| ລົງມືກໍ່ສ້າງສໍານັກງານພະແນກຍຸຕິທໍາ ແລະອົງການໄອຍະການປະຊາຊົນນະຄອນຫຼວງວຽງຈັນ | |
| ນະຄອນຫຼວງຮ່າໂນ້ຍ ແລະນະຄອນຫຼວງວຽງຈັນ ເປັນແບບຢ່າງໃນການຮ່ວມມື, ເພື່ອສົມກັບຂອບຂະໜາດຂອງການພົວພັນແບບພິເສດຫວຽດນາມ-ລາວ |
ທີ່ການພົບປະ, ທ່ານພົນເອກ ຈັນສະໝອນ ຈັນຍາລາດ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດລາວ ໄດ້ສະແດງຄວາມປິຕິຊົມຊື່ນເມື່ອໄດ້ຕ້ອນຮັບບັນດາຄູອາຈານມາຢ້ຽມຢາມນະຄອນຫຼວງວຽງຈັນ. ສະຫາຍ ໄດ້ແບ່ງປັນຄວາມຊົງຈຳທີ່ບໍ່ອາດລືມໃນໄລຍະຢູ່ ຫວຽດນາມ ຄາວນັ້ນ, ເມື່ອຮຽນຢູ່ ເຟືອງທິງ (ຕາມໂນງ), ວັນເວລາທີ່ຫຍຸ້ງຍາກ, ລຳບາກ ແຕ່ເຕັມໄປດ້ວຍຄວາມອົບອຸ່ນລະຫວ່າງຄູອາຈານ ແລະ ນັກຮຽນ. ໃນບັນຍາກາດການພົບປະ, ບັນດາສະຫຍາຍການນຳກະຊວງປ້ອງກັນປະເທດທີ່ເປັນອະດີດນັກຮຽນສາກົນທີ່ຮ່ຳຮຽນຢູ່ຫວຽດນາມ ໄດ້ສະແດງຄວາມລະນຶກເຖິງ ແລະ ຄວາມຂອບອົກຂອບໃຈຕໍ່ພັກ, ລັດ ແລະ ປະຊາຊົນ ຫວຽດນາມ ໂດຍສະເພາະບັນດາຄູອາຈານຂອງໂຮງຮຽນມິດຕະພາບ T78 ທີ່ໃຫ້ຄວາມຮັກແພງ ແລະ ຊ່ວຍເຫຼືອຫຼາຍຢ່າງໃຫ້ແກ່ນັກສຶກສາຕ່າງປະເທດລາວ.
ຄະນະຄູອາຈານຂອງໂຮງຮຽນ ມິດຕະພາບ T78 ໄດ້ຮັບການຕ້ອນຮັບຢ່າງຢ່າງສົມກຽດຈາກ ທ່ານ ສະຫາຍ ຈັນສະໝອນ ຈັນຍາລາດ.ບັນດາການຮ້ອງເພງ, ຟ້ອນລຳວົງ, ການຈັບມືທີ່ອົບອຸ່ນ ແລະ ມີຄວາມໝາຍເຮັດໃຫ້ການພົບປະເຕັມໄປດ້ວຍຄວາມຮັກແພງລະຫວ່າງນັກສຶກສາຕ່າງປະເທດ ແລະ ຄູອາຈານ.
 |
| ງານພົບປະມິດຕະພາບທີ່ອົບອຸ່ນ ຢູ່ນະຄອນຫຼວງວຽງຈັນ - ສປປ ລາວ |
ເນື່ອງໃນໂອກາດຕ້ອນຮັບບັນດາຄູອາຈານທີ່ນະຄອນຫຼວງວຽງຈັນ, ສະຫາຍ ຈະເລີນ ເຢຍປາວເຮີ ໄດ້ສະແດງຄວາມຂອບອົກຂອບໃຈຕໍ່ບັນດາຄູອາຈານຂອງໂຮງຮຽນມິດຕະພາບ T78 ທີ່ບໍ່ຢ້ານກົວຕໍ່ຄວາມຫຍຸ້ງຍາກລຳບາກ, ແບ່ງປັນອາຫານການຊ່ວຍເຫຼືອນັກຮຽນລາວຫຼາຍລຸ້ນຄົນທີ່ມາຮຽນຢູ່ຫວຽດນາມ. ສຳລັບຄອບຄົວຂອງສະຫາຍ, ຄວາມຜູກພັນກໍ່ຍິ່ງພິເສດໄປກວ່ານັ້ນ, ມາຮອດປັດຈຸບັນໄດ້ມີລູກ ແລະ ຫລານ 20 ຄົນຮຽນຢູ່ໂຮງຮຽນມິດຕະພາບ T78. ພ້ອມທັງຢືນຢັນວ່າ: ໃນສະພາບການປະຈຸບັນ, ການສຶກສາແມ່ນພື້ນຖານອັນສຳຄັນ ປະກອບສ່ວນເຜີຍແຜ່, ໂຄສະນາໃຫ້ລຸ້ນໜຸ່ມກ່ຽວກັບການພົວພັນແບບພິເສດ ຫວຽດນາມ - ລາວ. ທ່ານເຊື່ອໝັ້ນວ່າ ໂຮງຮຽນມິດຕະພາບ T78 ໄດ້ ແລະ ຈະສືບຕໍ່ເຮັດວຽກງານທີ່ສູງສົ່ງນັ້ນໃຫ້ເປັນຢ່າງດີ.
ກອງປະຊຸມໄດ້ດຳເນີນໄປໃນເວລາສັ້ນ, ແຕ່ເຕັມໄປດ້ວຍຄວາມສຸກ, ຄວາມຕື້ນຕັນໃຈ ແລະ ຄວາມຄິດເຖິງ. ການຮ້ອງເພງ, ສຽງແຄນ, ສຽງຕົບມືທີ່ສາມັກຄີ ໄດ້ລົບຊ່ອງຫວ່າງ, ພາສາ, ສະຖານະ... ມີພຽງແຕ່ຄວາມອົບອຸ່ນ, ລຽບງ່າຍ, ແຕ່ມີຄວາມສັກສິດ ແລະ ເຊື່ອມໂຍງ.
ບັນດາຈຸດເວລາພົບປະດັ່ງກ່າວໄດ້ພິສູດໃຫ້ເຫັນວ່າ ໃນໃຈຂອງທຸກຄົນບໍ່ວ່າຫວຽດນາມ ຫລື ລາວ, ຍາມໃດກໍຈົດຈຳ ແລະ ຕີລາຄາສູງສາຍພົວພັນມິດຕະພາບທີ່ເປັນມູນເຊື້ອອັນພິເສດລະຫວ່າງລາວ-ຫວຽດນາມ ເຊິ່ງແມ່ນສາຍພົວພັນ "ເຂົ້າຫັກເມັດ, ຜັກເສັ້ນໜຶ່ງກໍ່ແບ່ງກັນກິນ".
ສຽງດັງຂອງການພົບປະທີ່ອົບອຸ່ນໄປດ້ວຍມິດຕະພາບ ເມື່ອມານະຄອນຫຼວງວຽງຈັນ ເຮັດໃຫ້ຄູອາຈານແຕ່ລະຄົນໃນຄະນະ ເຕັມໄປດ້ວຍຕື້ນຕັນໃຈ ແລະ ເອກອ້າງທະນົງໃຈ. ສິ່ງນັ້ນໄດ້ສ້າງຄວາມໄວ້ເນື້ອເຊື່ອໃຈ ແລະ ລະດົມກຳລັງໃຈໃຫ້ພະນັກງານ ແລະ ຄູອາຈານຂອງໂຮງຮຽນມິດຕະພາບ T78 ແຕ່ລະຄົນ ຕື່ມອີກ ເພື່ອສືບຕໍ່ມານະພະຍາຍາມປະກອບສ່ວນເຂົ້າໃນພາລະກຳປະຫວັດສາດອັນສູງສົ່ງ, ສືບທອດ ແລະ ເສີມຂະຫຍາຍສາຍພົວພັນມິດຕະພາບທີ່ເປັນມູນເຊື້ອແບບພິເສດ ຫວຽດນາມ - ລາວ ໃຫ້ຂຽວສົດງົດງາມ, ໝັ້ນຄົງທະນົງແກ່ນຊົ່ວກາລະນານ.
ຄຳຮຸ່ງ
