| ເພີ່ມທະວີການຮ່ວມມືລະຫວ່າງຫວຽດນາມ ແລະ ສ ເກົາຫຼີ | |
| ແນະນຳວັດທະນະທຳຮູບເງົາຂອງ ສ ເກົາຫຼີ ເຖິງຊາວໜຸ່ມ ຫວຽດນາມ |
ນີ້ແມ່ນການເຄື່ອນໄຫວອາສາສະໝັກໂດຍອົງການສຶກສາ Wonkwan ໄດ້ດຳເນີນກັບການສົມທົບ, ໜູນຊ່ວຍຂອງບັນດາພະແນກ, ຂະແໜງການ, ຄະນະກຳມະການປະຊາຊົນນະຄອນ ເຕີນອ່ານ, ໂຮງໝໍຫຼາຍຂະແໜງ ລອງອ່ານ ແລະ ສາຂາການຄ້າອຸດສາຫະກຳ ສ.ເກົາຫຼີ ຢູ່ແຂວງ ລອງອ່ານ.
ຕາມທ່ານ Seong Si Jong ປະທານອົງການການສຶກສາ Wonkwang – Seong Si Jong ແລ້ວ, ເປົ້າໝາຍຂອງລາຍການແມ່ນເພື່ອປະກອບສ່ວນສະໜິດຕິດພັນການພົວພັນມິດຕະພາບ, ການຮ່ວມມືລະຫວ່າງ 2 ປະເທດ ສ.ເກົາຫຼີ ແລະ ຫວຽດນາມ ເວົ້າລວມ, ອົງການການສຶກສາ Wankwang - ສເກົາຫຼີ ແລະ ຂະແຫນງສາທາລະນະສຸກຂອງແຂວງ ລອງອ່ານ ເວົ້າສະເພາະໂດຍຜ່ານການເຄື່ອນໄຫວທາງດ້ານສຸຂະພາບໃຫ້ຫຼາຍກວ່າອີກ. ທ່ານ Seong Si Jong ຫວັງວ່າ ກິດຈະກຳອາສາສະໝັກເຫຼົ່ານີ້ ຈະມີຄວາມໝາຍ ແລະ ນຳມາເຊິ່ງການບໍລິການດ້ານການແພດທີ່ມີຄຸນນະພາບໃຫ້ແກ່ຄົນເຈັບ.
ໃນຂອບເຂດຂອງລາຍການ, ປະຊາຊົນສາມາດວັດແທກຕາ, ຕັດແວ່ນຕາ, ກວດ, ປຶກສາຫາລືກ່ຽວກັບພະຍາດພາຍໃນ ແລະ ພາຍນອກໄດ້ໂດຍບໍ່ເສຍຄ່າ. ນອກຈາກການບໍລິການດ້ານການແພດແລ້ວ, ຍັງມີກິດຈະກຳອື່ນໆອີກຫຼາຍຢ່າງເຊັ່ນ: K-beauty (ຕັດຜົມ, ບຳລຸງເລັບ), ລົງຕົວຈິງວັດທະນະທຳ ສ.ເກົາຫຼີ (ນຸ່ງເສື້ອ Hanbok - ເຄື່ອງນຸ່ງພື້ນເມືອງຂອງເກົາຫຼີ). ບັນດາການເຄື່ອນໄຫວດັ່ງກ່າວແມ່ນໄດ້ກະກຽມຢ່າງລະອຽດລະອໍ ແລະ ບໍລິການໂດຍບໍ່ເສຍຄ່າໃຫ້ປະຊາຊົນ.
ຜູ້ອໍານວຍການສູນຮ່ວມມືປິ່ນປົວສາກົນ ພະແນກກະເພາະລໍາໄສ້, ໂຮງໝໍມະຫາວິທະຍາໄລ Wonkwang - Kang Dong Bek ແບ່ງປັນວ່າ: “ເທື່ອນີ້, ໃນບົດບາດແມ່ນທ່ານໝໍອາສາສະໝັກມາແຂວງ ລອງອ່ານ ເພື່ອກວດ ແລະ ປິ່ນປົວ”, ຂ້າພະເຈົ້າຮູ້ສຶກດີໃຈຫຼາຍເມື່ອເຫັນຄົນເຈັບໄດ້ຮັບການເບິ່ງແຍງ ແລະ ໄດ້ຮັບໂອກາດກວດ ແລະ ປິ່ນປົວພະຍາດໂດຍບໍ່ເສຍຄ່າ. ຂ້າພະເຈົ້າຫວັງວ່າຜ່ານການເຄື່ອນໄຫວນີ້, ປະຊາຊົນຈະໄດ້ຮັບການບໍລິການການແພດທີ່ມີຄຸນນະພາບຢູ່ທ້ອງຖິ່ນ”.
 |
ອົງການການສຶກສາ Wonkwang ສ.ເກົາຫຼີ ກວດ ແລະ ປິ່ນປົວພະຍາດອາສາສະໝັກໃຫ້ປະຊາຊົນ ລອງອ່ານ |
ອົງການການສຶກສາ Wonkwang ສ.ເກົາຫຼີ ເປັນໜ່ວຍງານທີ່ຂຶ້ນກັບລະບົບ Wonkwang (ຂອງພຸດທະສາສະໜາສ.ເກົາຫຼີ), ພາຍໃຕ້ການຄຸ້ມຄອງລວມຂອງ ສະຖາບັນ Wonkwang ຄຸ້ມຄອງ 3 ມະຫາວິທະຍາໄລໃຫຍ່ລວມມີ ມະຫາວິທະຍາໄລ Wonkwang (ລວມມີ 10 ມະຫາວິທະຍາໄລ), ວິທະຍາໄລແພດສາດ Wonkwang, ໂຮງໝໍມະຫາວິທະຍາໄລ Wonkwang ແລະ ອົງການສາທາລະນະສຸກ Wonkwang. ອົງການສາທາລະນະສຸກ Wonkwang ໄດ້ຮັບການສ້າງຕັ້ງຂຶ້ນໃນປີ 2012, ມີຖັນແຖວການແພດຫຼາຍກວ່າ 2.000 ຄົນ ໃນປີ 2023), ເປັນໜ່ວຍງານທີ່ມີຊື່ສຽງ ແລະ ຂອບຂະຫນາດໃຫຍ່ໃນລະບົບໂຮງໝໍຢູ່ ສ.ເກົາຫຼີ ມີ 4 ໂຮງໝໍປິ່ນປົວບຳລຸງ, ລວມມີ ໂຮງໝໍປິ່ນປົວບຳລຸງ Wonkwang Hyodo Iksan, ໂຮງຫມໍປິ່ນປົວບຳລຸງ Wonkwang Hyodo Gunsan, ໂຮງໝໍປິ່ນປົວບຳລຸງ Wonkwang Hyodo Cheongju, ໂຮງຫມໍປິ່ນປົວບຳລຸງ Wonkwang Hyodo Incheon ແລະ ໂຮງຫມໍຫຼາຍຂະແໜງ Wonkwang ຢູ່ລະຄອນ Hwaseong, ແຂວງ Gyeonggi, ສ.ເກົາຫລີ.
ມິງດຶກ
