| ພິທີສະເຫລີມສະຫລອງຄູ່ຮ່ວມພັດທະນາ ລະຫວ່າງ ອິນເດຍ ແລະ ສປປ ລາວ | |
| ກອນຕູມ ແລະ ອັດຕະປື ສົມທົບກັນຊອກຫາ, ທ້ອນໂຮມອັດຖິນັກຮົບອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົມຄາມຢູ່ລາວ ກັບຄືນເມືອປະເທດ |
ທີ່ການພົບປະເຮັດວຽກກັບແຂວງ ກອນຕູມ, ທ່ານ Madan Mohan Sethi - ກົງສຸນໃຫຍ່ອິນເດຍ ປະຈຳນະຄອນໂຮ່ຈີມິນ ປາດຖະໜາຢາກເຊື່ອມຕໍ່ການທ່ອງທ່ຽວແຂວງ ກອນຕູມ ກັບບັນດາບໍລິສັດທ່ອງທ່ຽວ ອິນເດຍ ເພື່ອແນໃສ່ຊຸກຍູ້ໂຄສະນາການທ່ອງທ່ຽວຂອງແຂວງ ກໍ່ຄືຊຸກຍູ້ບັນດານັກທ່ອງທ່ຽວ ອິນເດຍ ມາທ່ອງທ່ຽວທີ່ແຂວງ ກອນຕູມ.
 |
| ທ່ານຮອງປະທານຄະນະກຳມະການປະຊາຊົນແຂວງ ຫງວຽນງອກເຊິມ ແລະ ຜູ້ຕາງໜ້າບັນດາອົງການທີ່ກ່ຽວຂ້ອງໄດ້ຮັບຕ້ອນທ່ານ Madan Mohan Sethi - ກົງສຸນໃຫຍ່ອິນເດຍ ປະຈຳນະຄອນໂຮ່ຈິມິນ - (ພາບ: ຫງວຽນຮ່ຽບ/kontum.gov.vn). |
ນອກຈາກນັ້ນ, ທ່ານກົງສຸນໃຫຍ່ ກໍ່ໄດ້ສະເໜີໃຫ້ແຂວງ ກອນຕູມ ແຕ່ງຄະນະສະແດງສິລະປະ, ນັກສິລະປິນໄປອິນເດຍ ເພື່ອແລກປ່ຽນການສະແດງ ແລະ ເຜີຍແຜ່ວັດທະນະທຳ ໂກງຈ່ຽງ ຂອງແຂວງ ກອນຕູມ. ພ້ອມກັນນັ້ນ, ກໍ່ໜູນຊ່ວຍບັນດາທ້ອງຖິ່ນໃນວຽກງານບຳລຸງສ້າງແຫຼ່ງຊັຍພະຍາກອນມະນຸດກ່ຽວກັບຄູອາຈານ ແລະ ແພດໝໍເພື່ອຍົກສູງລະດັບວິຊາສະເພາະ ແລະ ຄວາມສາມາດດ້ານວິຊາຊີບ.
ໂດຍແລກປ່ຽນທີ່ກອງປະຊຸມ, ທ່ານຮອງປະທານຄະນະກຳມະການປະຊາຊົນແຂວງ ຫງວຽນງອກເຊິມ ໃຫ້ຮູ້ວ່າ: ນີ້ແມ່ນຄັ້ງທີ 3 ທີ່ທ່ານກົງສຸນໃຫຍ່ໄດ້ມາຢ້ຽມຢາມ ແລະ ເຮັດວຽກຢູ່ແຂວງ ກອນຕູມ, ພາຍຫຼັງການຢ້ຽມຢາມແຂວງ ກອນຕູມ ໃນເດືອນມີນາ ປີ 2023. ພ້ອມກັນນັ້ນ, ພວກຂ້າພະເຈົ້າຫວັງວ່າ ການຢ້ຽມຢາມຄັ້ງນີ້ຈະປະກອບສ່ວນຮັດແໜ້ນສາຍພົວພັນມິດຕະພາບທີ່ເປັນມູນເຊື້ອ ແລະ ເປີດກາລະໂອກາດຮ່ວມມືລະຫວ່າງແຂວງ ກອນຕູມ ກັບບັນດາທ້ອງຖິ່ນ ແລະ ຄູ່ຮ່ວມມືຂອງ ອິນເດຍ ໃນໄລຍະຈະມາເຖິງ.
ຕາມທ່ານຮອງປະທານຄະນະກຳມະການປະຊາຊົນແຂວງ, ຄາດວ່າໃນປີ 2024, ຄະນະປະຕິບັດງານແຂວງ ກອນຕູມ ຈະໄປຢ້ຽມຢາມ ແລະ ເຮັດວຽກຢູ່ ອິນເດຍ, ຫວັງວ່າທ່ານກົງສຸນໃຫຍ່ ຈະເປັນຂົວຕໍ່ ແລະ ໜູນຊ່ວຍໃຫ້ຄະນະເຮັດວຽກເຊື່ອມຕໍ່ກ່ຽວກັບບັນດາອົງການທີ່ກ່ຽວຂ້ອງຂອງອິນເດຍ ເພື່ອແນໃສ່ຊຸກຍູ້ການໂຄສະນາພາບພົດ ແລະ ຄວາມສາມາດບົ່ມຊ້ອນທີ່ທີທ່າດີຂອງທ້ອງຖິ່ນ ແລະ ໃນເບື້ອງຕົ້ນ ຊຸກຍູ້ການພົວພັນກັບບັນດາທ້ອງຖິ່ນ ແລະ ບັນດາຄູ່ຮ່ວມມືຂອງອິນເດຍ ທີ່ມີເງື່ອນໄຂຄ້າຍຄືກັນໃນການຮ່ວມມືພັດທະນາ.
ດີງເລື້ອງ
