| ການແພດທະຫານສອງປະເທດ ຫວຽດນາມ ແລະລາວ ໄດ້ສົມທົບກັນຈັດຕັ້ງການກວດພະຍາດ, ແຈກຢາຍຢາໂດຍບໍ່ເສຍຄ່າໃຫ້ປະຊາຊົນຢູ່ເຂດຊາຍແດນ | |
| ເພີ່ມທະວີການພົວພັນມິດຕະພາບ ແລະ ການຮ່ວມມືໃນຂົງເຂດເສດຖະກິດ |
ຕອນບ່າຍວັນທີ 12 ທັນວາ, ທ່ານ ໂຮ່ກີ່ມິງ ຮອງປະທານຜູ້ປະຈຳການຄະນະກຳມະການປະຊາຊົນນະຄອນດ່ານັ້ງ ໄດ້ມີຕ້ອນຮັບທ່ານນາງ ຄຳເພົາ ເອີນທະວັນ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປ ລາວ ປະຈຳ ຫວຽດນາມ ທີ່ມາຢ້ຽມຢາມ ແລະເຮັດວຽກ ທີ່ນະຄອນດ່ານັ້ງ.
ທ່ານຮອງປະທານຜູ້ປະຈຳການຄະນະກຳມະການປະຊາຊົນນະຄອນ ໂຮ່ກີ່ມິງ ໄດ້ແຈ້ງໂດຍສັງເຂບກ່ຽວກັບສະພາບເສດຖະກິດ-ສັງຄົມຂອງນະຄອນ, ຄວາມສາມາດບົ່ມຊ້ອນ ແລະການກໍານົດທິດພັດທະນານະຄອນໃນຕໍ່ໜ້າ.
 |
| ບັນຍາກາດທີ່ການເຮັດວຽກ. ພາບ: drt.danang.vn |
ກ່ຽວກັບການຮ່ວມມືກັບລາວ, ໃນຫຼາຍປີຜ່ານມາ, ນະຄອນດ່ານັ້ງ ໄດ້ ແລະພວມສືບຕໍ່ສົມທົບກັບ 5 ແຂວງພາກໃຕ້-ພາກກາງຂອງລາວ ເພື່ອຜັນຂະຫຍາຍຫຼາຍໂຄງການຮ່ວມມື, ໃນຫຼາຍຂົງເຂດ ຄື: ກໍ່ສ້າງ ແລະຍົກລະດັບບັນດາໂຮງຮຽນ, ກິດຈະການສາທາລະນະ, ບັນດາສູນສອນພາສາຫວຽດ; ມອບທຶນສຶກສາໃຫ້ນັກສຶກສາລາວທີ່ມາຮຽນຢູ່ມະຫາວິທະຍາໄລດ່ານັ້ງ; ...
ທ່ານ ໂຮ່ກີ່ມິງ ສະເໜີ 2 ຝ່າຍເປີດກ້ວາງການຮ່ວມມືດ້ານເສດຖະກິດ, ການຄ້າ, ການບໍລິການ, ການທ່ອງທ່ຽວ. ຜ່ານນັັ້ນ, ກໍ່ປະກອບສ່ວນພັດທະນາເສດຖະກິດ ແລະເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອແບບພິເສດລະຫວ່າງສອງພັກ, ສອງລັດ ແລະປະຊາຊົນສອງຊາດ ຫວຽດນາມ-ລາວ ເວົ້າລວມ.
ທ່ານເອກອັກຄະລັດຖະທູດ ນາງ ຄຳເພົາ ເອີນທະວັນ ຕີລາຄາສູງສາຍພົວພັນອັນດີງາມລະຫວ່າງນະຄອນດ່ານັ້ງ ກັບບັນດາທ້ອງຖິ່ນຂອງລາວ ອັນໄດ້ສ້າງເງື່ອນໄຂໃຫ້ບັນດາແຂວງພາກໃຕ້-ພາກກາງຂອງລາວ ພັດທະນາໃນໄລຍະຜ່ານມາ ແລະສະແດງຄວາມເຊື່ອໝັ້ນວ່າ ດ້ວຍບັນດາໝາກຜົນທີ່ບັນລຸໄດ້ນັ້ນ, ສອງປະເທດຈະສືບຕໍ່ຍາດໄດ້ໝາກຜົນອັນດີງາມຫຼາຍຢ່າງຕື່ມອີກ.
ບູນມີ
