| ຫວຽດນາມ ສະໜັບສະໜູນການຍູ້ແຮງການປະຕິຮູບສະພາຄວາມໝັ້ນຄົງ ສະຫະປະຊາຊາດ | |
| ເປີດກາລະໂອກາດຮ່ວມມືລະຫວ່າງແຂວງ ກອນຕູມ ກັບບັນດາທ້ອງຖິ່ນ ແລະ ຄູ່ຮ່ວມມືຂອງ ອິນເດຍ |
ທ່ານພົນໂທ ຟູງຊີ໋ເຕິ໋ນ, ຮອງຫົວໜ້າກອງເສນາທິການໃຫຍ່ກອງທັບປະຊາຊົນ ຫວຽດນາມ, ຫົວໜ້າຄະນະຊີ້ນໍາການຝຶກຊ້ອມ VINBAX 2023 ໄດ້ເປັນປະທານາທີ່ພິທີອັດ.
ເຂົ້າຮ່ວມພິທີ ມີທ່ານເອກອັກຄະລັດຖະທູດ ອິນເດຍ ປະຈໍາ ຫວຽດນາມ Sandeep Arya, ພັນເອກ Dheeraaj Kotwal, ທີ່ປຶກສາຝ່າຍປ້ອງກັນຊາດ ອິນເດຍ ປະຈໍາ ຫວຽດນາມ; ຜູ້ຕາງໜ້າບັນດາອົງການ, ຫົວໜ່ວຍຂອງກະຊວງປ້ອງກັນຊາດ; ຫົວໜ້າຄະນະກອງທັບ ຫວຽດນາມ ແລະ ຫົວໜ້າຄະນະກອງທັບອິນເດຍ ທີ່ເຂົ້າຮ່ວມ VINBAX 2023 ພ້ອມກັບບັນດາກຳລັງທີ່ເຂົ້າຮ່ວມການຝຶກຊ້ອມຂອງ 2 ປະເທດ.
 |
ພິທີອັດການຝຶກຊ້ອມສອງຝ່າຍລະຫວ່າງ ຫວຽດນາມ ແລະ ອິນເດຍ ກ່ຽວກັບການຮັກສາສັນຕິພາບ ສະຫະປະຊາຊາດ ປີ 2023 (VINBAX 2023) |
ກ່າວຄຳປາໄສທີ່ພິທີ, ໂດຍຕາງໜ້າໃຫ້ກະຊວງປ້ອງກັນປະເທດຫວຽດນາມ, ທ່ານພົນໂທ ຟູງຊີ໋ເຕິ໋ນ ໄດ້ສະແດງຄວາມຊົມເຊີຍຜົນສຳເລັດຂອງການຝຶກຊ້ອມ VINBAX 2023; ພ້ອມກັນນັ້ນ, ທ່ານຍັງໄດ້ສະແດງຄວາມຊົມເຊີຍກຳລັງຝຶກຊ້ອມຂອງສອງປະເທດທີ່ໄດ້ເຂົ້າຮ່ວມຢ່າງຈິງຈັງ, ຕັ້ງໜ້າ. ທ່ານພົນໂທ ຟູງຊີ໋ເຕິ໋ນ ຢືນຢັນວ່າ ການຝຶກຊ້ອມ VINBAX 2023 ໄດ້ດຳເນີນໄປດ້ວຍການກະກຽມຢ່າງລະມັດລະວັງ, ມີຄວາມມານະພະຍາຍາມ ແລະ ຄວາມຕັດສິນໃຈຂອງສອງຝ່າຍ, ຄວາມພະຍາຍາມຂອງບຸກຄົນທີ່ເຂົ້າຮ່ວມ. ຊຸມວັນທີ່ຜ່ານມາແມ່ນວັນທີ່ຟົດຟື້ນທີ່ສຸດຂອງກຳລັງທີ່ເຂົ້າຮ່ວມການຝືກຊ້ອມ. ບັນດາບົດຝຶກຊ້ອມ ໄດ້ຮັບການປະຕິບັດຕາມແຜນການ, ບັນລຸໄດ້ບັນດາເປົ້າໝາຍ, ຄວາມຮຽກຮ້ອງຕ້ອງການດ້ວຍຄຸນນະພາບວິຊາສະເພາະເປັນຢ່າງດີ. ງຽກງານການຈັດຕັ້ງຂອງການຝຶກອົບຮົມ ແລະ ການປະຕິບັດແມ່ນເປັນມືອາຊີບ, ມີແບບມີແຜນ ແລະຄວາມປອດໄພ ຢ່າງແທ້ຈິງ.
ຕາມທ່ານພົນໂທ ຟູງຊີ໋ເຕິ໋ນ ແລ້ວ, ໝາກຜົນຂອງການຝຶກຊ້ອມໄດ້ສະແດງໃຫ້ເຫັນການສົມທົບກັນຢ່າງມີຈັງຫວະ, ແໜ້ນແຟ້ນ ແລະ ມີປະສິດທິຜົນຂອງກຳລັງການກອງທັບ ຫວຽດນາມ ແລະ ອິນເດຍ ໃນການປະຕິບັດການແກ້ໄຂບັນດາສະຖານະການສົມມຸດຖານ, ຕິດແທດກັບຕົວຈິງຂອງການປະຕິບັດໜ້າທີ່ໃນພາລະກິດຮັກສາສັນຕິພາບຂອງສະຫະປະຊາຊາດ.
ຕາມທ່ານພັນເອກ Aseem Gupta, ຫົວໜ້າກອງພັນໃຫຍ່ທະຫານຊ່າງແສງ 68, ກອງທະຫານບົກອິນເດຍ, ຫົວໜ້າຄະນະກອງທັບອິນເດຍ ທີ່ເຂົ້າຮ່ວມການຊ້ອມ VINBAX 2023, ໃນຕະຫຼອດການຝຶກຊ້ອມ, ກຳລັງຂອງສອງຝ່າຍໄດ້ແລກປ່ຽນຄວາມຮູ້ດ້ານວິຊາສະເພາະທີ່ອຸດົມສົມບູນໃນສະພາບການຮັກສາສັນຕິພາບ ສະຫະປະຊາຊາດ; ເພີ່ມທະວີການຮ່ວມມືມິດຕະພາບໂດຍຜ່ານການເຂົ້າຮ່ວມການເຄື່ອນໄຫວກິລາ, ວັດທະນະທຳຕ່າງໆ. ການຝຶກຊ້ອມສະພາວະການປະມວນ ໄດ້ດຳເນີນໄປດ້ວຍລັກສະນະເປັນມີອາຊີບ ແລະ ສະແດງໃຫ້ເຫັນທັກສະລະດັບສູງຂອງກອງທັບສອງປະເທດ. ຄວາມກົມກຽວກັນໃນການເຄື່ອນໄຫວ, ການປະສານງານ ແລະ ການຮ່ວມມືຢ່າງບໍ່ຢຸດຢັ້ງຂອງກອງທັບສອງປະເທດ ໄດ້ສະແດງໃຫ້ເຫັນເຖິງການພົວພັນມິດຕະພາບທີ່ເປັນມູນເຊື້ອ ແລະ ເລິກເຊິ່ງ. ທ່ານພັນເອກ Aseem Gupta ໄດ້ສະແດງຄວາມຂອບໃຈຄະນະຊີ້ນໍາຝຶກຊ້ອມ VINBAX 2023 ພ້ອມກັບບັນດາກຳລັງທີ່ເຂົ້າຮ່ວມທີ່ມີການຕ້ອນຮັບອັນອົບອຸ່ນ, ຮັກແພງແຂກຄົນ, ພະລາທິການລອບຄອບ; ພ້ອມກັນນັ້ນ ກໍ່ຕີລາຄາການຝຶກຊ້ອມVINBAX 2023 ບໍ່ພຽງແຕ່ບັນລຸໄດ້ທຸກເປົ້າໝາຍທີ່ວາງອອກເທົ່ານັ້ນ, ຫາກຍັງສ້າງໂອກາດຍົກສຸງຂອບເຂດຂອງການຝຶກຊ້ອມສົມທົບກັບຫຼາຍກຳລັງໃນອະນາຄົດນຳອີກ.
ມິງດຶກ
