| ສຳເລັດໄປດ້ວຍດີຊຸດຝຶກອົບຮົມພາສາລາວໃຫ້ພະນັກງານ ແລະ ຄູອາຈານ ພາຍໃນໂຮງຮຽນມະຫາວິທະຍາໄລພາສາຕ່າງປະເທດ | |
| ໄຂຊຸດກໍ່ສ້າງຜູ້ພິພາກສາ, ພະນັກງານໄອຍະການ, ທະນາຍຄວາມໃຫ້ແກ່ພະນັກງານ, ຄູອາຈານ ລາວ |
ວຽກງານກໍ່ສ້າງ, ບຳລຸງຄູອາຈານລາວສອນພາສາຫວຽດນາມ ແມ່ນໜຶ່ງໃນບັນດາກິດຈະກໍາເຄື່ອນໄຫວຢ່າງແທດຈິງ, ປະກອບສ່ວນຢ່າງຕັ້ງໜ້າເຂົ້າໃນການເພີ່ມພູນຄູນສ້າງນໍ້າໃຈມິດຕະພາບຫວຽດນາມ - ລາວ. ໃນໄລຍະ 2022 – 2030, ຫວຽດນາມ ສືບຕໍ່ລົງທຶນກໍ່ສ້າງສິ່ງອໍານວຍຄວາມສະດວກ, ອຸປະກອນເພື່ອຕອບສະໜອງຄວາມຮຽກຮ້ອງຕ້ອງການຂອງການຝຶກອົບຮົມພາສາຫວຽດນາມ ໃຫ້ແກ່ບັນດາມະຫາວິທະຍາໄລ, ໂຮງຮຽນມັດທະຍົມຕອນ ປາຍຢູ່ລາວ.
ໃນປີ 2010, ສູນພາສາຫວຽດນາມ ຢູ່ແຂວງສະຫວັນນະເຂດ (ລາວ) ໄດ້ເປີດເຂົ້າສູ່ການນຳໃຊ້ຢ່າງເປັນທາງການ. ສູນດັ່ງກ່າວໂດຍນະຄອນດ່ານັ້ງ (ຫວຽດນາມ) ໜູນຊ່ວຍການລົງທຶນກໍ່ສ້າງ ແລະ ຕິດຕັ້ງອຸປະກອນ ເພື່ອສິດສອນພາສາຫວຽດນາມ ໃຫ້ນັກຮຽນ, ນັກສຶກສາ ແລະ ພະນັກງານຂອງລາວ.
ນັກສໍາມະນາກອນຂອງສູນ, ນອກຈາກໄດ້ຮຽນພາສາຫວຽດນາມ ແລ້ວ, ຍັງໄດ້ ຮັບຮູ້ກ່ຽວກັບຄຸນຄ່າວັດທະນະທໍາຂອງສອງຊາດ, ກ່ຽວກັບສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມື ຮອບດ້ານຫວຽດນາມ-ລາວ.
ອາຈານ ພູວິໄລ ພິມວົງສາ, ຫົວໜ້າສູນພາສາຫວຽດນາມ ແຂວງ ສະຫວັນນະເຂດ (ລາວ) ໃຫ້ຮູ້ວ່າ: ສູນດັ່ງກ່າວ ມີນັກສຶກສາລາວ, ຫວຽດນາມ, ໄທ ແລະ ຈີນ ຈໍານວນ 100 ຄົນ. ປະສິດທິຜົນການເຄື່ອນໄຫວ ຂອງສູນບໍ່ພຽງແຕ່ສະແດງໃຫ້ເຫັນຢູ່ຈຳນວນນັກຮຽນເຂົ້າຮ່ວມຊຸດຮຽນເທົ່ານັ້ນ ຫາກຍັງແມ່ນຄວາມສະໜິດຕິດພັນ, ແບ່ງປັນລະຫວ່າງນັກສໍາມະນາກອນ ເວົ້າສະເພາະ ແລະ ສອງຊາດ ຫວຽດນາມ ແລະ ລາວ ເວົ້າລວມ. ແຕ່ລະປີ, ນະຄອນດ່ານັ້ງ ໄດ້ຈັດສົ່ງຄູອາຈານສອນຫວຽດນາມ ໄປສອນຢູ່ສູນໂດຍກົງ. ຄູອາຈານທີ່ໄດ້ຮັບການຄັດເລືອກແມ່ນຜູ້ມີລະດັບວິຊາຊີບສູງ, ມີປະສົບການຢ່າງກວ້າງຂວາງໃນການສິດສອນ ແລະ ມີຄວາມກະຕືລືລົ້ນໃນການປະຕິບັດໜ້າທີ່ຮ່ວມມືມິດຕະພາບ.
ເພື່ອຍົກສູງຄຸນນະພາບການເຄື່ອນໄຫວສິດສອນ ແລະ ຮໍ່າຮຽນພາສາຫວຽດນາມ, ເມື່ອບໍ່ດົນມານີ້, ອາຈານ ພູວິໄລ ພິມວົງສາ ແລະ ຄູອາຈານຂອງສູນໄດ້ເຂົ້າຮ່ວມຊຸດຝຶກອົບຮົມພາສາຫວຽດນາມ ໂດຍຄະນະກຳມະການແຫ່ງລັດ ກ່ຽວກັບຊາວຫວຽດນາມ ອາໄສຢູ່ຕ່າງປະເທດຈັດຕັ້ງ.
ອາຈານ ພູວິໄລ ພິມວົງສາ ຫົວໜ້າສູນພາສາຫວຽດນາມ ແຂວງ ສະຫວັນນະເຂດ (ລາວ) ໃຫ້ຮູ້ວ່າ “ບັນດາຄູອາຈານຂອງຊຸດຝຶກອົບຮົມ ຍາມໃດກໍ່ມີຄວາມຕັ້ງໃຈ, ກຽມພ້ອມຕອບທຸກຄຳຖາມ ແລະ ສະໜັບສະໜູນ ນັກສໍາມະນາກອນ, ໂດຍສະເພາະຄູສອນຊາວລາວ. ນອກຈາກເວລາຮຽນ, ພວກເຮົາຍັງເຂົ້າຮ່ວມບັນດາການເຄື່ອນໄຫວແລກປ່ຽນບົດຮຽນພາກປະຕິບັດຕົວຈິງໃນການສອນພາສາຫວຽດນາມ; ໂດຍສະເພາະແມ່ນການນຳໃຊ້ເຕັກໂນໂລຊີຂໍ້ມູນຂ່າວສານເຂົ້າໃນຂະບວນການສິດສອນ, ສ້າງຄວາມຈັບອົກຈັບໃຈໃຫ້ແກ່ຜູ້ຮຽນ; ໄດ້ໄປຢ້ຽມຢາມບັນດາສະຖານທີ່ປະຫວັດສາດທີ່ມີຊື່ສຽງຂອງຫວຽດນາມ ເຊັ່ນ: ທຳນຽບປະທານປະເທດ, ວັນມ໊ຽວ-ກວກຕືຢ໊າມ, ເຂດປູສະນີຍະສະຖານຈ່າງອານ... ບັນດາການໄປທັດສະນະແມ່ນບົດຮຽນ ຕົວຈິງທີ່ເປັນປະໂຫຍດ, ເຮັດໃຫ້ຄວາມຮັບຮູ້ຄວາມຮູ້ກ່ຽວກັບວັດທະນະທໍາ, ປະຫວັດຊາດຂອງຫວຽດນາມ ຫຼາກຫຼາຍຕື່ມອີກ ເພື່ອເມື່ອກັບເມືອລາວ ສາມາດຜັນຂະຫຍາຍໃນບັນດາບົດບັນຍາຍ ໃຫ້ແກ່ນັກສໍາມະນາກອນໄດ້ເປັນຢ່າງດີ”.
ຕາມອາຈານ ເຈີ່ນທິຕິ໋, ຄູສອນຢູ່ໂຮງຮຽນປະຖົມ ຮວ່າງແອວງ ແຂວງສະຫວັນນະເຂດແລ້ວ, ຄວາມຮຽກຮ້ອງຕ້ອງການດ້ານບຸກຄະນາກອນຊາວລາວ ທີ່ເກັ່ງພາສາຫວຽດນາມ ຢູ່ບັນດາບໍລິສັດ, ວິສາຫະກິດ, ອົງການຈັດຕັ້ງຢູ່ລາວ ນັບມື້ນັບເພີ່ມຂຶ້ນ. ນັກສຶກສາລາວ ທີ່ຮຽນຈົບສາຂາວິຊາພາສາຫວຽດນາມ ຈະມີໂອກາດໄດ້ວຽກເຮັດງານທຳທີ່ໝັ້ນຄົງ, ມີລາຍຮັບສູງ. ສະນັ້ນ, ການຮຽນ-ການສອນພາສາຫວຽດນາມ ນັບມື້ນັບມີຄວາມສົນໃຈ ແລະ ຖືເປັນສຳຄັນ.
 |
| ບັນດາຄູອາຈານລາວເຂົ້າຮ່ວມການຝຶກອົບຮົມພາສາຫວຽດນາມ. ພາບ: ຟ້າມຫຼີ |
ສຳລັບອາຈານ ເຈີ່ນທິຕິ໋, ໃນເວລາກວ່າ 2 ອາທິດທີ່ ເຂົ້າຮ່ວມຊຸດອົບຮົມການສອນພາສາຫວຽດນາມ ບໍ່ພຽງແຕ່ມີຄວາມໝາຍແທດຈິງຢ່າງແທດຈິງໃຫ້ແກ່ວຽກງານສິດສອນພາສາຫວຽດນາມ ຂອງຄູອາຈານ ດ້ວຍທັກສະສ້າງຄູທີ່ຈໍາເປັນ, ຄວາມຮູ້ດ້ານວິຊາຊີບທີ່ເປັນປະໂຫຍດເທົ່ານັ້ນ ຫາກຍັງສ້າງຄວາມປະທັບໃຈຢ່າງເລິກເຊິ່ງກ່ຽວກັບປະເທດຊາດ ແລະ ປະຊາຊົນຫວຽດນາມ ທີ່ສວຍງາມ, ສະໜິດສະໜົມ ແລະ ຮັກແພງແຂກຄົນອີກດ້ວຍ. ການເຄື່ອນໄຫວພົບປະແລກປ່ຽນທີ່ຊຸດອົບຮົມ ໄດ້ປະກອບສ່ວນເພີ່ມທະວີຄວາມເຂົ້າອົກເຂົ້າໃຈລະຫວ່າງປະຊາຊົນສອງປະເທດ, ເພີ່ມພູນຄູນສ້າງມິດຕະພາບຫວຽດນາມ - ລາວ ກວ່າອີກ.
ຂໍ້ມູນໃນການຢ້ຽມຢາມ ແລະ ເຮັດວຽກກັບຄະນະວິຊາພາສາຫວຽດ ມະຫາວິທະຍາໄລຈຳປາສັກ (ແຂວງຈຳປາສັກ, ລາວ) ໃນເດືອນມິຖຸນາ 2022, ທ່ານ ຫງວຽນຫາຍແທ່ງ, ຮອງຫົວໜ້າກົມຮ່ວມມືສາກົນ (ກະຊວງສຶກສາ ແລະ ບຳລຸງສ້າງ ຫວຽດນາມ) ໃຫ້ຮູ້ວ່າ: ກາກໍານົດທິດຂອງລັດຖະບານຫວຽດນາມ ໃນໄລຍະ 2022 – 2030 ແມ່ນຮັກສາການໜູນຊ່ວຍຄູສອນພາສາຫວຽດນາມ ຢູ່ລາວ, ຮ່ວມມືຢ່າງແໜ້ນແຟ້ນກວ່າອີກໃນບັນດາໂຄງການຮ່ວມສໍາພັນກໍ່ສ້າງ ລະດັບປະລິນຍາຕີພາສາຫວຽດນາມ ແລະ ປະລິນຍາຕີລົງເລິກວິຊາຫວຽດນາມ ວິທະຍາ. ຫວຽດນາມ ສືບຕໍ່ລົງທຶນກໍ່ສ້າງສິ່ງອຳນວຍຄວາມສະດວກ ເພື່ອຕອບສະໜອງຄວາມຕ້ອງການບຳລຸງສ້າງພາສາຫວຽດນາມ ຢູ່ບັນດາມະຫາວິທະຍາໄລ ແລະ ມັດທະຍົມປາຍໃນທົ່ວປະເທດ, ຮັກສາມາດຖານຕ່ຳສຸດ ແລະ ຫຼາຍໂຄງການເກື້ອກູນໃຫ້ບັນດານັກສຶກສາໄປຮໍ່າຮຽນຢູ່ ຫວຽດນາມ.
ບູນມີ
