Viettel ໄດ້ປະກາດການໃຊ້ທົດລອງການບໍລິການເຄືອຂ່າຍສັນຍານມືຖື 5G ນຳໃຊ້ສະເພາະໃຫ້ແກ່ໂຮງງານ Pegatron (ພາບ: Vietnam+)

ວັນທີ 20 ກໍລະກົດ, ກຸ່ມບໍລິສັດອຸດສາຫະກຳ - ໂທລະຄົມມະນາຄົມກອງທັບ ຫວຽດນາມ (Viettel) ໄດ້ປະກາດການໃຊ້ທົດລອງການບໍລິການເຄືອຂ່າຍສັນຍານມືຖື 5G ນຳໃຊ້ສະເພາະ (5G Private Mobie Network) ໃຫ້ແກ່ໂຮງງານ Pegatron ຢູ່ນະຄອນ ຫາຍຟ່ອງ. ນີ້ແມ່ນໂຮງງານອັດສະລິຍະແຫ່ງທຳອິດຢູ່ ຫວຽດນາມ ທີ່ໄດ້ຫັນເປັນອັດຕະໂນມັດ ໂດຍອີງໃສ່ການເຊື່ອມຕໍ່ຂອງການບໍລິການມືຖື 5G ດ້ວຍທ່າແຮງທີ່ມີລະດັບຄວາມໄວ້ສູງ. Viettel 5G Private Mobie Network ໄດ້ຊ່ວຍໃຫ້ Pegatron ຫຼຸດຜ່ອນລາຍຈ່າຍ, ເພີ່ມສະມັດຕະພາບ, ເພີ່ມກຳໄລ, ພ້ອມທັງສາມາດປັບປຸງສະພາບແວດລ້ອມແຫ່ງການເຮັດວຽກ…

5G Private Mobie Network ແມ່ນເຄືອຂ່າຍອິນເຕີເນັດມືຖືນຳໃຊ້ສະເພາະການບໍລິການມືຖືເຄື່ອນຖີເຊື່ອມຕໍ່ໃຫ້ແກ່ບັນດາອົງການຈັດຕັ້ງ, ບຸກຄົນທີ່ມີຄວາມຕ້ອງການນຳໃຊ້ບັນດາອຸປະກອນສະເພາະ, ຫຼື ເຄື່ອງຈັກທີ່ຕ້ອງເຊື່ອມຕໍ່ດ້ວຍເວລາຕົວຈິງ. ນີ້ແມ່ນທ່າອ່ຽງໃໝ່ຂອງໂລກ.