| ເສົາຄໍ້າສໍາຄັນໃນສາຍພົວພັນ ຫວຽດນາມ - ບຣາຊິນ | |
| ພັກກອມມູນິດ ຫວຽດນາມ ແລະ ບຣາຊິນ ເພີ່ມທະວີການແລກປ່ຽນ ແລະ ແບ່ງປັນບົດຮຽນໃນບັນດາຂົງເຂດ |
ກ່າວຄຳປາໄສທີ່ກອງປະຊຸມໃນວັນທີ 7 ທັນວານີ້, ທ່ານ Jatyr Ranzolin Junior - ປະທານຫ້ອງການການຄ້າ, ອຸດສາຫະກຳ ແລະ ທ່ອງທ່ຽວ ບຣາຊິນ - ປອກຕຸຍການ ຂອງລັດ Santa Catarina ໃຫ້ຮູ້ວ່າ: ລັດ Santa Catarina ມີທ່າແຮງໃນຫຼາຍກວ່າ 10 ຂົງເຂດ ນັບແຕ່ກະສິກຳ, ວິທະຍາສາດ, ວິສະວະກຳ...ເຖິງການສຶກສາ - ບຳລຸງສ້າງ ແລະ ກໍ່ສ້າງພົນລະເຮືອນ. ລັດກໍ່ມີທ່າໄດ້ປຽບທ່າໂດຍມີທ່າເຮືອໃຫຍ່ 6 ແຫ່ງທີ່ຮັບໃຊ້ການເຄື່ອນໄຫວຂົນສົ່ງການຄ້າ.
ທ່ານ Jatyr Ranzolin Junior ຫວັງວ່າ ຜ່ານສະຖານທູດ ຫວຽດນາມ ປະຈຳ ບຣາຊິນ ຈະສາມາດເພີ່ມທະວີການຮ່ວມມືດ້ານການຄ້າລະຫວ່າງ ຫວຽດນາມ ແລະ ລັດ Santa Catarina ເວົ້າສະເພາະ ແລະ ບຣາຊິນ ເວົ້າລວມ.
ບັນດາວິສາຫະກິດທັງສອງຝ່າຍຈະເຂົ້າຮ່ວມງານວາງສະແດງແນະນຳຜະລິດຕະພັນກະສິກຳ, ອຸດສາຫະກຳ, ຫັດຖະກຳຂອງແຕ່ລະປະເທດ ເພື່ອຊອກຫາຄູ່ຮ່ວມມື ແລະ ຜະລິດຕະພັນທີ່ເໝາະສົມເພື່ອນຳເຂົ້າ ແລະ ສົ່ງອອກໄປຍັງຕະຫຼາດຂອງແຕ່ລະປະເທດ.
ທ່ານ Jatyr Ranzolin Junior ໃຫ້ຮູ້ວ່າ ຫ້ອງການການຄ້າ, ອຸດສາຫະກຳ ແລະ ການທ່ອງທ່ຽວ ບຣາຊິນ - ປອກຕຸຍການ ຈະເປັນຈຸດປະສານງານ ເພື່ອຊ່ວຍໃຫ້ທ່ານເອກອັກຄະລັດຖະທູດ ເຮັດວຽກກັບບັນດາຜູ້ວ່າການແຂວງ, ຜູ້ນຳລັດ Santa Caratina ແລະ ບັນດາວິສາຫະກິດທ້ອງຖິ່ນ ເພື່ອຮຽນຮູ້ກ່ຽວກັບທ່າແຮງບົ່ມຊ້ອນຂອງລັດ ໃນຂົງເຂດທຸລະກິດກັບຫວຽດນາມ.
ທີ່ການເຮັດວຽກກັບຄະນະກຳມະການ ອາຊຽນ ຢູ່ Brasilia ໃນວັນທີ 6 ທັນວາ, ທ່ານປະທານຄະນະກຳມະການໝູນວຽນ - ທ່ານເອກອັກຄະລັດຖະທູດ ຟີລິບປິນ Joseph Gerard B. Angeles ຢືນຢັນວ່າ ບັນດາສະມາຊິກ ອາຊຽນ ຢູ່ ບຣາຊິນ ຍາມໃດກໍ່ໜູນຊ່ວຍ ຫວຽດນາມ ໃນບັນດາການເຄື່ອນໄຫວແລກປ່ຽນຄະນະຜູ້ແທນ ແລະ ບັນດາເຫດການຂອງປະເທດ.
ກ່າວຄຳປາໄສທີ່ການພົບປະຄັ້ງນີ້, ທ່ານເອກອັກຄະລັດຖະທູດ ບຸ່ຍວັນງິ ປາດຖະໜາວ່າ ບຣາຊິນ ຈະກາຍເປັນໜຶ່ງໃນບັນດາຄູ່ຮ່ວມມືແຖວໜ້າຂອງ ຫວຽດນາມ. ພ້ອມກັນນັ້ນ, ທ່ານກໍ່ກ່າວວ່າ ຈະມານະພະຍາຍາມປະກອບສ່ວນຊຸກຍູ້ການຮ່ວມມືດ້ານການຄ້າລະຫວ່າງສອງປະເທດໃນໄລຍະຈະມາເຖິງ.
 |
ທ່ານເອກອັກຄະລັດຖະທູດ ບຸ່ຍວັນງິ ໄດ້ເຮັດວຽກກັບບໍລິສັດຂົນສົ່ງ ແລະ ພະລາທິການ Mundial Residence |
ກ່ອນໜ້ານັ້ນ, ໃນການພົບປະກັບບໍລິສັດຂົນສົ່ງ ແລະ ພະລາທິການ Mundial Residence ເມື່ອວັນທີ 1 ທັນວາ, ທ່ານເອກອັກຄະລັດຖະທູດ ບຸ່ຍວັນງິ ໃຫ້ຮູ້ວ່າ ຫວຽດນາມ ປາດຖະໜາຢາກເພີ່ມທະວີການພົວພັນມິດຕະພາບທີ່ເປັນມູນເຊື້ອອັນດີງາມກັບ ບຣາຊິນ ບໍ່ພຽງແຕ່ໃນດ້ານການເມືອງເທົ່ານັ້ນ, ຫາກຍັງໃນດ້ານເສດຖະກິດ, ການຄ້າ ແລະ ການລົງທຶນນຳອີກ. ສະຖານທູດ ຫວຽດນາມ ປະຈຳ ບຣາຊິນ ຈະສືບຕໍ່ເຊື່ອມຕໍ່ ແລະ ສ້າງເງື່ອນໄຂສະດວກໃຫ້ບັນດາວິສາຫະກິດຂອງ 2 ປະເທດລົງທຶນເຂົ້າທ້ອງຕະຫຼາດ ຫວຽດນາມ ແລະ ບຣາຊິນ ກໍ່ຄືເປີດກວ້າງການຮ່ວມມືໃນບັນດາຂົງເຂດທີ່ມີທ່າແຮງຂອງແຕ່ລະປະເທດ.
ມິງດຶກ
