| ຊຸກຍູ້ການພົວພັນຮ່ວມມືທີ່ແທດຈິງລະຫວ່າງ ຫວຽດນາມ ກັບສະຫະປະຊາຊາດ, ອາເມລິກາ ແລະບຣາຊິນ | |
| ອາເມລິກາ ປາດຖະໜາຢາກພັດທະນາການພົວພັນຄູຮ່ວມມືຮອບດ້ານ ຫວຽດນາມ - ອາເມລິກາ ໃຫ້ເຂົ້າສູ່ລວງເລິກ |
ວັນທີ 26 ພະຈິກ, ທ່ານເອກອັກຄະລັດຖະທູດ ດັ້ງຮວ່າງຢາງ, ຫົວໜ້າຜູ້ປະຈຳການຕາງໜ້າຫວຽດນາມ ປະຈໍາ ສະຫະປະຊາຊາດ ໄດ້ໄປຢ້ຽມຢາມ ແລະ ມອບຂອງຂວັນໃຫ້ນັກປັນຍາຊົນ ຫວຽດນາມ ດີເດັ່ນຈໍານວນໜຶ່ງຢູ່ລັດ Connecticut ເນື່ອງໃນໂອກາດບຸນຄຣິດສະມາດ 2023, ປີໃໝ່ 2024 ແລະ ບຸນປີໃໝ່ຫວຽດນາມ.
 |
ທ່ານເອກອັກຄະລັດຖະທູດ ດັ້ງຮວ່າງຢາງ ໄດ້ໄປຢ້ຽມຢາມນັກປັນຍາຊົນ ຫວຽດນາມ ດີເດັ່ນຢູ່ Connecticut. |
ໃນບັນຍາກາດທີ່ສະໜິດສະໜົມ ແລະ ເປີດອົກເປີດໃຈ, ທ່ານເອກອັກຄະລັດຖະທູດ ດັ້ງຮວ່າງຢາງ ໄດ້ຊົມເຊີຍບັນດາການປະກອບສ່ວນອັນມີຄວາມໝາຍ ແລະ ແທດຈິງຂອງຊາວ ຫວຽດນາມ ອາໄສຢູ່ຕ່າງປະເທດໃນການເພີ່ມທະວີການຮ່ວມມືດ້ານເສດຖະກິດ, ວິທະຍາສາດ ແລະ ການສຶກສາ ລະຫວ່າງ ຫວຽດນາມ ແລະ ອາເມລິກາ ໃນໄລຍະຜ່ານມາ; ເນັ້ນໜັກວ່າ ພັກ ແລະ ລັດ ຍາມໃດກໍ່ເອົາໃຈໃສ່ ແລະ ຖືປະຊາຄົມຊາວຫວຽດນາມ ຢູ່ຕ່າງປະເທດເວົ້າລວມ ແລະ ບັນດາພີ່ນ້ອງຮ່ວມຊາດຢູ່ ອາເມລິກາ ເວົ້າສະເພາະ ແມ່ນພາກສ່ວນໜຶ່ງບໍ່ສາມາດຕັດແຍກ ແລະ ເປັນແຫຼ່ງຊັບພະຍາກອນສຳຄັນທີ່ສຸດໃຫ້ແກ່ການພັດທະນາໃນທຸກດ້ານຂອງປະເທດ.
ທ່ານເອກອັກຄະລັດຖະທູດຫວັງວ່າ ບັນດາອາຈານ, ທ່ານໝໍ, ທະນາຍຄວາມ, ວິສະວະກອນ... ຈະມີບົດບາດແກ່ນສານ, ເຕົ້າໂຮມບັນດາປັນຍາຊົນ ຫວຽດນາມ ຢູ່ເຂດນີ້ຢ່າງກວ້າງຂວາງ, ປະກອບສ່ວນກໍ່ສ້າງປະຊາຄົມຊາວ ຫວຽດນາມ ໃນທົ່ວປະເທດ ຍາມໃດກໍ່ມຸ່ງໄປເຖິງບ້ານເກີດເມືອງນອນ, ນັບມື້ນັບເປັນເອກະພາບ ແລະ ເຕີບໃຫຍ່ເຂັ້ມແຂງຂຶ້ນ, ສົມກັບຂອບຂະໜາດ ແລະ ຖານະຕຳແໜ່ງຂອງຊາວ ຫວຽດນາມ ຢູ່ ອາເມລິກາ.
ທ່ານເອກອັກຄະລັດຖະທູດ ຍັງຢືນຢັນວ່າ ຍາມໃດຄະນະຜູ້ແທນກໍ່ຈະພ້ອມກັບບັນດານັກປັນຍາຊົນຫວຽດນາມ ຢູ່ລັດ Connecticut ສືບຕໍ່ປະກອບສ່ວນເຂົ້າໃນຜົນປະໂຫຍດລວມຂອງປະເທດຊາດ ກໍ່ຄືພັດທະນາການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ອາເມລິກາ.
ກ່າວຄຳປາໄສຕາງໜ້າໃຫ້ບັນດານັກປັນຍາຊົນ ຫວຽດນາມ ເຂົ້າຮ່ວມກອງປະຊຸມ, ທ່ານ ເຈີ່ນຖັງ, ປະທານສະຖາບັນວັດທະນະທຳ ແລະ ການສຶກສາ ຫວຽດນາມ ປະຈຳ ອາເມລິກາ ໄດ້ຂອບອົກຂອບໃຈຄະນະຜູ້ແທນ ຫວຽດນາມ ປະຈຳ ສປຊ ແລະ ສ່ວນບຸກຄົນທ່ານເອກອັກຄະລັດຖະທູດ ດັ້ງຮວ່າງຢ່າງ ຕະຫຼອດເຖິງປະຊາຄົມປັນຍາຊົນ ຫວຽດນາມ ຢູ່ນະຄອນ ນີວຢອກ ແລະ ລັດ Connecticut.
ທ່ານປະທານສະຖາບັນວັດທະນະທຳ ແລະ ການສຶກສາ ຫວຽດນາມ ປະຈຳ ອາເມລິກາ ສະແດງຄວາມຊົມເຊີຍຕໍ່ບັນດາຜົນງານພັດທະນາເສດຖະກິດ - ສັງຄົມ ກໍຄືການຕ່າງປະເທດຂອງປະເທດໃນໄລຍະຜ່ານມາ, ໃນນັ້ນ ມີການເພີ່ມທະວີການພົວພັນ ຫວຽດນາມ - ອາເມລິກາ ໃຫ້ຂຶ້ນສູ່ລະດັບສູງໃໝ່.
ບັນດາຜູ້ຕາງໜ້າປະຊາຄົມຢືນຢັນຈະສືບຕໍ່ປະກອບສ່ວນສະຕິປັນຍາ ແລະ ຄວາມມານະພະຍາຍາມເຂົ້າໃນບັນດາການເຄື່ອນໄຫວ ແລະ ບັນດາໂຄງການຊຸກຍູ້ການຮ່ວມມືລະຫວ່າງ 2 ປະເທດ ແລະ ດຶງດູດການລົງທຶນ, ແຫຼ່ງຊັບພະຍາກອນເຂົ້າໃນບັນດາຂົງເຂດສຳຄັນເພື່ອພັດທະນາຂອງປະເທດຊາດໃນໄລຍະໃໝ່.
ມິງດຶກ
