| ມອບທຶນການສຶກສາ 41 ທຶນ ໄປຮຽນຕໍ່ຢູ່ ອາເມລິກາ ໃຫ້ແກ່ນັກຮຽນມັດທະຍົມຕອນປາຍ ແຂວງ ກຽນຢາງ | |
| Lawrence S. Ting ມອບທຶນການສຶກສາ ຈຳນວນ 8,5 ຕື້ດົ່ງ ໃຫ້ແກ່ນັກຮຽນ, ນັກສຶກສາ |
ໃນຂອບເຂດການພົບປະແລກປ່ຽນມິດຕະພາບປ້ອງກັນຊາດຊາຍແດນ ຫວຽດນາມ - ລາວ - ກໍາປູເຈຍ ຄັ້ງທີ 1, ຕອນເຊົ້າວັນທີ 6 ທັນວາ, ຢູ່ຕາແສງ ເປີ່ອີ, ເມືອງ ງອກໂຮ່ຍ, ແຂວງ ກອນຕູມ, ໄດ້ດຳເນີນລາຍການມອບທຶນການສຶກສາ “ສົ່ງເສີມນ້ອງນັກຮຽນໄປໂຮງຮຽນ” ແລະມອບງົວພັນໃຫ້ປະຊາຊົນຢູ່ເຂດຊາຍແດນຫວຽດນາມ - ລາວ. ກ່ອນໜ້ານັ້ນ, ການເຄື່ອນໄຫວທີ່ຄ້າຍຄືກັນກໍ່ໄດ້ດຳເນີນຢູ່ເຂດຊາຍແດນ ຫວຽດນາມ - ກໍາປູເຈຍ.
 |
| ນັກຮຽນທີ່ໄດ້ຮັບທຶນການສຶກສາ “ສົ່ງເສີມນ້ອງນັກຮຽນໄປໂຮງຮຽນ”. ພາບ: qdnd.vn |
ທີ່ພິທີມອບ-ຮັບ, ກອງບັນຊາການທະຫານຊາຍແດນຫວຽດນາມ ໄດ້ມອບທຶນການສຶກສາ 100 ທຶນໃຫ້ນັກຮຽນ 100 ຄົນ, ໃນນັ້ນມີນັກຮຽນຫວຽດນາມ 50 ຄົນ, ນັກຮຽນລາວ 50 ຄົນ, ມອບງົວພັນ 20 ໂຕໃຫ້ບັນດາຄອບຄົວທີ່ປະສົບກັບຄວາມຫຍຸ້ງຍາກຢູ່ສອງຟາກຊາຍແດນຫວຽດນາມ-ລາວ, ໃນນັ້ນມີງົວພັນ 10 ໂຕ ໄດ້ມອບໃຫ້ 10 ຄອບຄົວຢູ່ບໍລິເວນຕາແສງ ເປີ່ອີ, ເມືອງງອກໂຮ່ຍ, ແຂວງກອນຕູມ, ຫວຽດນາມ ແລະງົວພັນອີກ 10 ໂຕ ໄດ້ມອບໃຫ້ບັນດາຄອບຄົວຢູ່ເຂດບ້ານພູເກືອ, ເມືອງພູວົງ, ແຂວງອັດຕະປື, ລາວ.
 |
| ທ່ານພັນເອກພິເສດ ຫງວຽນກວກເກື່ອງ, ຮອງຫົວໜ້າການເມືອງທະຫານຊາຍແດນຫວຽດນາມ ມອບງົວພັນໃຫ້ປະຊາຊົນ. ພາບ: qdnd.vn |
ກ່າວຄຳເຫັນນະທີ່ນີ້, ທ່ານພັນເອກພິເສດ ເລມິງຈິ້ງ, ຫົວໜ້າການເມືອງກອງບັນຊາການທະຫານຊາຍແດນແຂວງ ກອນຕູມ ໃຫ້ຮູ້ວ່າ ການເຄື່ອນໄຫວທີ່ມີຄວາມໝາຍນີ້ໄດ້ປະກອບສ່ວນໜູນຊ່ວຍນັກຮຽນບືນຕົວຂຶ້ນໃນການຮ່ຳຮຽນ ແລະຊ່ວຍເຫຼືອບັນດາຄອບຄົວທີ່ປະສົບຄວາມຫຍຸ້ງຍາກຢູ່ສອງຟາກຊາຍແດນໃນການຜະລິດ, ເພີ່ມລາຍຮັບ, ເຮັດໃຫ້ຊີວິດການເປັນຢູ່ມີສະຖຽນລະພາບ. ພ້ອມດຽວກັນນີ້ ການເຄື່ອນໄຫວດັ່ງກ່າວກໍ່ໄດ້ປະກອບສ່ວນຍົກສູງຄວາມຮັບຮູ້, ຄວາມຮັບຜິດຊອບຂອງປະຊາຊົນຢູ່ສອງຟາກຊາຍແດນກ່ຽວກັບເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນຂອງແຕ່ລະປະເທດ, ຄວາມຮັບຜິດຊອບ, ໜ້າທີ່ກໍ່ສ້າງ ແລະປົກປັກຮັກສາບັນດາເຂດຊາຍແດນ; ສ້າງນໍ້າໃຈສາມັກຄີ, ໄມຕີຈິດມິດຕະພາບທີ່ເປັນມູນເຊື້ອ, ຍືນຍົງອັນຍາວນານຂອງປະຊາຊົນສອງຟາກຊາຍແດນ, ປະກອບສ່ວນກໍ່ສ້າງເສັ້ນຊາຍແດນແຫ່ງສັນຕິພາບ, ມິດຕະພາບ, ການຮ່ວມມື ແລະພັດທະນາ.
ບູນມີ
