ເຊີດຊູ 35 ອົງການບໍ່ຂຶ້ນກັບລັດຖະບານຕ່າງປະເທດ ທີ່ມີການປະກອບສ່ວນຫຼາຍຢ່າງເຂົ້າໃນການພັດທະນາຂອງ ຫວຽດນາມ

ຍສໝ - ວັນທີ 26 ທັນວາ, ຢູ່ ຮ່າໂນ້ຍ, ສະຫະພັນບັນດາອົງການມິດຕະພາບ ຫວຽດນາມ (VUFO) - ອົງການປະຈໍາຄະນະກຳມະການວຽກງານຂອງບັນດາອົງການບໍ່ຂຶ້ນກັບລັດຖະບານຕ່າງປະເທດ (ຄະນະກໍາມະການ) ໄດ້ມອບໃບຍ້ອງຍໍໃຫ້ 35 ອົງການບໍ່ຂຶ້ນກັບລັດຖະບານຕ່າງປະເທດ ທີ່ມີຫຼາຍການປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ, ການຮັບປະກັນຊີວິດ ສັງຄົມຂອງ ຫວຽດນາມ ໃນປີ 2023.

	35 ປີແຫ່ງການຮ່ວມມືດ້ານໂທລະຄົມມະນາຄົມ ອົດສະຕາລີ - ຫວຽດນາມ
	ຊາວຫວຽດນາມ ໄປອອກແຮງງານຢູ່ຕ່າງປະເທດໄດ້ປະກອບສ່ວນໃຫ້ປະເທດຊາດ 3,5 – 4 ຕື້ USD/ປີ

ເຂົ້າຮ່ວມພິທີມີຜູ້ຕາງໜ້າບັນດາອົງການທີ່ເຂົ້າຮ່ວມກົນໄກຄະນະກຳມະການ; ອົງການສູນຕິດຕໍ່ຄຸ້ມຄອງການເຄື່ອນໄຫວຂອງບັນດາອົງການບໍ່ຂຶ້ນກັບລັດຖະບານຕ່າງປະເທດ, ສະຫະພັນບັນດາອົງການມິດຕະພາບບັນດາແຂວງ/ນະຄອນ; ບັນດາອົງການບໍ່ຂຶ້ນກັບລັດຖະບານຕ່າງປະເທດ, ອົງການຮ່ວມມືພັດທະນາຂອງບັນດາປະເທດ ແລະ ວິສາຫະກິດຕ່າງປະເທດຈຳນວນໜຶ່ງ.

ກ່າວຄຳປາໄສທີ່ພິທີ, ທ່ານ ຟານແອງເຊີນ, ປະທານ VUFO, ຮອງປະທານຄະນະກຳມະການໃຫ້ຮູ້ວ່າ ໃນປີ 2023 ເສດຖະກິດທົ່ວໂລກ ແລະ ຫວຽດນາມ ໄດ້ປະສົບກັບຄວາມຫຍຸ້ງຍາກ, ສິ່ງທ້າທາຍຫລາຍຢ່າງ. ພັກ ແລະ ລັດ ຫວຽດນາມ ໄດ້ມານະພະຍາຍາມຫຼາຍຢ່າງເພື່ອສືບຕໍ່ຮັກສາທ່າເຕີບໂຕ, ຄວບຄຸມເງິນເຟີ້, ຮັກສາມະຫາພາກໃຫ້ເປັນປົກກະຕິ, ເພີ່ມທະວີການຮັບປະກັນຊີວິດສັງຄົມ, ສືບຕໍ່ບັນດາເປົ້າໝາຍຂອງກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ 13 ຂອງພັກກອມມູນິດ ຫວຽດນາມ. ບັນລຸໄດ້ໝາກຜົນດັ່ງກ່າວ ຍ້ອນສ່ວນໜຶ່ງແມ່ນການໜູນຊ່ວຍອັນລ້ຳຄ່າຈາກບັນດາຄູ່ຮ່ວມມືສາກົນ, ໂດຍສະເພາະແມ່ນບັນດາອົງການບໍ່ຂຶ້ນກັບລັດຖະບານຕ່າງປະເທດ

ເຊີດຊູ 35 ອົງການບໍ່ຂຶ້ນກັບລັດຖະບານຕ່າງປະເທດ ທີ່ມີການປະກອບສ່ວນຫຼາຍຢ່າງເຂົ້າໃນການພັດທະນາຂອງ ຫວຽດນາມ

ທ່ານປະທານ VUFO ຟານແອງເຊີນ ແລະ ທ່ານຮອງປະທານ VUFO ຫງວຽນຫງອກຮຸ່ງ ໄດ້ມອບໃບຍ້ອງຍໍໃຫ້ບັນດາອົງການບໍ່ຂຶ້ນກັບລັດຖະບານຕ່າງປະເທດ.

"ໂດຍຕາງໜ້າໃຫ້ການນຳຂອງ VUFO, ຂ້າພະເຈົ້າຂໍຂອບໃຈຢ່າງຈິງໃຈ, ຕີລາຄາສູງບັນດາການປະກອບສ່ວນຂອງບັນດາທ່ານເຂົ້າໃນການພັດທະນາເສດຖະກິດ - ສັງຄົມຂອງ ຫວຽດນາມ. ແຕ່ລະການປະກອບສ່ວນຂອງແຕ່ລະທ່ານ, ໃນອົງການຈັດຕັ້ງຂອງທ່ານ, ເຖິງວ່າຈະເປັນຮູບແບບດ້ານວັດຖຸ, ປະສົບການ, ຄວາມຮູ້ດ້ານວິຊາຊີບ ຫຼື ຊັບພະຍາກອນມະນຸດ ກໍ່ລ້ວນແຕ່ປະກອບສ່ວນປ່ຽນແປງໃໝ່ອະນາຄົດ ແລະ ນຳຊີວິດທີ່ດີຂຶ້ນມາໃຫ້ແກ່ປະຊາຊົນ ຫວຽດນາມ. ນອກຈາກນັ້ນ, ທ່ານຍັງເປັນນັກການທູດຊ່ວຍສົ່ງພາບພົດປະເທດຊາດ, ປະຊາຊົນ, ນະໂຍບາຍ, ຮີດຄອງປະເພນີ, ຄຸນຄ່າເມດຕາຈິດຂອງ ຫວຽດນາມ ໄປສູ່ໂລກ; ກໍຄືປະກອບສ່ວນປັບປຸງ, ເສີມສ້າງສາຍພົວພັນມິດຕະພາບລະຫວ່າງ ຫວຽດນາມ ແລະ ປະຊາຊົນທີ່ກ້າວໜ້າໃນໂລກ” - ທ່ານ ຟານແອງເຊີນ ເນັ້ນໜັກ.

ຕາມທ່ານ ຟານແອງເຊີນ, ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກກອມມູນິດ ຫວຽດນາມ ໄດ້ວາງເປົ້າໝາຍໃຫ້ ຫວຽດນາມ ຮອດປີ 2045 ກາຍເປັນປະເທດພັດທະນາ, ມີລາຍຮັບສູງ. ເພື່ອບັນລຸໄດ້ເປົ້າໝາຍດັ່ງກ່າວ ຫວຽດນາມ ຕ້ອງການການສະໜັບສະໜູນ, ການຮ່ວມມືຂອງປະຊາຄົມໂລກ, ພິເສດແມ່ນການໜູນຊ່ວຍແຫຼ່ງຊັບພະຍາກອນ, ປະສົບການ, ຄວາມຮູ້ດ້ານວິຊາຊີບຈາກບັນດາອົງການບໍ່ຂຶ້ນກັບລັດຖະບານຕ່າງປະເທດ, ບັນດາຜູ້ອຸດໜູນ. ບັນດາການສະໜັບສະໜູນອັນລ້ຳຄ່າດັ່ງກ່າວຈະປະກອບສ່ວນເຂົ້າໃນການແກ້ໄຂສິ່ງທ້າທາຍໃນການຫຼຸດຜ່ອນຄວາມທຸກຍາກແບບຍືນຍົງ, ພັດທະນາເສດຖະກິດ - ສັງຄົມໄປຄຽງຄູ່ກັບການປົກປັກຮັກສາສິ່ງແວດລ້ອມ, ຮັບມືການປ່ຽນແປງຂອງດິນຟ້າອາກາດ. ພ້ອມກັນນັ້ນ ກໍ່ແກ້ໄຂບັນດາບັນຫາສັງຄົມ, ໃນນັ້ນມີບັນຫາກ່ຽວກັບຜົນເສຍຫາຍທີ່ຕາມມາຈາກສົງຄາມ ແລະ ການປ້ອງກັນໂລກລະບາດໃນອະນາຄົດ, ໄດ້ຊ່ວຍໃຫ້ ຫວຽດນາມ ພັດທະນານັບມື້ນັບໝັ້ນຄົງ ແລະ ຮອບດ້ານ.

ທ່ານປະທານ VUFO ຮຽກຮ້ອງບັນດາອົງການຮ່ວມມືພັດທະນາ, ບັນດາຜູ້ອຸປະຖຳ, ບັນດາອົງການບໍ່ຂຶ້ນກັບລັດຖະບານຕ່າງປະເທດ ຈົ່ງສືບຕໍ່ເອົາໃຈໃສ່, ສະຫງວນແຫຼ່ງຊັບພະຍາກອນເພື່ອໜູນຊ່ວຍ ຫວຽດນາມ ຕາມບັນດາກຳນົດທິດບູຣິມະສິດໃນໂຄງການແຫ່ງຊາດກ່ຽວກັບການເພີ່ມທະວີການຮ່ວມມື ແລະ ລະດົມການຊ່ວຍເຫຼືອໃຫ້ອົງການບໍ່ຂຶ້ນກັບລັດຖະບານຕ່າງປະເທດ ໄລຍະ 2019 – 2025. ກໍຄືບັນດາຄວາມຕ້ອງການບູຣິມະສິດຕົວຈິງຂອງບັນດາກະຊວງ, ຂະແໜງການ ແລະ ທ້ອງຖິ່ນຂອງ ຫວຽດນາມ. VUFO ຈະສືບຕໍ່ເພີ່ມທະວີການພົວພັນຮ່ວມມືລະຫວ່າງພວກຂ້າພະເຈົ້າກັບທ່ານ ກໍ່ຄືຕັ້ງໜ້າສະໜັບສະໜູນບັນດາການເຄື່ອນໄຫວຂອງທ່ານຢູ່ ຫວຽດນາມ ໃນຊຸມປີຕໍ່ໜ້າຢ່າງມີປະສິດທິຜົນ.

ເນື່ອງໃນໂອກາດນີ້, VUFO ໄດ້ມອບໃບຍ້ອງຍໍໃຫ້ 35 ອົງການບໍ່ຂຶ້ນກັບລັດຖະບານຕ່າງປະເທດ ທີ່ມີການປະກອບສ່ວນຢ່າງຕັ້ງໜ້າໃຫ້ແກ່ ຫວຽດນາມ ໃນປີ 2023 ແລະ 3 ການຈັດຕັ້ງສະເຫຼີມສະຫຼອງ 30 ປີແຫ່ງການເຄື່ອນໄຫວຢູ່ ຫວຽດນາມ ໃນປີ 2023.

ໂດຍຕາງໜ້າໃຫ້ບັນດາອົງການບໍ່ຂຶ້ນກັບລັດຖະບານຕ່າງປະເທດໄດ້ຮັບເປັນກຽດເຊີດຊູປີ 2023, ທ່ານ ວັນຫງອກທິ້ງ - ຜູ້ຕາງໜ້າອົງການ WWF, ທ່ານນາງ Migena Shulla - ຫົວໜ້າຜູ້ຕາງໜ້າອົງການ Plan International ແລະ ທ່ານນາງ ດາວທິຮົ່ງ- ຜູ້ຕາງໜ້າອົງການ CRS ໄດ້ກ່າວຄຳປາໄສສະແດງຄວາມຂອບອົກຂອບໃຈ ແລະ ໃຫ້ຄຳໝັ້ນສັນຍາຈະສືບຕໍ່ຮ່ວມເດີນທາງກັບ VUFO ປະຕິບັດບັນດາໂຄງການຢູ່ ຫວຽດນາມ ຢ່າງມີປະສິດທິຜົນ.

ທີ່ພິທີ, ການນຳ VUFO ໄດ້ສະໜອງຂໍ້ມູນທົ່ວໄປກ່ຽວກັບແນວທາງ, ນະໂຍບາຍ ແລະ ສະພາບການພັດທະນາເສດຖະກິດ - ສັງຄົມຂອງ ຫວຽດນາມ ໃນປະຈຸບັນ. ພ້ອມກັນນັ້ນ ກໍ່ແບ່ງປັນກ່ຽວກັບສະພາບການເຄື່ອນໄຫວຂອງບັນດາອົງການບໍ່ຂຶ້ນກັບລັດຖະບານຕ່າງປະເທດຢູ່ ຫວຽດນາມ ໃນປີ 2023 ແລະ ບັນດາທິດທາງບຸລິມະສິດຂອງ ຫວຽດນາມ ໃນໄລຍະຈະມາເຖິງ. ການນຳ VUFO ຫວັງວ່າ ຜ່ານເຫດການດັ່ງກ່າວ, ບັນດາອົງການບໍ່ຂຶ້ນກັບລັດຖະບານ ແລະ ວິສາຫະກິດ, ຄູ່ຮ່ວມມືສາກົນ ຈະມີຫຼາຍຂໍ້ມູນຕື່ມອີກ, ຈາກນັ້ນ ກໍ່ສ້າງບັນດານະໂຍບາຍໜູນຊ່ວຍທີ່ເໝາະສົມກັບການກຳນົດທິດພັດທະນາຂອງ ຫວຽດນາມ ໃນໄລຍະຈະມາເຖິງ.

ບັນດາອົງການບໍ່ຂຶ້ນກັບລັດຖະບານຕ່າງປະເທດ ທີ່ໄດ້ຮັບໃບຍ້ອງຍໍຈາກ VUFO ໃນປີ 2023:

1. ActionAid International

2. Animals Asia Foundation

3. BasicNeeds

4. Buddhist Compassion Relief TZU CHI Foundation

5. CARE International

6. Catholic Relief Services-United States Conference of Catholic Bishops

7. ChildFund Australia

8. Christina Noble Children's Foundation

9. Facing the World

10. Family Health International

11. Fauna & Flora International