| ສະຫະປະຊາຊາດຕີລາຄາສູງບັນດາການປະກອບສ່ວນຂອງ ຫວຽດນາມ ໃຫ້ແກ່ການເຄື່ອນໄຫວຮັກສາສັນຕິພາບສະຫະປະຊາຊາດ | |
| ຫວຽດນາມ ສໍາເລັດອາຍຸການກໍາມະການບໍ່ຖາວອນສະພາຄວາມໝັ້ນຄົງສະຫະປະຊາຊາດຢ່າງມີໄຊ |
ວັນທີ 16 ພະຈິກນີ້, ຢູ່ນິວຢອກ - ອາເມລິກາ, ກອງປະຊຸມສະມັດຊາໃຫຍ່ສະຫະປະຊາຊາດ (ສປຊ) ໄດ້ຈັດຕັ້ງວາລະປະຊຸມປະຈຳປີກ່ຽວກັບບັນຫາການປັບປຸງການຈັດຕັ້ງສະພາຄວາມໝັ້ນຄົງ.
 |
ກອງປະຊຸມສະມັດຊາໃຫຍ່ສະຫະປະຊາຊາດ ໄດ້ຈັດກອງປະຊຸມປຶກສາຫາລືກ່ຽວກັບບັນຫາການປະຕິຮູບຂອງສະພາຄວາມໝັ້ນຄົງ. |
ທີ່ການພົບປະ, ຜູ້ຕາງໜ້າບັນດາປະເທດສະມາຊິກ ເນັ້ນໜັກວ່າ ສະພາຄວາມໝັ້ນຄົງຕ້ອງໄດ້ຮັບການປະຕິຮູບຢ່າງວ່ອງໄວ, ທັງດ້ານຈຳນວນ, ໂຄງປະກອບສະມາຊິກ ແລະ ວິທີການເຮັດວຽກ, ເພື່ອຮັບປະກັນໃຫ້ອົງການນີ້ສາມາດປະຕິບັດໜ້າທີ່ຮັກສາສັນຕິພາບ ແລະ ຄວາມໝັ້ນຄົງສາກົນໄດ້ເປັນຢ່າງດີ, ພິເສດແມ່ນໃນສະພາບຄວາມເຄັ່ງຕຶງ ແລະ ຄວາມຂັດແຍ່ງກັນເພີ່ມຂຶ້ນໃນຫຼາຍຂົງເຂດ.
ບັນດາປະເທດຊົມເຊີຍການທີ່ປະທານກອງປະຊຸມສະມັດໃຫຍ່ໄດ້ແຕ່ງຕັ້ງຄືນໃໝ່ບັນດາເອກອັກຄະລັດຖະທູດ, ຫົວໜ້າຄະນະຜູ້ແທນ ໂອຕຣິດ ແລະ ກູເວດ ເປັນປະທານຮ່ວມການດຳເນີນການເຈລະຈາລະຫວ່າງລັດຖະບານ ກ່ຽວກັບການປະຕິຮູບສະພາຄວາມໝັ້ນຄົງ ຄັ້ງທີ 78 (IGN), ພ້ອມກັນນັ້ນກໍໄດ້ຮອງຮັບບາງການດຳເນີນການກ່ຽວກັບລະບຽບການ ແລະ ວິທີການເຮັດວຽກຂອງ IGN ຊຸດກ່ອນ.
ກ່າວຄຳປາໄສທີ່ການພົບປະ, ທ່ານອັກຄະລັດຖະທູດທີ່ປຶກສາ ຫງວ໋ຽນຮວ່າງຫງວຽນ, ຮອງຫົວໜ້າຄະນະຜູ້ແທນຫວຽດນາມ ປະຈຳ ສປຊ ຢືນຢັນວ່າ ຕ້ອງມີການປ່ຽນໃໝ່ໃນທິດທາງເພີ່ມທະວີລັກສະນະການເປັນຕົວແທນ, ມີປະສິດທິຜົນເພື່ອປັບຕົວ ແລະ ເໝາະສົມກັບສະພາບຕົວຈິງໃນປະຈຸບັນ.
ເພື່ອເຮັດໄດ້ສິ່ງດັ່ງກ່າວ, ສະພາຄວາມໝັ້ນຄົງຕ້ອງຂະຫຍາຍສະມາຊິກ, ທັງຖາວອນ ແລະ ບໍ່ຖາວອນ, ເພີ່ມຈຳນວນທີ່ນັ່ງໃຫ້ແກ່ພາກພື້ນ ແລະາ ກຸ່ມປະເທດທີ່ຍັງບໍ່ມີຜູ້ຕາງໜ້າຕາມສົມຄວນ, ໂດຍສະເພາະແມ່ນບັນດາປະເທດທີ່ພວມພັດທະນາຢູ່ ອາຟຼິກາ ແລະ ອາຊີ - ປາຊີຟິກ.
ທ່ານຜູ້ຕາງໜ້າ ຫວຽດນາມ ໃຫ້ຮູ້ວ່າ: ສະພາຄວາມໝັ້ນຄົງຍັງຕ້ອງປັບປຸງບັນດາວິທີການເຮັດວຽກເພື່ອຮັບປະກັນປະຊາທິປະໄຕ, ຈະແຈ້ງ ແລະ ມີປະສິດທິຜົນໃນການປະຕິບັດບົດບາດ ແລະ ໜ້າທີ່ຂອງຕົນ. ບັນດາກອງປະຊຸມເປີດເຜີຍຄວນຈະຖືກຈັດຂື້ນຢ່າງເປັນປະຈຳກວ່າ, ໃນຂະນະທີ່ບັນດາກອງປະຊຸມ ແລະ ການປຶກສາຫາລືລັບ ຄວນຈະຖືກຈຳກັດໃຫ້ໜ້ອຍທີ່ສຸດ.
ການໃຊ້ສິດຢັບຢັ້ງຕ້ອງຈຳກັດຢູ່ໃນຂອບເຂດຂອງບັນດາມາດຕະການທີ່ໄດ້ກຳນົດໝວດທີ VII ຂອງກົດບັດສະຫະປະຊາຊາດ. ສະພາຄວາມໝັ້ນຄົງກໍຕ້ອງເພີ່ມທະວີການປະສານສົມທົບ, ປຶກສາ ແລະ ຟັງຄວາມຄິດເຫັນຂອງກອງປະຊຸມສະມັດຊາໃຫຍ່, ບັນດາອົງການໃນພາກພື້ນ ແລະ ບັນດາປະເທດທີ່ສົ່ງພົນທະຫານເຂົ້າຮ່ວມກຳລັງຮັກສາສັນຕິພາບໃນບັນດາບັນຫາທີ່ກ່ຽວຂ້ອງ.
ທ່ານອັກຄະລັດຖະທູດທີ່ປຶກສາທູດ ຫງວ໋ຽນຮວ່າງຫວງຽນ ຢືນຢັນວ່າ: ຫວຽດນາມ ສະໜັບສະໜູນການຊຸກຍູ້ວິວັດການ IGN, ໃນນັ້ນມີການເພີ່ມເຕີມບັນດາປັດໄຈທີ່ຈຳເປັນຄືບັນດາວິວັດວັດການເຈລະຈາອື່ນໆຂອງ ສປຊ.
ຜູ້ຕາງໜ້າ ຫວຽດນາມ ໄດ້ຕີລາຄາສູງບັນດຂໍ້ລິເລີ່ມທີ່ໄດ້ຮັບການຈັດຕັ້ງປະຕິບັດໃນປີທີ່ຜ່ານມາ ເຊັ່ນ: ການຖ່າຍທອດສົດທາງໂທລະພາບຂອງບັນດາກອງປະຊຸມ, ສ້າງໜ້າເວບເອເລັກໂຕຣນິກເພື່ອສຳເນົາຂໍ້ມູນຂ່າວສານ, ເອກະສານຂອງ IGN, ພ້ອມທັງຊົມເຊີຍການຈັດຕັ້ງບັນດາກອງປະຊຸມເປີດ, ບໍ່ເປັນທາງການ ເພື່ອຊຸກຍູ້ການແລກປ່ຽນທີ່ແທດຈິງ, ສະເໜີແນວຄວາມຄິດໃໝ່ໃຫ້ແກ່ວິວັດການທີ່ສຳຄັນນີ້.
ມິງດຶກ
