ທີ່ການພົບປະ, ທ່ານເອກອັກຄະລັດຖະທູດ ຫງວຽນເຕິດແທ່ງ ໄດ້ຊົມເຊີຍບັນດາຜົນງານອັນໃຫຍ່ຫຼວງທີ່ພັກ, ລັດ ແລະ ປະຊາຊົນ ລາວ ອ້າຍນ້ອງ ບັນລຸໄດ້ໃນຊຸມປີຜ່ານມາ; ເນັ້ນໜັກເຖິງຄວາມໝາຍຂອງການພົວພັນທີ່ເປັນມູນເຊື້ອ, ການຮ່ວມມືຮອບດ້ານ, ຄວາມສາມັກຄີແບບພິເສດ ແລະ ມິດຕະພາບອັນຍິ່ງໃຫຍ່ລະຫວ່າງສອງປະເທດ; ຢືນຢັນວ່າ ສັນຕິພາບ, ສະຖຽນລະພາບ ແລະ ຄວາມຈະເລີນຮຸ່ງເຮືອງຂອງ ລາວ ມີບົດບາດສຳຄັນໃນການພັດທະນາຂອງຫວຽດນາມ.
 |
ຄະນະຜູ້ແທນສະຖານທູດຫວຽດນາມ ປະຈຳ ອົດສະຕາລີ ໂດຍທ່ານເອກອັກຄະລັດຖະທູດ ຫງວຽນເຕິດແທ່ງ ນຳໜ້າ ມາສະແດງຄວາມຊົມເຊີຍວັນຊາດ ສປປ ລາວ. |
ທ່ານເອກອັກຄະລັດຖະທູດ ໄດ້ສະເໜີໃຫ້ສອງສະຖານທູດ, ຕາມການແນະນຳຂອງກະຊວງການຕ່າງປະເທດຂອງສອງປະເທດ, ສືບຕໍ່ເສີມຂະຫຍາຍບັນດາມູນເຊື້ອທີ່ດີຂອງການຮ່ວມມືໂດຍຜ່ານບັນດາການເຄື່ອນໄຫວແລກປ່ຽນ ແລະ ການຮ່ວມມືທັງໃນດ້ານຫຼາຍຝ່າຍ ແລະ 2 ຝ່າຍ.
ສ່ວນທ່ານອຸປະທູດ ນາງ ກັນຍາ ຄຳມົງຄຸນ ໄດ້ຫວນຄືນມູນເຊື້ອປະຫວັດສາດວິລະຊົນຂອງສອງປະເທດໃນສົງຄາມຕໍ່ສູ້ຍາດເອົາເອກະລາດແຫ່ງຊາດ, ໄດ້ສະແດງຄວາມປິຕິຊົມຊື່ນຕໍ່ນ້ຳໃຈສາມັກຄີແບບພິເສດ ແລະ ມິດຕະພາບທີ່ເປັນມູນເຊື້ອອັນດີງາມລະຫວ່າງສອງປະເທດ ທີ່ນັບມື້ນັບແໜ້ນແຟ້ນ, ເລິກເຊິ່ງ ແລະ ມີປະສິດທິຜົນ. ທ່ານອຸປະທູດ ເຊື່ອໝັ້ນວ່າ 2 ອົງການຈະສືບຕໍ່ເພີ່ມທະວີການພົວພັນຮ່ວມມື ແລະ ສະໜັບສະໜູນເຊິ່ງກັນ ແລະ ກັນ, ຊ່ວຍຮັດແໜ້ນສາຍພົວພັນອັນດີງາມລະຫວ່າງ 2 ກະຊວງການຕ່າງປະເທດ, ປະກອບສ່ວນຊຸກຍູ້ການພົວພັນຮ່ວມມືຂອງແຕ່ລະປະເທດກັບ ອົດສະຕາລີ.
ໃນບັນຍາກາດອັນອົບອຸ່ນ, ສະໜິດສະໜົມ, ບັນດາເຈົ້າໜ້າທີ່ຂອງສະຖານທູດສອງປະເທດໄດ້ແບ່ງປັນ ແລະ ຫວນຄືນມູນເຊື້ອ, ຮີດຄອງປະເພນີທີ່ສະໜິດສະໜົມ ແລະ ຄວາມສາມັກຄີແບບພິເສດຄືອ້າຍນ້ອງຂອງລຸ້ນກ່ອນໃນຕະຫຼອດໄລຍະປະຫວັດສາດແຫ່ງການປົກປັກຮັກສາ ແລະ ສ້າງສາປະເທດ.
ມິງດຶກ
