| ເລຂາທິການໃຫຍ່ ອາຊຽນ: ຫວຽດນາມ ຮ່ວມແຮງຮ່ວມໃຈປະກອບສ່ວນອັນໃຫຍ່ຫຼວງໃຫ້ແກ່ຜົນງານໃນຕະຫຼອດ 56 ປີຜ່ານມາຂອງ ອາຊຽນ | |
| ບັນດາປະເທດ ອາຊຽນ ຕີລາຄາສູງການກະກຽມໃຫ້ແກ່ກອງປະຊຸມສຸດຍອດ ອາຊຽນ ຂອງຫວຽດນາມ |
ງານຕະຫຼາດນັດການທ່ອງທ່ຽວສາກົນ TRAVEX 2024 ໄດ້ເປີດແຕ່ວັນທີ 24 ມັງກອນ ຢູ່ນະຄອນຫຼວງ ວຽງຈັນ (ລາວ). ນີ້ແມ່ນເຫດການປະຈຳປີ, ໄດ້ຈັດຕັ້ງໜູນວຽນລະຫວ່າງບັນດາປະເທດ ດ້ວຍຂອບຂະຫນາດໃຫຍ່ທີ່ສຸດໃນພາກພື້ນ ອາຊຽນ ກ່ຽວກັບຂະແໜງການທ່ອງທ່ຽວ, ດຶງດູດການເຂົ້າຮ່ວມຂອງບັນດາອົງການທ່ອງທ່ຽວແຫ່ງຊາດ, ປະຊາຄົມວິສາຫະກິດທ່ອງທ່ຽວ, ໂຮງແຮມ ແລະ ບັນດາອົງການສື່ສານ, ສື່ມວນຊົນທັງພາຍໃນ ແລະ ຕ່າງປະເທດ.
 |
|
|
ປີນີ້, ຮ້ານແນະນຳການທ່ອງທ່ຽວ ຫວຽດນາມ ໂດຍກົມທ່ອງທ່ຽວແຫ່ງຊາດຫວຽດນາມ ເປັນປະທານດ້ວຍການເຂົ້າຮ່ວມຂອງ 5 ທ້ອງຖິ່ນຄື ດ້ຽນບຽນ, ນິງບິ່ງ, ເງ້ອານ, ຮ່າຕິ້ງ, ກວາງບິ່ງ ແລະ 3 ວິສາຫະກິດທ່ອງທ່ຽວ.
ຮ້ານດັ່ງກ່າວ ໄດ້ສົ່ງເສີມ, ໂຄສະນາ, ແນະນຳຮູບພາບການທ່ອງທ່ຽວ, ປະເທດຊາດ, ປະຊາຊົນ, ວັດທະນະທຳ ຫວຽດນາມ; ຊຸກຍູ້ການຍົກສູງເຄື່ອງໝາຍການຄ້າການທ່ອງທ່ຽວ ຫວຽດນາມ “Vietnam - Timeless Charm” ດ້ວຍບັນດາຄຸນຄ່າທີ່ພົ້ນເດັ່ນ ແລະ ບັນດາກະແສສິນຄ້າທ່ອງທ່ຽວທີ່ເປັນເຈົ້າພາທາງ, ສົ່ງສານຂອງຫວຽດນາມ ທີ່ວ່າ ແມ່ນຈຸດໝາຍປາຍທາງທີ່ປອດໄພ, ເປັນມິດ, ເປັນໜ້າສົນໃຈໄປສູ່ປະຊາຄົມບັນດາປະເທດ ອາຊຽນ, ບັນດາປະເທດຄູ່ຮ່ວມມື ແລະ ເພື່ອນມິດສາກົນ.
ບັນດາເນື້ອໃນໂຄສະນາກ່ຽວກັບການທ່ອງທ່ຽວ ຫວຽດນາມ ມີເໝາະສົມກັບທ່າອຽງຂອງທ້ອງຕະຫຼາດໃນສະພາບການໃໝ່, ເປີດໄລຍະພັດທະນາໃຫ້ການທ່ອງທ່ຽວຫວຽດນາມ, ພ້ອມກັບການເຄື່ອນໄຫວໂຄສະນາ, ສົ່ງເສີມກ່ຽວກັບປີທ່ອງທ່ຽວແຫ່ງຊາດ - ດ້ຽນບຽນ 2024 ທີ່ໄດ້ລົງທຶນປ່ຽນແປງໃໝ່ດ້ານເນື້ອໃນ, ຮູບການສະແດງອອກ. ເຂົ້າຮ່ວມງານຕະຫຼາດນັດ ຍັງລວມມີບັນດາທ້ອງຖິ່ນ ດ້ຽນບຽນ, ນິງບິ່ງ, ເງ້ອານ, ຮ່າຕິ້ງ ແລະ ກວາງບິ່ງ ແລະ ບາງວິສາຫະກິດນຳໜ້າຂອງການທ່ອງທ່ຽວ ຫວຽດນາມ.
ໂດຍແລກປ່ຽນກັບສື່ມວນຊົນ, ທ່ານນາງຮອງຜູ້ອຳນວຍການພະແນກວັດທະນະທຳ, ກິລາ ແລະ ທ່ອງທ່ຽວແຂວງ ດ້ຽນບຽນ ຫງວຽນທິແທງຈວຽນ ໃຫ້ຮູ້ວ່າ ມາທີ່ງານຕະຫຼາດນັດ TRAVEX ຄັ້ງນີ້, ຄະນະ ໄດ້ເຂົ້າຮ່ວມກອງປະຊຸມຂ່າວແນະນຳກ່ຽວກັບລາຍການປີທ່ອງທ່ຽວແຫ່ງຊາດ ດ້ຽນບຽນ 2024, ແນະນຳບັນດາຜະລິດຕະພັນການທ່ອງທ່ຽວຢູ່ຮ້ານແນະນຳການທ່ອງທ່ຽວ ຫວຽດນາມ, ແນະນຳກ່ຽວກັບປະຊາຊົນ, ດິນແດນ, ວັດທະນະທຳພື້ນເມືອງຂອງແຂວງ ດ້ຽນບຽນ ໃຫ້ແກ່ນັກທ່ອງທ່ຽວຈາກບັນດາປະເທດອາຊຽນ.
ທ່ານນາງ ຈວຽນ ໄດ້ສະແດງຄວາມປາດຖະໜາວ່າ ໂດຍຜ່ານງານຕະຫຼາດນັດ TRAVEX ຄັ້ງນີ້, ນັກທ່ອງທ່ຽວສາກົນ ຈະໄດ້ຮັບຮູ້ກ່ຽວກັບນະຄອນ ດ້ຽນບຽນ ເວົ້າສະເພາະ ກໍຄືມາຫາປະເທດ ຫວຽດນາມ ໃນໄລຍະຈະມາເຖິງ.
ມິງດຶກ
