ເຂົ້າຮ່ວມມີ ທ່ານພົນໂທ ຄຳລຽນ ອຸທາໄກສອນ, ຮອງລັດຖະມົນຕີກະຊວງປ້ອງກັນປະເທດ ລາວ; ທ່ານພົນເອກ ຫວໍວັນຖົງ, ທີ່ປຶກສາຝ່າຍປ້ອງກັນຊາດຫວຽດນາມ ປະຈໍາ ລາວ; ຕາງໜ້າການນຳຂອງແຂວງ ວຽງຈັນ, ແຂວງ ໄຊສົມບູນ ແລະ ອຳນາດການປົກຄອງເມືອງ ວັງວຽງ; ພ້ອມກັບຜູ້ຕາງໜ້າບັນດາກົມໃຫຍ່, ບັນດາກົມອົງການຂອງກະຊວງປ້ອງກັນປະເທດ ລາວ ແລະ ພະນັກງານນັກຮົບກອງພົນທະຫານລາບທີ 1 ຂອງ ລາວ ເປັນຈຳນວນຫຼວງຫຼາຍ.
ໂດຍຕັ້ງຢູ່ເມືອງ ວັງວຽງ, ແຂວງ ວຽງຈັນ, ກິດຈະກຳສຳນັກງານກອງບັນຊາການກອງພົນທະຫານລາບທີ 1 ຂອງກອງທັບປະຊາຊົນ ລາວ ແລະ ບັນດາລາຍການທີ່ກ່ຽວຂ້ອງ ມີຍອດຈຳນວນເງິນລົງທຶນກວ່າ 2 ລ້ານ USD, ລວມມີ 2 ລ້ານ USD ແມ່ນເງິນສະໜັບສະໜູນຈາກກະຊວງປ້ອງກັນປະເທດ ຫວຽດນາມ ແລະ 1,2 ຕື້ກີບ (ປະມານ 60,000 USD), ເຊິ່ງເປັນເງິນສະໜັບສະໜູນຂອງບໍລິສັດຮ່ວມມືສາກົນ 705 ຂອງກະຊວງປ້ອງກັນປະເທດ ຫວຽດນາມ. ໃນນັ້ນ, ໂຄງການສຳນັກງານກອງບັນຊາການກອງພົນ ໄດ້ກໍ່ສ້າງດ້ວຍການອອກແບບທີ່ທັນສະໄໝປະກອບດ້ວຍ 2 ຊັ້ນ, ແຕ່ລະຊັ້ນແມ່ນ 1,800 ຕາແມັດ ດ້ວຍສິ່ງອໍານວຍຄວາມສະດວກຄົບຊຸດເຊັ່ນ ລະບົບໄຟຟ້າ ແລະ ນໍ້າ, ລະບົບປ້ອງກັນອັກຄີໄພ, ເຟີນິເຈີຄົບຊຸດ, ເຄື່ອງຕົບແຕ່ງເວທີພິທີການ, ມີລະບົບລໍາໂພງ...
ໃນການກ່າວຄຳປາໄສຊີ້ນຳທີ່ເຫດການ, ທ່ານພົນໂທ ຄຳລຽນ ອຸທາໄກສອນ, ຮອງລັດຖະມົນຕີກະຊວງປ້ອງກັນປະເທດ ລາວ ໄດ້ຕີລາຄາສູງຕໍ່ການໂຄງການ ທີ່ໄດ້ມອບຮັບກົງກັບເນື່ອງໃນໂອກາດທົ່ວກອງທັບປະຊາຊົນ ລາວ ພວມສະເຫຼີມສະຫຼອງ 75 ປີແຫ່ງວັນສ້າງຕັ້ງກອງທັບປະຊາຊົນລາວ (20 ມັງກອນ 1949-20 ມັງກອນ 2024).
 |
| ທ່ານພົນໂທ ຄຳລຽນ ອຸທາໄກສອນ, ຮອງລັດຖະມົນຕີກະຊວງປ້ອງກັນປະເທດ ລາວ ກ່າວຄຳປາໄສຊີ້ນຳທີ່ເຫດການ |
ທ່ານພົນໂທ ຄຳລຽນ ໄດ້ຢືນຢັນວ່າ ເລື່ອງກະຊວງປ້ອງກັນປະເທດ ຫວຽດນາມ ໄດ້ໜູນຊ່ວຍກະຊວງປ້ອງກັນປະເທດ ລາວ ກໍ່ສ້າງໂຄງການສຳນັກງານກອງບັນຊາການກອງພົນທະຫານລາບ ທີ 1 ແລະ ບັນດາລາຍການທີ່ກ່ຽວຂ້ອງໃນຄັ້ງນີ້ ຈະສືບຕໍ່ເປັນຫຼັກຖານພະຍານໃຫ້ການພົວພັນມິດຕະພາບທີ່ຍິ່ງໃຫຍ່ບໍ່ມີຂີດຈຳກັດລະຫວ່າງ ລາວ ແລະ ຫວຽດນາມ ເວົ້າລວມ ແລະ ລະຫວ່າງກອງທັບສອງປະເທດ ເວົ້າສະເພາະ.
ເນື່ອງໃນໂອກາດນີ້, ທ່ານຮອງລັດຖະມົນຕີກະຊວງປ້ອງກັນປະເທດ ລາວ ກໍໄດ້ສະແດງຄວາມຂອບໃຈຢ່າງຈິງໃຈຕໍ່ພັກ, ລັດ, ປະຊາຊົນ ແລະ ກອງທັບຫວຽດນາມ ທີ່ຍາມໃດກໍ່ໜູນຊ່ວຍພັກ, ລັດ, ປະຊາຊົນ ແລະ ກອງທັບ ລາວ ຕະຫຼອດໄລຍະສົງຄາມຕ້ານສັດຕູລວມ, ກໍຄືໃນວິວັດການປົກປັກຮັກສາ, ສ້າງສາ ແລະ ພັດທະນາປະເທດຊາດໃນປະຈຸບັນ; ໃຫ້ຄຳໝັ້ນສັນຍາພ້ອມກັນສຶກສາພະນັກງານ, ພາລະກອນທົ່ວກອງທັບກ່ຽວກັບຄວາມໝາຍຂອງການສຳພັນສູ້ຮົບລາວ - ຫວຽດນາມ, ກ່ຽວກັບການໜູນຊ່ວຍ ແລະ ຊ່ວຍເຫຼືອຂອງພັກ, ລັດ ຫວຽດນາມ ໃຫ້ເລິກເຊິ່ງກວ່າອີກ, ພິເສດແມ່ນກອງທັບ ຫວຽດນາມ ທີ່ມີຕໍ່ການເຕີບໂຕ ແລະ ພັດທະນາຢ່າງເຂັ້ມແຂງຂອງກອງທັບ ລາວ ມື້ນີ້.
ກ່າວຄຳປາໄສທີ່ພິທີ, ທ່ານພົນຈັດຕະວາ ອຸ່ນຈັນ ດວງວັນສົມ, ຫົວໜ້າກອງພົນທະຫານລາບທີ 1 ໄດ້ຕີລາຄາສູງຄຸນຄ່າ, ລະດັບຄວາມຄືບໜ້າ ແລະ ຄຸນນະພາບຂອງໂຄງການກໍ່ສ້າງສຳນັກງານກອງບັນຊາການກອງພົນພ້ອມກັບລະບົບເດີ່ນອ້ອມຂອບເຂດ ແລະ ເສັ້ນທາງເບຕົງເສີມເຫຼັກທີ່ບໍລິສັດຮ່ວມມືສາກົນ 705 ຂອງກະຊວງປ້ອງກັນປະເທດຫວຽດນາມ ໄດ້ກໍ່ສ້າງ; ໃຫ້ຄຳໝັ້ນສັນຍາໃນການປົກປັກຮັກສາ ແລະ ນຳໃຊ້ໂຄງການຢ່າງໝັ້ນຄົງ ແລະ ມີປະສິດທິຜົນທີ່ສຸດ...
ກອງພົນທະຫານລາບ ທີ 1 ແມ່ນກອງພົນກຳລັງຫຼວງຂອງກອງທັບປະຊາຊົນ ລາວ, ມີໜ້າທີ່ເຄື່ອນທີ່ການປ້ອງກັນນະຄອນຫຼວງວຽງຈັນ ປ້ອງກັນອົງການນຳພາສູງສຸດຂອງພັກ, ລັດ ລາວ ແລະ ແມ່ນອູ່ບຳລຸງສ້າງການນຳ, ພະນັກງານບັນຊາການດີເດັ່ນຫຼາຍທ່ານຂອງກອງທັບປະຊາຊົນ ລາວ. ຄຽງຂ້າງໜ້າທີ່ກຽມພ້ອມສູ້ຮົບ ແລະ ສູ້ຮົບ, ກອງພົນຍາມໃດກໍ່ໜູນຊ່ວຍ, ປຸກລະດົມປະຊາຊົນຢ່າງທັຍການ, ໄດ້ຮັບຄວາມໄວ້ວາງໃຈ ແລະ ຄວາມຮັກຈາກປະຊາຊົນ.
ມິງດຶກ
