ຫວຽດນາມ ສືບຕໍ່ແມ່ນປະເທດຮັບເງິນທີ່ມາຈາກຕ່າງປະເທດໂດຍຊາວຫວຽດນາມອາໄສຢູ່ຕ່າງປະເທດຝາກກັບຄືນປະເທດ ຫຼາຍທີ່ສຸດໃນໂລກ

	ສະເຫຼີມສະຫຼອງວັນປົດປ່ອຍນະຄອນຫຼວງຄົບຮອບ 69 ປີ (10 ຕຸລາ 1954 - 10 ຕຸລາ 2023): ເປີດງານວາງສະແດງ "ເມືອງເກົ່າ ຖະໜົນເກົ່າ"
	ພົນເອກ ຫວໍ​ ງວຽນ ​ຢາ​ບ ຜ່ານການຍອມຮັບຂອງນາຍພົນຝ່າຍຕາເວັນຕົກ

ຈຳນວນເງິນທີ່ມາຈາກຕ່່າງປະເທດໂດຍຊາວຫວຽດນາມ ອາໄສຢູ່ຕ່າງປະເທດຝາກມາຍັງຫວຽດນາມ ໃນປີ 2023 ເພີ່ມຂຶ້ນປະມານ 25 – 30% ເມື່ອທຽບໃສ່ກັບປີ 2022. ນີ້ແມ່ນຂໍ້ມູນໂດຍຄະນະກຳມະການກ່ຽວກັບຊາວຫວຽດນາມ ອາໄສຢູ່ຕ່າງປະເທດ ຍົກອອກມາທີ່ການຖະແຫຼງຂ່າວໃນຕອນເຊົ້າວັນທີ 11 ມັງກອນ, ຢູ່ຮ່າໂນ້ຍ.

ພາບປະກອບ: baophunuthudo.vn

ຕາມທ່ານ ຫງວຽນແມ້ງດົງ, ຮອງຫົວໜ້າຄະນະກຳມະການຊາວຫວຽດນາມ ອາໄສຢູ່ຕ່າງປະເທດ ແລ້ວ, ຈຳນວນເງິນທີ່ມາຈາກຕ່າງປະເທດໂດຍຊາວຫວຽດນາມ ອາໄສຢູ່ຕ່າງປະເທດຝາກມາຍັງຫວຽດນາມ ໃນຊຸມວັນທ້າຍປີ ໄດ້ເພີ່ມຂຶ້ນຢ່າງແຮງ ແລະຈະສືບຕໍ່ເພີ່ມຂຶ້ນໃນໄລຍະໃກ້ກັບບຸນປີໃໝ່ປະຈໍາຊາດ. ໃນນັ້ນ, ຈຳນວນເງິນຕາທີ່ມາຈາກຕ່າງປະເທດໂດຍຊາວຫວຽດນາມ ອາໄສຢູ່ຕ່າງປະເທດ ຝາກມາຍັງນະຄອນໂຮ່ຈີມິນ ແມ່ນຫຼາຍທີ່ສຸດ. ຕາມທະນາຄານແຫ່ງລັດສາຂານະຄອນໂຮ່ຈີມິນ ແລ້ວ, ຈຳນວນເງິນຕາຕ່າງປະເທດໂດຍຊາວຫວຽດນາມ ອາໄສຢູ່ຕ່າງປະເທດ ຝາກມາໃນປີ 2023 ຄາດວ່າບັນລຸ ເກືອບ 9 ຕື້ໂດລາສະຫະລັດ, ເພີ່ມຂຶ້ນ 35% ເມື່ອທຽບໃສ່ກັບປີ 2022. ນີ້ແມ່ນຈຳນວນເງິນຫຼາຍທີ່ສຸດນັບ ແຕ່ກ່ອນມາຮອດປັດຈຸບັນ.

ໃນ 10 ປີມານີ້, ຈຳນວນເງິນຕາທີ່ມາຈາກຕ່າງປະເທດໂດຍຊາວຫວຽດນາມ ອາໄສຢູ່ຕ່າງປະເທດຝາກມາ ໄດ້ກາຍເປັນຈຸດພົ້ນເດັ່ນຂອງຫວຽດນາມ. ເຖິງວ່າໄດ້ຮັບຜົນສະທ້ອນລວມຈາກພື້ນຖານເສດຖະກິດທົ່ວໂລກກໍ່ຕາມ, ແຕ່ກະແສເງິນຕາທີ່ມາຈາກຕ່າງປະເທດໂດຍຊາວຫວຽດນາມ ອາໄສຢູ່ຕ່າງປະເທດຝາກມາ ຍັງສາມາດຮັກສາທີ່ຕັ້ງໄດ້ໃນທອັບ 10 ປະເທດ ທີ່ມີຈຳນວນເງິນຕາຕ່າງປະເທດ ສົ່ງກັບມາປະເທດຫຼາຍທີ່ສຸດໃນໂລກ ແລະໃນທອັບ 3 ປະເທດທີ່ໄດ້ຮັບເງິນຕາຕ່າງປະເທດທີ່ສົ່ງກັບມາປະເທດຫຼາຍທີ່ສຸດໃນພາກພື້ນອາຊີ-ປາຊີຟິກ.