ຄູອາຈານ ບັ໊ກຢາງ ສອນພາສາຫວຽດໃຫ້ແກ່ພະນັກງານລາວ

	ບໍາລຸງ​ໃຫ້ຖັນແຖວ​ຄູອາຈານ​ສອນ​ພາສາ​ຫວຽດນາມ ໃຫ້ປະເທດເພື່ອນ​ລາວ
	ສຳເລັດໄປດ້ວຍດີຊຸດຝຶກອົບຮົມພາສາລາວໃຫ້ພະນັກງານ ແລະ ຄູອາຈານ ພາຍໃນໂຮງຮຽນມະຫາວິທະຍາໄລພາສາຕ່າງປະເທດ

ຫົວໜ້າພະແນກສຶກສາແຂວງຫຼວງນໍ້າທາ (ລາວ) ຫາກໍ່ຕົກລົງເປີດຊຸດບຳລຸງພາສາຫວຽດ ລະດັບພື້ນຖານໃຫ້ແກ່ພະນັກງານ, ກຳມະກອນ, ລັດຖະກອນໃນແຂວງ. ອາຈານ ຫງວຽນແທັ່ງຫງອັກ (ຊາວຫວຽດນາມ) ໄດ້ຮັບບົ່ງຕົວເປັນຄູສອນໃຫ້ຫ້ອງຮຽນນີ້.

ອ້າຍຄູ ຫງອັກ (ຜູ້ຖືຮູບ) ພ້ອມດ້ວຍນັກສໍາມະນາກອນເຊິ່ງແມ່ນພະນັກງານ, ພາລະກອນຂອງບໍລິສັດ Star Telecom (Unitel) ຂຶ້ນກັບກຸ່ມບໍລິສັດອຸດສາຫະກໍາ-ໂທລະຄົມມະນາຄົມກອງທັບ (Viettel) ທີ່ພວມລົງທຶນຢູ່ລາວ. ພາບ: baobacgiang.com.vn

ຫ້ອງຮຽນດັ່ງກ່າວດຳເນີນໃນໄລຍະ 6 ເດືອນ (ແຕ່ເດືອນມັງກອນ ຫາເດືອນມິຖຸນາ 2024) ດ້ວຍການເຂົ້າຮ່ວມຂອງຄູອາຈານ, ພະນັກງານບັນດາພະແນກ, ຂະແໜງການທີ່ພວມປະຕິບັດງານຢູ່ແຂວງຫຼວງນໍ້າທາ 30 ກວ່າຄົນ.

ຈຸດປະສົງຂອງຫ້ອງຮຽນແມ່ນເພື່ອແນໃສ່ຍົກສູງຄວາມສາມາດດ້ານພາສາຫວຽດໃຫ້ແກ່ພະນັກງານ, ພາລະກອນ. ນີ້ແມ່ນຫ້ອງສອນທໍາອິດ ໃນອາຍຸການທີ 2 ແລະຫ້ອງສອນທີ 7 ທີ່ອາຈານ ຫງອັກ ສິດສອນໃຫ້ແກ່ພະນັກງານລາວ ຢູ່ທີ່ນີ້. ໂດຍໄດ້ຮູ້ວ່າ ອາຈານ ຫງວຽນແທັ່ງຫງອັກ (ເກີດປີ 1991), ຢູ່ຕາແສງເຫງັຍເຟືອງ, ເມືອງລູກນາມ (ບັ໊ກຢາງ). ອາຈານ ຫງອັກ ໄດ້ຮໍ່າຮຽນ, ປະຕິບັດງານ ແລະສິດສອນຢູ່ລາວ ເປັນເວລາ 10 ປີແລ້ວ.

ໃນເດືອນພະຈິກ 2023, ກະຊວງສຶກສາ ແລະກໍ່ສ້າງຫວຽດນາມ ໄດ້ຈັດສົ່ງອາຈານ ຫງອັກ ໄປປະຕິບັດງານຢູ່ ລາວ ອາຍຸການທີ 2 (2023-2025). ກ່ອນໜ້ານັ້ນ, ໃນອາຍຸການທໍາອິດ (2021-2023), ອາຈານ ຫງອັກ ໄດ້ສິດສອນຢູ່ໂຮງຮຽນມັດທະຍົມຕອນປາຍ ວຽງພູຄາ, ແຂວງຫຼວງນໍ້າທາ.