 |
ອາຊຽນ ຈະອຳນວຍຄວາມສະດວກດ້ານການຄ້າ-ການລົງທຶນ
ເຈົ້າໜ້າທີ່ເຈລະຈາການຄ້າ ຈາກ 10 ປະເທດສະມາຊິກສະມາຄົມປະຊາຊາດອາຊີຕາເວັນອອກສ່ຽງໃຕ້ (ອາຊຽນ) ຮ່ວມກັນປຶກສາຫາລື ເພື່ອອຳນວຍຄວາມສະດວກດ້ານການຄ້າ ແລະ ການລົງທຶນພາຍຫລັງຈັດກອງປະຊຸມຄະນະກຳມະການທີ່ປຶກສາຮ່ວມດ້ານການອຳນວຍຄວາມສະດວກທາງການຄ້າອາຊຽນ ຄັ້ງທີ 14 ຈັດຂຶ້ນເມື່ອບໍ່ດົນມານີ້ເພື່ອຕິດຕາມຜົນການຈັດຕັ້ງປະຕິບັດໃນໄລຍະຜ່ານມາໃນການອຳນວຍຄວາມສະດວກດ້ານການຂົນສົ່ງ, ການນຳເຂົ້າ-ສົ່ງອອກ ແລະ ການຄ້າຊາຍແດນ ໃນອາຊຽນໂດຍປະເທດສະມາຊິກຈະຕ້ອງຮ່ວມມືກັນກຳຈັດອຸປະສັກທາງການຄ້າ ແລະ ການລົງທຶນ ທາງທຸລະກິດພາຍໃນພາກພື້ນ.
ນອກນີ້ຍັງມີແນວທາງໃນການໃຊ້ມາດຕະການທີ່ບໍ່ແມ່ນພາສີເພື່ອໃຫ້ເກີດຄວາມໂປ່ງໃສ ປະຢັດເວລາ ແລະ ຫລຸດຄ່າໃຊ້ຈ່າຍ ສຳລັບທຸລະກິດພາຍໃນພາກພື້ນ ລວມທັງ ການຊ່ວຍເຫລືອ ດ້ານເຕັກນິກ ລະຫວ່າງ ປະເທດສະມາຊິກອີກດ້ວຍ.
（ແຫຼ່ງຂໍ້ມູນ： ຂປລ）
