| ຄວາມສາມາດບົ່ມຊ້ອນດ້ານການທ່ອງທ່ຽວຊຸມຊົນ ຢູ່ເມືອງ ກະບາງ ແຂວງ ຢາລາຍ | |
| ແຂວງ ຢາລາຍ ເສີມຂະຫຍາຍບົດບາດຜູ້ມີອິດທິພົນຊື່ສຽງໃນວົງຄະນາຍາດຊາວຊົນເຜົ່າສ່ວນຫນ້ອຍ |
 |
| ທີ່ກອງປະຊຸມ (ພາບ: TTXVN) |
ກອງປະຊຸມຄູ່ຮ່ວມມືພັດທະນາລະຫວ່າງແຂວງ ຢາລາຍ ແລະ ບັນດາອົງການສະຖານກົງສູນ, ສະມາຄົມວິສາຫະກິດຕ່າງປະເທດ ປະຈຳນະຄອນ ໂຮ່ຈີມິນ ໄດ້ດຳເນີນໃນຕອນບ່າຍວັນທີ 22 ເມສາ, ຢູ່ແຂວງ ຢາລາຍ. ນີ້ແມ່ນໂອກາດເພື່ອໃຫ້ແຂວງ ຢາລາຍ ໂຄສະນາຄວາມສາມາດບົ່ມຊ້ອນ ແລະ ທ່າແຮງຂອງແຂວງຕໍ່ຄະນະສະຖານກົງສູນ, ລວມມີ: ສະຖານກົງສູນລາວ, ກຳປູເຈຍ, ອີຕາລີ, ໄທ, ອິນເດຍ, ຈີເລ, ບຣາຊິນ, ມຽນມາ; ຫ້ອງການເສດຖະກິດ - ວັດທະນະທຳ ໄທເປ (ຈີນ)…; ສະມາຄົມວິສາຫະກິດ ອີຕາລີ, ສ.ເກົາຫຼີ.
ຕາມນັ້ນແລ້ວ, ແຂວງ ຢາລາຍ ມີບັນດາທ່າແຮງກ່ຽວກັບຂົງເຂດກະສິກຳເຕັກໂນໂລຊີສູງ, ອຸດສາຫະກຳປຸງແຕ່ງຜະລິດຕະພັນກະສິກຳ, ພະລັງງານຜະລິດຄືນໃໝ່ ແລະ ການທ່ອງທ່ຽວ.
ທ່ານປະທານຄະນະກຳມະການປະຊາຊົນແຂວງ ຢາລາຍ ວໍງອກແທັງ ຮຽກຮ້ອງໃຫ້ເອົາໃຈໃສ່, ເພີ່ມທະວີການຮ່ວມມືລົງທຶນຂອງບັນດາອົງການຈັດຕັ້ງ, ຄູ່ຮ່ວມມືສາກົນ, ພ້ອມກັນຂຸດຄົ້ນ ເຊິ່ງຕ່າງຝ່າຍຕ່າງມີຜົນປະໂຫຍດ. ຜ່ານນັ້ນ, ປະກອບສ່ວນປັບປຸງ, ເພີ່ມທະວີການພົວພັນທາງການທູດ, ມິດຕະພາບ ຮ່ວມມືພັດທະນາລະຫວ່າງ ຫວຽດນາມ ແລະ ບັນດາປະເທດເວົ້າລວມ, ແຂວງ ຢາລາຍ ເວົ້າສະເພາະ.
ມີຄຳເຫັນໃນກອງປະຊຸມ, ທ່ານ ນາງ ພິມພາ ແກ້ວມີໄຊ ຫົວໜ້າກົງສູນໃຫຍ່ຂອງລາວທີ່ນະຄອນໂຮ່ຈິມິນ, ໂດຍຕາງໜ້າຄະນະກົງສູນປະເທດຕ່າງໆ, ທ່ານໃຫ້ຮູ້ວ່າ: "ຕໍ່ກັບລາວ, ແຂວງຢາລາຍ ແລະ ບັນດາລັດວິສາຫະກິດຂອງແຂວງໄດ້ມີການພົວພັບອັນເລິກເຊິ່ງ ແລະ ເກີດໝາກຜົນຈົວຈິງນຳກັນມາໄດ້ຫຼາຍປີແລ້ວ. ຂ້າພະເຈົ້າຄິດວ່າສອງຝ່າຍຈະມີການພົບປະຫາລື ແລະ ຮ່ວມມືກັນໃນຂົງເຂດການຄ້າ, ການລົງທຶນ, ການທ່ອງທ່ຽວ, ການກະສິກຳເຕັກນິກສູງໃຫ້ປົກກະຕິກ່ວາເກົ່າ. ໂດຍກົງສູນພ້ອມແລ້ວທີ່ຈະເປັນຂົວຕໍ່ໃຫ້ກັບສອງຝ່າຍ. ພິເສດແມ່ນປີ 2022 ເປັນປີແຫ່ງມິດຕະພາບຫວຽດນາມ-ລາວ, 60 ປີແຫ່ງການພົວພັນທາງການທູດ ແລະ 45 ປີເຊັນສົນທິສັນຍາມິດຕະພາບ ແລະ ການຮ່ວມມືລະຫວ່າງລາວ-ຫວຽດນາມ".
ທ່ານ Enrico Padula ຫົວໜ້າກົງສູນໃຫຍ່ກິຕິມະສັກ ອີຕາລີ ມີຄວາມສົນໃຈເປັນພິເສດໃນຂົງເຂດປຸງແຕ່ງ ແລະ ສົ່ງອອກກະສິກຳທາງທະເລ, ທ່ານກ່າວວ່າ: "ສຳລັບຂົງເຂດປຸງແຕ່ງກະສິກຳທາງທະເລ, ແຂວງຢາລາຍກຳລັງສຸມໃສ່ພັດທະນາກະສິກຳເຕັກນິກສູງ. ແລະເທດຂອງພວກຂ້າພະເຈົ້າກໍໄດ້ເອົາໃຈໃສ່ພັດທະນາອຸປະກອນ, ເຕັກໂນໂລຊີສູງເຂົ້ານຳໃຊ້ໃນຂົງເຂດກະສິກຳນີ້ເຊັ່ນດຽວກັນ. ຂ້າພະເຈົ້າຄິດວ່ານີ້ມັນແມ່ນຂົງເຂດທີ່ພວກເຮົາຄວນພັດທະນາການຮ່ວມມືໃນອະນາຄົດ. ໄປຄຽງຄູ່ກັນສນັ້ນ, ທ່າແຮງໃນການພັດທະນາພະລັງງານສະອາດຢູ່ແຂວງຢາລາຍແມ່ນດີທີ່ຫຼາຍແລະ ອີຕາລີ ກໍາກຳລັງເອົາໃຈໃສ່ຕໍ່ຂົງເຂດນີ້ຢູ່. ພວກເຮົາພ້ອມແລ້ວທີ່ຈະຮ່ວມມືກັບແຂວງຢາລາຍໃນທຸກຂົງເຂດຂະແໜງການດັ່ງກ່າວເພື່ອປະກອບສ່ວນເຂົ້າໃນພາລະກິດພັດທະນາຂອງແຂວງໃນອະນາຄົດ".
ວີໂອວີ
