| ລະດູບານໃໝ່ແຫ່ງບ້ານເກີດເມືອງນອນ ທີ່ອົບອຸ່ນບົນດິນແດນ ກາຊັກສະຖານ | |
| ທ່ານນາຍົກລັດຖະມົນຕີ ຟ້າມມິງຈິງ ຕ້ອນຮັບປະທານສະມາຄົມມິດຕະພາບ ລາວ - ຫວຽດນາມ |
 |
| ທ່ານ ຫງວຽນງອກທິນ ປະທານສະມາຄົມຊາວຫວຽດນາມ ອາໄສຢູ່ ໄທ |
ປະຊາຄົມຊາວຫວຽດນາມ ອາໄສຢູ່ອີສານ ໄທ ຕ້ອນຮັບລະດູບານໃໝ່ແຫ່ງບ້ານເກີດເມືອງນອນ
ວັນທີ 29 ມັງກອນ, ທ່າມກາງບັນຍາກາດອັນປິຕິຊົມຊື່ນ ຕ້ອນຮັບລະດູບານໃໝ່ປີແມວ, ສະຖານກົງສູນໃຫຍ່ ຫວຽດນາມ ປະຈຳ ຂອນແກ່ນ (ໄທ) ໄດ້ຈັດຕັ້ງລະດູບານໃໝ່ແຫ່ງບ້ານເກີດເມືອງນອນ ປີ 2023
ເຂົ້າຮ່ວມລາຍການມີທ່ານ ຈຸດຶກຢຸງ ຫົວໜ້າສະຖານກົງສູນໃຫຍ່ ຫວຽດນາມ ປະຈຳຂອນແກ່ນ, ທ່ານ Phanthep Saokosol ຮອງເຈົ້າແຂວງ ຂອນແກ່ນ, ທ່ານ ຫງວຽນງອກທິ່ນ ປະທານສະມາຄົມໃຫຍ່ ຊາວຫວຽດນາມ ອາໄສຢູ່ ໄທ, ຜູ້ຕາງໜ້າບັນດາສະມາຄົມຊາວຫວຽດນາມ, ຄະນະ, ຂະແໜງການຂອງອຳນາດການປົກຄອງແຂວງ, ທູຕານຸທູດ ພ້ອມກັບພໍ່ແມ່ພີ່ນ້ອງຊາວຫວຽດນາມ ທີ່ພວມດຳລົງຊີວິດ ແລະ ເຮັດວຽກຢູ່ເຂດອີສານ ໄທ ແລະ ເພື່ອນມິດສາກົນ.
ກ່າວຄຳເຫັນທີ່ເຫດການ, ທ່ານ ຈຸດຶກຢຸງ ຫົວໜ້າສະຖານກົງສູນໃຫຍ່ ໄດ້ສົ່ງຄຳອວຍພອນບັນດາຜູ້ແທນທີ່ເຂົ້າຮ່ວມລາຍການ ແລະ ພໍ່ແມ່ພີ່ນ້ອງເນື່ອງໃນໂອກາດປີໃໝ່ປີແມວ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ປະສົບຜົນສຳເລັດ. ຫົວໜ້າສະຖານກົງສູນໃຫຍ່ ໄດ້ຕີລາຄາສູງບົດບາດ ແລະ ການປະກອບສ່ວນຂອງພໍ່ແມ່ພີ່ນ້ອງຊາວຫວຽດນາມ ຕໍ່ປະເທດຊາດ, ຢັ້ງຢືນວ່າ ພໍ່ແມ່ປະຊາຊົນຊາວຫວຽດນາມອາໄສຢູ່ຕ່າງປະເທດ ໄດ້ ແລະ ພວມປະກອບສ່ວນເຂົ້າໃນການຮັກສາສີສັນວັດທະນະທຳ, ໂຄສະນາບັນດາພາບພົດ, ຄຸນຄ່າທາງດ້ານວັດທະນະທຳ ຫວຽດນາມ ຢູ່ ໄທ ຜ່ານບັນດາການເຄື່ອນໄຫວພົບປະແລກປ່ຽນທາງການຄ້າ, ການລົງທຶນ, ວັດທະນະທຳ. ໂດຍຕາງໜ້າພັກ ແລະ ລັດ, ທ່ານ ຢຸງ ໄດ້ສະແດງຮູ້ບຸນຄຸນຢ່າງສຸດໃຈຕໍ່ການປະກອບສ່ວນຢ່າງຕັ້ງໜ້າຂອງພໍ່ແມ່ປະຊາຊົນຊາວຫວຽດນາມ ອາໄສຢູ່ຕ່າງປະເທດ ຕໍ່ກັບບ້ານເກີດເມືອງນອນປະເທດຊາດ ແລະ ອົງການຜູ້ຕາງໜ້າ.
ທ່ານ ຈຸດຶກຢຸງ ຫົວໜ້າສະຖານກົງສູນໃຫຍ່ ເນັ້ນໜັກວ່າ: ເພື່ອບັນລຸໄດ້ໝາກຜົນດັ່ງກ່າວ ຕ້ອງມີການໜູນຊ່ວຍ ແລະ ປະກອບສ່ວນອັນລ້ຳຄ່າຂອງປະຊາຄົມຊາວຫວຽດນາມ ອາໄສຢູ່ຕ່າງປະເທດ ນັບທັງພູມປັນຍາ, ວັດຖຸ ແລະ ຈິດໃຈ. ສະຖານກົງສູນໃຫຍ່ຍາມໃດກໍ່ຕີລາຄາສູງບົດບາດ ແລະ ການປະກອບສ່ວນຂອງພໍ່ແມ່ປະຊາຊົນຕໍ່ປະເທດຊາດ. ຜ່ານບັນດາການເຄື່ອນໄຫວພົບປະແລກປ່ຽນວັດທະນະທຳ, ສາສະໜາ, ພໍ່ແມ່ພີ່ນ້ອງຊາວຫວຽດນາມ ອາໄສຢູ່ຕ່າງປະເທດ ໄດ້ ແລະ ພວມປະກອບສ່ວນເຂົ້າໃນການຮັກສາສີສັນ, ໂຄສະນາບັນດາພາບພົດ, ຄຸນຄ່າທາງດ້ານວັດນະທະນຳ ຫວຽດນາມ ຢູ່ໄທ.
ທ່ານ ຢຸງ ກໍ່ຢັ້ງຢືນວ່າ ປະຊາຄົມຊາວຫວຽດນາມ ອາໄສຢູ່ຕ່າງປະເທດ ແມ່ນເລືອດເນື້ອ, ແມ່ນສ່ວນໜຶ່ງທີ່ບໍ່ສາມາດຕັດແຍກອອກໄດ້ ແລະ ແມ່ນແຫຼ່ງກຳລັງສຳຄັນຂອງການພັດທະນາປະເທດຊາດ. ຈິດໃຈຮັກຊາດ, ມຸ່ງໄປເຖິງກົກເຄົ້າເຫງົ້າກໍ, ຄວາມເອກອ້າງທະນົງໃຈແຫ່ງຊາດຂອງພໍ່ແມ່ພີ່ນ້ອງຊາວຫວຽດນາມ ອາໄສຢູ່ໄທ ແມ່ນສູງທີ່ສຸດ, ຄວາມສາມາດບົ່ມຊ້ອນຂອງຊາວຫວຽດນາມພວກເຮົາແມ່ນໃຫຍ່ຫຼວງທີ່ສຸດ. ທ່ານເວົ້າວ່າ: “ດ້ວຍຄວາມມຸ່ງຫວັງຢາກປະກອບເຫື່ອແຮງສ້າງສາບ້ານເກີດເມືອງນອນ, ຊາວຫວຽດນາມ ອາໄສຢູ່ໄທ ຈະສືບຕໍ່ເສີມຂະຫຍາຍປັນຍາຊົນ, ປະກອບສ່ວນສ້າງສາສອງປະເທດ ໄທ ແລະ ຫວຽດນາມ ໃຫ້ນັບມື້ນັບຮັ່ງມີເຂັ້ມແຂງ, ນຳການພົວພັນຮ່ວມມື ຫວຽດນາມ - ໄທ ກ້າວເຂົ້າສູ່ໄລຍະພັດທະນາໃໝ່ໃນທຸກຂົງເຂດຢ່າງມີປະສິດທິຜົນ ແລະ ແທດຈິງກ່ວາອີກ”.
ເຂົ້າຮ່ວມລາຍການ, ທ່ານ Phanthep Saokosol ຮອງເຈົ້າແຂວງ ຂອນແກ່ນ ສະແດງຄວາມປິຕິຊົມຊື່ນ ຢັ້ງຢືນ ຫວຽດນາມ ແລະ ໄທ ມີການພົວພັນທີ່ນັບມື້ນັບດີງາມ, ຍາມໃດກໍ່ສະໜັບສະໜູນເຊິ່ງກັນແລະກັນ ແລະ ຮ່ວມມືກັນຢ່າງແໜ້ນແຟ້ນ ຢູ່ເວທີປາໄສພາກພື້ນ ແລະ ສາກົນ, ພິເສດຊຸກຍູ້ການພົວພັນຮ່ວມມືລະຫວ່າງບັນດາທ້ອງຖິ່ນຂອງສອງປະເທດໃນທຸກຂົງເຂດຢ່າງແຮງ. ທ່ານເນັ້ນໜັກວ່າ ໄທ ແລະ ຫວຽດນາມ ມີການພົວພັນອັນດີງາມ, ພິເສດແມ່ນແຂວງ ຂອນແກ່ນ ແລະ ນະຄອນດ່ານັ້ງ ພວມຢູ່ໃນວິວັດການກໍ່ສ້າງການພົວພັນແຮກສ່ຽວເຊິ່ງກັນ ແລະ ກັນເພື່ອເພີ່ມທະວີ ແລະ ປັບປຸງການພົວພັນ, ມຸ່ງໄປເຖິງການພັດທະນາຮ່ວມມືໃນຫຼາຍຂົງເຂດເສດຖະກິດ, ການຄ້າ, ການລົງທຶນ ແລະ ການທ່ອງທ່ຽວ, ວັດທະນະທຳ ແລະ ສິລະປະ.
ບຸນຄົງ
