| ຫຼາຍກິດຈະກຳພົບປະມິດຕະພາບ ເນື່ອງໃນໂອກາດວັນຊາດ ສປປ.ລາວ ຄົບຮອບ 48 ປີ | |
| ພິທີມອບຫຼຽນກາມິດຕະພາບ ໂດຍລັດຖະບານ ແຫ່ງ ສປປ ລາວ ໃຫ້ແກ່ອົງການກາແດງແຂວງ ແທງຮວາ ແລະ ກອນຕູມ (ຫວຽດນາມ) |
ຕອນເຊົ້າວັນທີ 27 ມັງກອນ, ຢູ່ສະໜາມກິລາແຂວງດ້ຽນບຽນ ໄດ້ດຳເນີນພິທີເປີດລາຍການ “ງານພົບປະແລກປ່ຽນວັດທະນະທໍາ, ແຂ່ງຂັນກິລາມິດຕະພາບລະຫວ່າງນັກຮຽນແຂວງດ້ຽນບຽນ (ຫວຽດນາມ) ກັບນັກຮຽນ 6 ແຂວງພາກເໜືອຂອງ ສປປ ລາວ, ປີ 2024”.
 | |
|
ເຂົ້າຮ່ວມການພົບປະແລກປ່ຽນ ແລະແຂ່ງຂັນກິລາ ມີພະນັກງານ, ຄູ-ອາຈານ ແລະນັກຮຽນ 300 ກວ່າຄົນຈາກແຂວງດ້ຽນບຽນ ແລະ 6 ແຂວງພາກເໜືອຂອງລາວ ເຊິ່ງລວມມີແຂວງ: ອຸດົມໄຊ, ຜົ້ງສາລີ, ຫຼວງນ້ຳທາ, ບໍ່ແກ້ວ, ຫຼວງພະບາງ, ໄຊຍະບູລີ. ລາຍການແລກປ່ຽນໄດ້ດຳເນີນເປັນເວລາ 4 ວັນ (ແຕ່ວັນທີ 27 – 30 ມັງກອນ) ໂດຍມີ 2 ກິດຈະກໍາຕົ້ນຕໍ, ຄື: ການພົບປະແລກປ່ຽນວັດທະນະທຳ ແລະແຂ່ງຂັນກິລາມິດຕະພາບຂອງນັກຮຽນ...
ກ່າວຄຳເຫັນທີ່ພິທີ, ທ່ານ ວື່ອາບັງ, ຮອງປະທານຄະນະກຳມະການປະຊາຊົນແຂວງດ້ຽນບຽນ, ຫົວໜ້າຄະນະຊີ້ນຳ, ຄະນະຈັດຕັ້ງລາຍການເນັ້ນໜັກວ່າ: “ຈຸດປະສົງຂອງລາຍການແມ່ນເພື່ອແນໃສ່ຮັດແໜ້ນນ້ຳໃຈສາມັກຄີ, ມິດຕະພາບ ແລະການພົວພັນສາກົນທີ່ເປັນແບບຢ່າງ, ສັດຊື່ບໍລິສຸດໃນຕະຫຼອດໄລຍະປະຫວັດສາດອັນສະຫງ່າງາມຂອງສອງປະເທດອ້າຍນ້ອງຫວຽດນາມ - ລາວ. ພ້ອມກັນນັ້ນ ກໍ່ສືບຕໍ່ແລກປ່ຽນບົດຮຽນໃນການເຄື່ອນໄຫວວຽກງານການສຶກສາ ແລະບຳລຸງສ້າງ, ການເຄື່ອນໄຫວວັດທະນະທຳ, ສິລະປະ, ກິລາກາຍະກຳ; ຮຽນຮູ້ກ່ຽວກັບວັດທະນະທໍາ, ປະເພນີລະຫວ່າງສອງປະເທດ. ນີ້ແມ່ນການສືບທອດ ແລະສະແດງໃຫ້ເຫັນກຳລັງແຮງແຫ່ງຄວາມສາມັກຄີ, ມິດຕະພາບ, ການຮ່ວມມື ແລະພັດທະນາ. ນອກຈາກນັ້ນ, ນີ້ກໍ່ແມ່ນໜຶ່ງໃນບັນດາການເຄື່ອນໄຫວທີ່ແທດຈິງ ເພື່ອສະເຫຼີມສະຫຼອງ 70 ປີແຫ່ງວັນໄຊຊະນະດ້ຽນບຽນຝູ (7-5-1954/7-5-2024).
ພາຍຫຼັງພິທີເປີດ, ໃນຕອນບ່າຍຂອງວັນດຽວກັນ, ບັນດານັກກິລາໄດ້ລົງແຂ່ງຂັນກິລາມິດຕະພາບຢ່າງເປັນທາງການ, ຢູ່ບັນດາສະຖານທີ່, ຄື: ສະໜາມກິລາແຂວງ, ສະໜາມກິລາໃນຮົ່ມແຂວງ. ຕອນຄ່ຳວັນທີ 30 ມັງກອນ, ຄະນະສິລະປະຈະແລກປ່ຽນການສະແດງສິລະປະ ແລະສິ້ນສຸດລາຍການຢູ່ສູນປະຊຸມວັດທະນະທຳແຂວງດ້ຽນບຽນ.
ສົມເພັດ
