ່ງ (100 ລ້ານ USD) ກຳໄລໃນແຕ່ລະປີ.
ລາວ ຍາມໃດກໍຮັກສາທີ່ຕັ້ງອັນດັບໜຶ່ງໃນບັນດາ 80 ປະເທດ ແລະ ເຂດແຄວ້ນທີ່ວິສາຫະກິດ ຫວຽດນາມ ມີການລົງທຶນຢູ່ຕ່າງປະເທດ. ໄລ່ຮອດທ້າຍປີ 2023, ຕາມຂໍ້ມູນຂອງກະຊວງແຜນການ ແລະ ການລົງທຶນ, ຍອດຈຳນວນທຶນຈົດທະບຽນຂອງ ຫວຽດນາມ ເຂົ້າມາ ລາວ ບັນລຸເກືອບ 5,5 ຕື້ USD. ຫວຽດນາມ ກໍ່ຢູ່ໃນ top 3 ປະເທດທີ່ມີການລົງທຶນໂດຍກົງໃຫຍ່ທີ່ສຸດຢູ່ປະເທດນີ້.
ກ່ອນໜ້ານີ້, ໃນທ້າຍປີ 2023, ສະພາບໍລິຫານບໍລິສັດ HAGL Agrico ໄດ້ຮັບຮອງການສ້າງຕັ້ງບໍລິສັດການລົງທຶນ ແລະ ການຜະລິດທຸລະກິດກະສິກຳພາກໃຕ້ລາວ ຈຳກັດຜູ້ດຽວ (Southern Laos Agri). ບໍລິສັດມີຍອດຈຳນວນທຶນຈົດທຶນປະມານ 400 ລ້ານ USD, ຂຶ້ນກັບກຳມະສິດຂອງ HAGL Agrico 100%.
ມິງດຶກ
