| ທະຫານເຮືອເຂດ 4 ຂົນສົ່ງຂອງຂວັນບຸນເຕັດໄປ ເຈື່ອງຊາ | |
| ນາຍົກລັດຖະມົນຕີ 2 ປະເທດຫວຽດນາມ ແລະ ລາວ ໄດ້ເປັນສັກຂີພິຍານພິທີລົງນາມໃນບັນດາເອກະສານຮ່ວມມືລະຫວ່າງ 2 ປະເທດ |
ຕອນເຊົ້າວັນທີ 9 ມັງກອນ, ຢູ່ນະຄອນ ຫວູງເຕົ່າ, ແຂວງບາເຣ້ຍ-ຫວູງເຕົ່າ, ກອງບັນຊາການທະຫານເຮືອເຂດ 2 ໄດ້ຈັດກຳປັ່ນນຳສົ່ງບັນດາຄະນະໄປກວດກາວຽກງານກຽມພ້ອມສູ້ຮົບ, ຢ້ຽມຢາມ, ອວຍພອນປີໃໝ່ໃຫ້ພະນັກງານ, ນັກຮົບຢູ່ເຮືອນຮ້ານເວນຍາມ DK1, ກຳປັ່ນເວນຍາມ, ສະຖານີ Radar 590 ສອງຖ້ຽວ.
 |
| ທ່ານພັນເອກພິເສດ ຟ້າມກວ໊ຽດຕ໊ຽນ ຮອງຜູ້ບັນຊາການທະຫານເຮືອເຂດ 2 ມອບດອກໄມ້ໃຫ້ຫົວໜ້າຄະນະປະຕິບັດງານ. ພາບ: baohaiquanvietnam.vn |
ໃນການຢ້ຽມຢາມຄັ້ງນີ້, ຄະນະປະຕິບັດງານຈະໄປຢ້ຽມຢາມ ແລະອວຍພອນປີໃໝ່ຢູ່ສຳນັກງານ, ອໍານາດການປົກຄອງ, ບັນດາກຳລັງປະກອບອາວຸດທີ່ຕັ້ງທັບຢູ່ເມືອງໂກນດ້າວ, ແຂວງບາເຣ້ຍ-ຫວູງເຕົ່າ.
ຄະນະປະຕິບັດງານໄດ້ລົງຢ້ຽມຢາມ, ກວດກາ ແລະອວຍພອນປີໃໝ່ຢູ່ເຮືອນຮ້ານເວນຍາມ DK1, ສະຖານີ 590, ກຳປັ່ນເວນຍາມ, ສຳນັກງານ, ອໍານາດການປົກຄອງ, ເມືອງໂກນດ້າວ ນຳໂດຍທ່ານພັນເອກພິເສດ ເຈິ່ນຮົ່ງຫາຍ, ຮອງຫົວໜ້າການເມືອງທະຫານເຮືອເຂດ 2 ພ້ອມດ້ວຍຜູ້ຕາງໜ້າບັນດາອົງການເສນາທິການ, ການເມືອງ, ພະລາທິການ-ເຕັກນິກຂອງທະຫານເຮືອເຂດ 2 ແລະຜູ້ແທນ, ນັກຂ່າວ 81 ຄົນທີ່ມາຈາກອົງການສື່ມວນຊົນຂັ້ນສູນກາງ ແລະທ້ອງຖິ່ນ.
 |
| ບັນຍາກາດທີ່ພິທີອໍາລາຄະນະປະຕິບັດງານ. ພາບ: baohaiquanvietnam.vn |
ນອກຈາກກວດກາວຽກງານກຽມພ້ອມສູ້ຮົບແລ້ວ, ຄະນະປະຕິບັດງານສອງຄະນະຈະນຳເອົາຂອງຂວັນບຸນເຕັດຈາກກະຊວງປ້ອງກັນປະເທດ, ເຫຼົ່າທັບເຮືອ, ກອງບັນຊາການທະຫານເຮືອເຂດ 2, ບັນດາອົງການ, ສຳນັກງານ, ອໍານາດການປົກຄອງ, ວິສາຫະກິດ ແລະປະຊາຊົນບັນດາທ້ອງຖິ່ນໄປມອບໃຫ້ພະນັກງານ, ນັກຮົບທີ່ພວມປະຕິບັດໜ້າທີ່ຢູ່ທະເລ, ໝູ່ເກາະ, ໄຫຼ່ທະວີບທາງພາກໃຕ້ ເນື່ອງໃນໂອກາດບຸນປີໃໝ່ປະຈຳຊາດ ປີມະໂລງ 2024.
ເຂົ້າຮ່ວມຄະນະປະຕິບັດງານ, ບັນດານັກຂ່າວຈະຂຽນຂ່າວເພື່ອໂຄສະນາເຜີຍແຜ່, ແຈ້ງໃຫ້ຍາດຕິພີ່ນ້ອງ, ນັກຮົບໃນທົ່ວປະເທດໄດ້ຮັບຮູ້ກ່ຽວກັບຊີວິດການເປັນຢູ່, ການຮໍ່າຮຽນ, ການປະຕິບັດງານ ແລະຊີວິດຈິດໃຈ, ບັນຍາກາດຕ້ອນຮັບບຸນເຕັດຂອງພະນັກງານ, ນັກຮົບທີ່ປະຕິບັດໜ້າທີ່ຢູ່ແນວໜ້າຂອງປະເທດ. ການເດີນທາງຄາດວ່າຈະແກ່ຍາວເປັນເວລາແຕ່ 15 ຫາ 17 ມື້.
ບູນມີ
