| ຄຳມ່ວນ (ສປປ.ລາວ) ຈະດຶງດູດນັກທ່ອງທ່ຽວໃຫ້ໄດ້ 93 ພັນຄົນ ໃນ 3 ເດືອນທ້າຍປີ 2023 | |
| ອາເມລິກາ ປາດຖະໜາຢາກພັດທະນາການພົວພັນຄູຮ່ວມມືຮອບດ້ານ ຫວຽດນາມ - ອາເມລິກາ ໃຫ້ເຂົ້າສູ່ລວງເລິກ |
ທ່ານນາຍົກລັດຖະມົນຕີ ຫວຽດນາມ ໄດ້ສະແດງຄວາມຍິນດີຕ້ອນຮັບການຢ້ຽມຢາມຂອງທ່ານຮອງລັດຖະມົນຕີການຕ່າງປະເທດ ອາເມລິກາ ເພື່ອສືບຕໍ່ຫັນ ແລະ ຜັນຂະຫຍາຍລະອຽດບັນດາຂໍ້ຕົກລົງຂອງການນຳຂັ້ນສູງຂອງສອງປະເທດໃນການໄປຢ້ຽມຢາມ ຫວຽດນາມ ຂອງ ທ່ານປະທານາທິບໍດີ ອາເມລິກາ Joe Biden ໃນເດືອນ ກັນຍາ 2023 ໃຫ້ປະກົດຜົນເປັນຈິງ.
ທ່ານນາຍົກລັດຖະມົນຕີ ຫວຽດນາມ ໄດ້ສະເໜີທ່ານຮອງລັດຖະມົນຕີ ສືບຕໍ່ຊຸກຍູ້ຝ່າຍ ອາເມລິກາ ພິຈາລະນາຢ່າງຮີບດ່ວນ ເພື່ອຮັບຮອງ ຫວຽດນາມ ກໍ່ມີພື້ນຖານເສດຖະກິດທ້ອງຕະຫຼາດ ແລະ ຍົກເລີກບັນດາຂໍ້ຈຳກັດທີ່ກ່ຽວຂ້ອງເຖິງການສົ່ງອອກເຕັກໂນໂລຢີສູງໃຫ້ແກ່ ຫວຽດນາມ; ສືບຕໍ່ເປີດກວ້າງ ແລະ ລົງເລິກການຮ່ວມມືໃນທຸກຂົງເຂດຕາມຈິດໃຈຜົນປະໂຫຍດທີ່ກົມກຽວກັນ, ຄວາມສ່ຽງແບ່ງປັນ, ໃນນັ້ນ ມີບັນດາຂົງເຂດໃໝ່, ມີລັກສະນະເປັນບຸກທະລຸ, ຄືນະວັດຕະກຳ, ປັນຍາປະດິດ, ການຮ່ວມມືກ່ຽວກັບບັນດາການສະໜອງ, ການຫັນເປັນສີຂຽວ ແລະ ພິເສດແມ່ນການຊຸກຍູ້ການຮ່ວມມືກ່ຽວກັບບັນດາການສະໜອງທາດເຄິ່ງຊັກນຳໄຟຟ້າ.
ທ່ານນາຍົກລັດຖະມົນຕີ ຫວຽດນາມ ກໍໄດ້ສະເໜີໃຫ້ ອາເມລິກາ ຕັ້ງໜ້າໜູນຊ່ວຍຫວຽດນາມ ຍົກສູງຄວາມສາມາດເຂົ້າຮ່ວມຂອບເສດຖະກິດ ມະຫາສະໝຸດອິນເດຍ - ປາຊີຟິກ ເພື່ອຄວາມຈະເລີນຮຸ່ງເຮືອງ (IPEF) ທີ່ພວມສືບຕໍ່ເຈລະຈາ; ຜັນຂະຫຍາຍຂອບເຂດການພົວພັນຄູ່ຮ່ວມມືການຫັນປ່ຽນພະລັງງານຍຸດຕິທຳ (JETP) ໜູນຊ່ວຍ ຫວຽດນາມ ປະຕິບັດເປົ້າໝາຍການປ່ອຍອາຍພິດລົງເປັນ "0" ໃນປີ 2050, ພິເສດແມ່ນດ້ານການເງິນ, ຖ່າຍທອດເຕັກໂນໂລຢີ, ຍົກສູງຄວາມສາມາດ, ບົນພື້ນຖານທີ່ເໝາະສົມກັບເງື່ອນໄຂເສດຖະກິດ - ສັງຄົມຂອງ ຫວຽດນາມ.
ທ່ານຮອງລັດຖະມົນຕີການຕ່າງປະເທດ ອາເມລິກາ ໃຫ້ຮູ້ວ່າ ການຢ້ຽມຢາມເພື່ອສືບຕໍ່ຫັນເປັນລະອຽດ, ຊຸກຍູ້ຂອບເຂດການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ 2 ປະເທດ; ແຈ້ງຂ່າວຜົນການເຮັດວຽກກັບບັນດາກະຊວງ, ຂະແໜງການກ່ຽວກັບເນື້ອໃນນີ້ໃນການຢ້ຽມຢາມ.
ທ່ານ ໃຫ້ຮູ້ວ່າ ຝ່າຍອາເມລິກາ ພວມສືບຕໍ່ພິຈາລະນາ, ແກ້ໄຂບັນດາບັນຫາທີ່ທ່ານນາຍົກລັດຖະມົນຕີ ໄດ້ຍົກອອກທີ່ກ່ຽວຂ້ອງກັບລະບຽບການເສດຖະກິດທ້ອງຕະຫຼາດ ແລະ ຂໍ້ຈຳກັດທີ່ກ່ຽວຂ້ອງເຖິງການສົ່ງອອກເຕັກໂນໂລຢີສູງຢ່າງຕັ້ງໜ້າ.
 |
| ທ່ານ Jose Fernandez ໃຫ້ຮູ້ວ່າ ອາເມລິກາ ກໍຈະສືບຕໍ່ໜູນຊ່ວຍເພື່ອພັດທະນາລະບົບນິເວດເຄິ່ງຊັກນຳໄຟຟ້າຢູ່ ຫວຽດນາມ; ຊຸກຍູ້ການຮ່ວມມືໃນຂົງເຂດຫັນປ່ຽນພະລັງງານສະອາດ ແລະ ແຮ່ທາດທີ່ຈຳເປັນ. |
ໂດຍຊີ້ແຈ້ງວ່າ ຕ້ອງໝູນໃຊ້ໂອກາດຈົນສຸດຄວາມສາມາດໃນປະຈຸບັນເພື່ອຊຸກຍູ້ການພົວພັນລະຫວ່າງສອງປະເທດ ແລະ ຕີລາຄາສູງຈິດໃຈເລີ່ມດຳເນີນທຸລະກິດຢູ່ຫວຽດນາມ, ທ່ານ Jose Fernandez ເນັ້ນໜັກວ່າ ຕ້ອງເສີມຂະຫຍາຍຄວາມສາມາດບົ່ມຊ້ອນອັນໃຫຍ່ຫຼວງຂອງຫວຽດນາມໃນຂົງເຂດເຄິ່ງຊັກນຳໄຟຟ້າຢ່າງວ່ອງໄວ. ອາເມລິກາ ກໍຈະສືບຕໍ່ໜູນຊ່ວຍເພື່ອພັດທະນາລະບົບນິເວດເຄິ່ງຊັກນຳໄຟຟ້າຢູ່ ຫວຽດນາມ, ໃນນັ້ນ ມີການຮ່ວມມືດ້ານການບຳລຸງສ້າງແຫຼ່ງຊັບພະຍາກອນມະນຸດ, ຊຸກຍູ້ການຄ້າເຄິ່ງຊັກນຳໄຟຟ້າ.
ຝ່າຍ ອາເມລິກາ ກໍຈະຊຸກຍູ້ການຮ່ວມມືໃນຂົງເຂດຫັນປ່ຽນພະລັງງານສະອາດ ແລະ ແຮ່ທາດທີ່ຈຳເປັນ. ຕີລາຄາສູງຄຳໝັ້ນໝາຍຂອງ ຫວຽດນາມ ກ່ຽວກັບການຫຼຸດການປ່ອຍອາຍພິດລົງ, ທ່ານໃຫ້ຮູ້ວ່າ ໂດຍຜ່ານການສົນທະນາກັບທ່ານ, ມີວິສາຫະກິດ ອາເມລິກາ 15 ແຫ່ງພວມປາດສະໜາລົງທຶນເຂົ້າໃນ ຫວຽດນາມ ຢ່າງຮີບດ່ວນ ດ້ວຍປະມານ 8 ຕື້ USD ໃນຂົງເຂດພະລັງງານສະອາດ, ສະເໜີ ຫວຽດນາມ ສືບຕໍ່ແກ້ໄຂບັນດາບັນຫາທີ່ກ່ຽວຂ້ອງກັບຂັ້ນຕອນນິຕິກຳ.
ທ່ານຮອງລັດຖະມົນຕີການຕ່າງປະເທດ ອາເມລິກາ ສະເໜີໃຫ້ອົງການໂອ້ລົມເຈລະຈາລະຫວ່າງ 2 ຝ່າຍກ່ຽວກັບບັນດາຂົງເຂດເສດຖະກິດທີ່ສຳຄັນດັ່ງກ່າວ.
ໂດຍສະແດງຄວາມຊົມເຊີຍບັນດາຂໍ້ສະເໜີດັ່ງກ່າວ, ທ່ານນາຍົກລັດຖະມົນຕີ ໃຫ້ຮູ້ວ່າ ຫວຽດນາມ ພວມຕັ້ງໜ້າຜັນຂະຫຍາຍໂຄງການບຳລຸງສ້າງແຫຼ່ງຊັບພະຍາກອນມະນຸດຄຸນນະພາບສູງ 50.000 – 100.000 ຄົນໃຫ້ແກ່ຂົງເຂດເຄິ່ງຊັກນຳໄຟຟ້າ; ສຳເລັດພື້ນຖານນິຕິກຳ (ສະບັບປັບປຸງກົດໝາຍວ່າດ້ວຍໄຟຟ້າ) ກັບຂົງເຂດພະລັງງານທົດແທນ; ສຳເລັດບັນດາແຜນຜັງໃນຂົງເຂດດິນທີ່ຫາຍາກ; ຜ່ານນັ້ນ ກໍສ້າງເງື່ອນໄຂສະດວກ, ດຶງດູດການລົງທຶນເຂົ້າບັນດາໂຄງການສະເພາະ, ຊຸກຍູ້ການຮ່ວມມື, ພັດທະນາໃນ 3 ຂົງເຂດດັ່ງກ່າວ.
ໂດຍຕີລາຄາສູງສານສະເໝີຕົ້ນສະເໝີປາຍຂອງ ອາເມລິກາ ທີ່ສະໜັບສະໜູນ ຫວຽດນາມ "ເຂັ້ມແຂງ, ເອກະລາດ, ສ້າງຄວາມເຂັ້ມແຂງດ້ວຍຕົນເອງ, ວັດທະນາຖາວອນ", ທ່ານນາຍົກລັດຖະມົນຕີ ເນັ້ນໜັກວ່າ ຫວຽດນາມ ພ້ອມແລ້ວທີ່ຈະສົມທົບກັບ ອາເມລິກາ ຜັນຂະຫຍາຍການພົວພັນຄູ່ຮ່ວມມືຍຸດທະສາດຮອບດ້ານຕາມທິດນັບມື້ນັບແທດຈິງ, ກ້າວເຂົ້າສູ່ລວງເລິກ, ໝັ້ນຄົງບົນພື້ນຖານເຄົາລົບເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນ ແລະ ລະບອບລະບຽບການດ້ານການເມືອງກັນ; ສອດຄ່ອງກັບຜົນປະໂຫຍດຂອງປະຊາຊົນສອງປະເທດ ແລະ ປະກອບສ່ວນເຂົ້າໃນສັນຕິພາບ, ຄວາມໝັ້ນຄົງ, ການຮ່ວມມື ແລະ ການພັດທະນາຢູ່ພາກພື້ນ.
ມິງດຶກ
