| ແຂວງຈໍາປາສັກ ປະເທດ ລາວ ກຳລັງກຽມຕ້ອນຮັບປີທ່ອງທ່ຽວລາວ 2024 | |
| ແຂວງດົ່ງນາຍ ແລະ ແຂວງຈໍາປາສັກ (ລາວ) ແລກປ່ຽນປະສົບການໃນການເຄື່ອນໄຫວສະພາປະຊາຊົນ |
ຕອນບ່າຍວັນທີ 30 ມັງກອນ, ຄະນະປະຕິບັດງານແຂວງຈໍາປາສັກ (ລາວ) ນໍາໂດຍສະຫາຍ ສົມບູນ ເຮືອງວົງສາ ຄະນະປະຈໍາພັກແຂວງ, ຮອງເຈົ້າແຂວງ, ປະທານສະມາຄົມມິດຕະພາບລາວ-ຫວຽດນາມ ແຂວງຈໍາປາສັກ ໄດ້ໄປຢ້ຽມຢາມ ແລະເຮັດວຽກກັບການນໍານະຄອນດ່ານັງ.
 |
| ທ່ານ ໂຮ່ກີ່ມິງ ຮອງປະທານຄະນະກໍາມະການປະຊາຊົນນະຄອນດ່ານັງ (ເບື້ອງຂວາ) ຕ້ອນຮັບທ່ານ ສົມບູນ ເຮືອງວົງສາ ຮອງເຈົ້າແຂວງໆຈໍາປາສັກ. ພາບ: ສໍານັກຂ່າວສານຫວຽດນາມ |
ທີ່ການຕ້ອນຮັບຄະນະ, ທ່ານ ໂຮ່ກີ່ມິງ ຮອງປະທານຄະນະກໍາມະການປະຊາຊົນນະຄອນດ່ານັງ ໃຫ້ຮູ້ວ່າ ໃນໄລຍະຜ່ານມາ, ດ່ານັງ ໄດ້ສົມທົບກັບ 5 ແຂວງພາກກາງລາວ, ໃນນັ້ນ ມີແຂວງຈໍາປາສັກ, ຜັນຂະຫຍາຍຫຼາຍໂຄງການຮ່ວມມື, ແຜນການ...
 |
| ທ່ານ ສົມບູນ ເຮືອງວົງສາ ຮອງເຈົ້າແຂວງໆຈໍາປາສັກ ອວຍພອນປີໃໝ່ການນໍານະຄອນດ່ານັງ. ພາບ: ສໍານັກຂ່າວສານຫວຽດນາມ |
ໄລຍະ 2018-2022, ນະຄອນດ່ານັງ ຊ່ວຍເຫຼືອແຂວງຈໍາປາສັກ 17,83 ຕື້ດົ່ງ ເພື່ອປະຕິບັດໂຄງການຮ່ວມມືຕ່າງໆ.
ທ່ານຮອງປະທານຄະນະກໍາມະການນະຄອນດ່ານັງ ເນັ້ນໜັກວ່າ ໃນປີ 2022, ທັງສອງປະເທດໄດ້ຈັດຕັ້ງຫຼາຍການເຄື່ອນໄຫວເພື່ອສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ ແລະ 45 ປີແຫ່ງວັນເຊັນສົນທິສັນຍາມິດຕະພາບ ແລະການຮ່ວມມືລາວ-ຫວຽດນາມ, ຫວຽດນາມ-ລາວ. ນະຄອນດ່ານັງ ຫວັງວ່າ ຈະພ້ອມກັບແຂວງຕ່າງໆຂອງລາວ, ໃນນັ້ນ ມີແຂວງ ຈໍາປາສັກ ສືບຕໍ່ເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງສອງພັກ, ສອງລັດ ແລະປະຊາຊົນສອງປະເທດຫວຽດນາມ-ລາວ ໃຫ້ນັບມື້ນັບຂຽວສົດງົດງາມ, ຍືນຍົງຕະຫຼອດໄປ.
ໂດຍສະແດງຄວາມດີໃຈເມື່ອໄດ້ມາຢ້ຽມຢາມ ແລະອວຍພອນຢູ່ນະຄອນດ່ານັງ ເນື່ອງໃນໂອກາດບຸນເຕັດປະຈໍາຊາດຫວຽດນາມ, ທ່ານ ສົມບູນ ເຮືອງວົງສາ ໄດ້ສົ່ງຄໍາຢື້ຢາມຖາມຂ່າວ ແລະຄຳອວຍພອນອັນປະເສີດມາຍັງອໍານາດການປົກຄອງ ແລະປະຊາຊົນນະຄອນດ່ານັງ ເນື່ອງໃນໂອກາດບຸນປີໃໝ່ປະຈໍາຊາດ ແລະສະແດງຄວາມຊົມເຊີຍຕໍ່ໝາກຜົນທີ່ດີງາມເຊິ່ງນະຄອນດ່ານັງ ບັນລຸໄດ້ໃນຊຸມປີຜ່ານມາ.
ກ່າວສະແດງຄວາມຂອບໃຈຕໍ່ການສະນັບສະໜູນ ແລະຊ່ວຍເຫຼືອຂອງນະຄອນດ່ານັງ ໃນໄລຍະຜ່ານມາກ່ຽວກັບດ້ານສາທາລະນະສຸກ, ການສຶກສາ, ການສ້າງສາ, ທ່ານ ສົມບູນ ເຮືອງວົງສາ ປາດຖະໜາຢາກໃຫ້ນໍ້າໃຈສາມັກຄີມິດຕະພາບລະຫວ່າງສອງພັກ, ສອງລັດ ນັບມື້ນັບພັດທະນາ, ພິເສດແມ່ນຄວາມຮັກແພງ ແລະການພົວພັນລະຫວ່າງແຂວງຈໍາປາສັກ ກັບນະຄອນດ່ານັງ ນັບມື້ນັບໝັ້ນແກ່ນ, ເຂົ້າສູ່ລວງເລິກ.
ສົມເພັດ
