| ຊາວຫວຽດນາມ ໄປອອກແຮງງານຢູ່ຕ່າງປະເທດໄດ້ປະກອບສ່ວນໃຫ້ປະເທດຊາດ 3,5 – 4 ຕື້ USD/ປີ | |
| ລັດ New South Wales (ອົດສະຕາລີ) ພ້ອມແລ້ວທີ່ຈະຕ້ອນຮັບວິສາຫະກິດ ຫວຽດນາມ |
ການຫວນຄືນຄັ້ງໜຶ່ງໃນການໂທລະສັບຄັ້ງທຳອິດຈາກ ຫວຽດນາມ ໄປ ອົດສະຕຣາລີ ແມ່ນເພື່ອສະເຫຼີມສະຫຼອງ 35 ປີແຫ່ງວັນຄະນະກຳມະການໂທລະຄົມມະນາຄົມຢູ່ຕ່າງປະເທດ (OTC) ຂອງ ອົດສະຕຣາລີ (ຕໍ່ມາແມ່ນ Telstra) ແລະ ກົມໃຫຍ່ໄປສະນີ ຫວຽດນາມ (GDPT) (ຕໍ່ມາໄດ້ສືບທອດໂດຍ VNPT) ໄດ້ລົງນາມຂໍ້ຕົກລົງຮ່ວມມືທຸລະກິດຄັ້ງທຳອິດໃນປີ 1988.
 |
ທ່ານເອກອັກຄະລັດຖະທູດ ອົດສະຕຣາລີ ປະຈຳ ຫວຽດນາມ Andrew Goledzinowski ໄດ້ມີການໂທລະສັບເຖິງ ທ່ານເອກອັກຄະລັດຖະທູດ ຫວຽດນາມ ປະຈຳ ອົດສະຕຣາລີ ຫງວຽນເຕີດແທງ ເພື່ອຫວນຄືນການໂທລະສັບຄັ້ງທຳອິດຈາກ ຫວຽດນາມ ໄປ ອົດສະຕຣາລີ. |
ທ່ານເອກອັກຄະລັດຖະທູດ Goledzinowski ໃຫ້ຮູ້ວ່າ: “ການພົວພັນຄູ່ຮ່ວມມືນີ້ໄດ້ສ້າງການປ່ຽນແປງຢ່າງແທ້ຈິງໃນການເຊື່ອມຕໍ່ຫວຽດນາມ ກັບໂລກ ແລະ ປະກອບສ່ວນສ້າງພື້ນຖານອັນໜັກແໜ້ນໃຫ້ແກ່ການພົວພັນລະຫວ່າງສອງປະເທດໃນປະຈຸບັນ".
ຕາມທ່ານເອກອັກຄະລັດຖະທູດແລ້ວ, "ການພົວພັນຄູ່ຮ່ວມມືນີ້ໄດ້ຊ່ວຍຫວຽດນາມ ໃນຂະບວນວິທີການປະຕິບັດບັນດາຜົນປະໂຫຍດຂອງພາລະກິດແຫ່ງການປ່ຽນແປງໃໝ່ ແລະ ຊ່ວຍສ້າງສະພາບແວດລ້ອມແຫ່ງການເຄື່ອນໄຫວທຸລະກິດ ແລະ ການລົງທຶນເຂົ້າ ຫວຽດນາມ".
"ເນຶ່ອງໃນໂອກາດສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນການທູດລະຫວ່າງ ອົດສະຕຣາລີ ແລະ ຫວຽດນາມ ໃນປີນີ້, ພວກຂ້າພະເຈົ້າພວມສຸມໃສ່ການຮ່ວມມືໃນໄລຍະຕໍ່ໄປ ເພື່ອເຮັດໃຫ້ກາລະໂອກາດຂອງການປະຕິວັດດີຈີຕອລກາຍເປັນຈິງ. ຂ້າພະເຈົ້າຂໍຊົມເຊີຍບັນດາບຸກຄົນທີ່ໄດ້ປະກອບສ່ວນສ້າງພື້ນຖານອັນດີງາມໃຫ້ແກ່ການຮ່ວມມືຄັ້ງນີ້ ແລະ ຂໍຂອບໃຈບັນດາທ່ານທີ່ໄດ້ປະກອບສ່ວນເຂົ້າໃນການພົວພັນມິດຕະພາບລະຫວ່າງສອງປະເທດພວກເຮົາ” ທ່ານເອກອັກຄະລັດຖະທູດ Goledzinowski ໃຫ້ຮູ້.
ໂດຍໄດ້ຮູ້ວ່າ OTC ໄດ້ຕິດຕັ້ງສະຖານີໜາ້ດິນດາວທຽມ Vista ແຫ່ງທຳອິດຂອງຫວຽດນາມ ຢູ່ນະຄອນ ໂຮ່ຈີມິນ ໃນປີ 1987, ເຊື່ອມຕໍ່ໄປ ອົດສະຕຣາລີ. ສິ່ງນີ້ໄດ້ອະນຸຍາດໃຫ້ປະຕິບັດການໂທລະສັບອອກໄປຍັງສາກົນໄດ້ພ້ອມກັນຫ້າສາຍ, ການປັບປຸງຄຸນນະພາບ ແລະ ບໍລິມາດບັນຈຸທຽບກັບບັນດາການເຊື່ອມຕໍ່ໂທລະພາບທີ່ຍັງຈໍາກັດໃນເວລານັ້ນ.
ບັນດາສະຖານີໜາ້ດິນດາວທຽມເພີ່ມເຕີມ ແລະ ຂອບຂະໜາດໃຫຍ່ກວ່າຄັ້ງທຳອິດ ໄດ້ຮັບການຕິດຕັ້ງຢູ່ ຮ່າໂນ້ຍ, ຫຼັງຈາກນັ້ນກໍ່ມີກວມທົ່ວປະເທດ ແລະ ບັນດາສູນໂທລະຄົມມະນາຄົມສາກົນກໍ່ໄດ້ສ້າງຕັ້ງທັງຢູ່ຮ່າໂນ້ຍ ແລະ ນະຄອນໂຮ່ຈິມິນ.
ໃນຕົ້ນປີ 1989, ທ່ານລັດຖະມົນຕີການຕ່າງປະເທດ ອົດສະຕຣາລີ Gareth Evans AO ໄດ້ມາຢ້ຽມຢາມ ຮ່າໂນ້ຍ ແລະ ໄດ້ໂທລະສັບຜ່ານທາງດາວທຽມໃໝ່ເປັນຄັ້ງທຳອິດ ຈາກ ຮ່າໂນ້ຍ ໄປເຖິງເພື່ອຮ່ວມການງານຂອງທ່ານ ເຊິ່ງແມ່ນຮັກສາການແທນລັດຖະມົນຕີໂທລະຄົມມະນາຄົມ Bob Brown ຢູ່ ອົດສະຕຣາລີ. ຫຼັງຈາກນັ້ນ, OTC ກໍ່ໄດ້ຕິດຕັ້ງສະຖານີຮັບດາວທຽມໃໝ່ທີ່ໃຫຍ່ກວ່າຢູ່ນະຄອນ ໂຮ່ຈີມິນ ແລະ ຮ່າໂນ້ຍ, ຊ່ວຍໃຫ້ປະສິດທິພາບ ແລະ ການບໍລິການສະໜອງຜ່ານເຄືອຂ່າຍ INTELSAT ເພີ່ມຂຶ້ນຫຼາຍພໍສົມຄວນ.
ໃນຕະຫຼອດປີ 1990, ດ້ວຍການປ່ຽນແປງໃໝ່ດ້ານເຕັກໂນໂລຢີ, ການພົວພັນຄູ່ຮ່ວມມືໄດ້ມີຂີດໝາຍສຳຄັນຫຼາຍຢ່າງຕື່ມອີກ. ອຸປະກອນເຊື່ອມຕໍ່ອິນເຕີເນັດເຄື່ອງທຳອິດໄດ້ນຳມາຫວຽດນາມ ໂດຍສາດສະດາຈານມະຫາວິທະຍາໄລແຫ່ງຊາດ ອົດສະຕຣາລີ ທ່ານ Rob Hurle ໃນປີ 1991. ອົດສະຕຣາລີ ກໍ່ໄດ້ເຂົ້າຮ່ວມໂຄງການສາຍກາບໃຕ້ດິນແຫ່ງທຳອິດຂອງຫວຽດນາມ ທີ່ຕັ້ງຢູ່ ຫວຸງເຕົ່າ ໃນປີ 1999. ສາຍກາບນີ້ຊ່ວຍໃຫ້ສາມາດໂທໄປຕ່າງປະເທດໄດ້ 15.000 ເທື່ອ, ພ້ອມດ້ວຍບັນດາການບໍລິການວີດີໂອ ແລະ ຂໍ້ມູນທີ່ມີລະດັບຄວາມໄວສາກົນ. ສາຍກາບໃຕ້ດິນແຫ່ງທີສອງໄດ້ຮັບການຕິດຕັ້ງໃນປີ 2000 ຢູ່ນະຄອນ ດ່ານັງ ແລະ ໄດ້ເຄື່ອນໄຫວມາຈົນຮອດປັດຈຸບັນ.
ນອກຈາກພື້ນຖານໂຄງລ່າງ, ການພົວພັນຄູ່ຮ່ວມມືແລ້ວ ຍັງສຸມໃສ່ການພັດທະນາຊັບພະຍາກອນມະນຸດ. OTC/Telstra ໄດ້ສະໜັບສະໜູນໂຄງການຝຶກອົບຮົມໃຫ້ແກ່ນັກວິທະຍາການ, ວິສະວະກອນ, ພະນັກງານຄຸ້ມຄອງດ້ານການເງິນ ແລະ ພະນັກງານຕ້ອນຮັບ ຫຼາຍກວ່າ 3.000 ຄົນໃນຂະແໜງອຸດສາຫະກຳໂທລະຄົມມະນາຄົມຢູ່ຫວຽດນາມ.
ມິງດຶກ
