| ສັບປະດາວັດທະນະທໍາ-ການທ່ອງທ່ຽວເຂດຕາເວັນຕົກສຽງເໜືອ ແລະນະຄອນໂຮ່ຈີມິນ ຢູ່ລາວ | |
| ຕໍ່ການຜັນແປທີ່ສັບສົນຂອງພະຍາດໂຄວິດ-19 ຢູ່ລາວ, ສ້າງເງື່ອນໄຂໃຫ້ແກ່ພົນລະເມືອງຫວຽດນາມ ຢູ່ລາວ ມີຄວາມຕ້ອງການຢາກກັບປະເທດ |
ຕອນເຊົ້າວັນທີ 20 ພະຈິກ, ໂຮງຮຽນສອງພາສາ ລາວ - ຫວຽດນາມ ຫງວຽນຢູ ໄດ້ຈັດງານໂຮມຊຸມນຸມສະເຫຼີມສະຫຼອງ 41 ປີແຫ່ງວັນຄູຫວຽດນາມ (20 ພະຈິກ 1982 - 20 ພະຈິກ 2023).
ເຂົ້າຮ່ວມພິທີສະເຫຼີມສະຫຼອງ ມີຜູ້ຕາງໜ້າສະຖານທູດຫວຽດນາມ ປະຈໍາ ສປປ ລາວ, ຜູ້ຕາງໜ້າປະຊາຄົມຊາວຫວຽດນາມ ອາໄສຢູ່ນະຄອນຫຼວງວຽງຈັນ, ພໍ່ແມ່ນັກຮຽນ ພ້ອມດ້ວຍຄູອາຈານ ແລະບັນດານ້ອງນັກຮຽນ.
ກ່າວຄໍາເຫັນທີ່ພິທີ, ທ່ານນາງ ສີວັນເຮືອງ ເພັງຄໍາໄມ ຜູ້ອຳນວຍການໂຮງຮຽນ ສອງພາສາ ລາວ - ຫວຽດນາມ ຫງວຽນຢູ ໃຫ້ຮູ້ວ່າ ທາງໂຮງຮຽນ ບໍ່ພຽງແຕ່ສອນໃຫ້ພວກນ້ອງນັກຮຽນ ທີ່ເປັນລູກຫຼານຊາວຫວຽດນາມ ແລະຊາວລາວ ກ່ຽວກັບຄວາມຮູ້ເທົ່ານັ້ນ ຫາກຍັງສຶກສາກ່ຽວກັບວັດທະນະທໍາທີ່ດີງາມຂອງຊາດຫວຽດນາມ ແລະພິເສດກວ່າແມ່ນສຶກສາໃຫ້ຄົນຮຸ່ນໜຸ່ມປັດຈຸບັນ ເຂົ້າໃຈ ແລະເຊື່ອມຊຶມກ່ຽວກັບການພົວພັນອັນບໍລິສຸດຜຸດຜ່ອງ, ເປັນຂົວຕໍ່ດ້ານວັດທະນະທໍາ-ການສຶກສາ, ຄວາມສາມັກຄີມິດຕະພາບແບບພິເສດລະຫວ່າງສອງປະເທດ ລາວ - ຫວຽດນາມ ອີກດ້ວຍ.
 |
| ລາຍການສະແດງສິລະປະເພື່ອຕອບບຸນແທນຄຸນຕໍ່ຄູອາຈານທີ່ພິທີ. ພາບ: TTXVN |
ຕາງໜ້າໃຫ້ນັກຮຽນເກືອບ 1.000 ຄົນ, ນ້ອງ ຟ້າມເຈືອງທ້ຽນເອິນ ໄດ້ກ່າວຄໍາຂອບໃຈ ແລະສົ່ງຄໍາອວຍພອນອັນປະເສີດມາຍັງຄູອາຈານ; ສະແດງຄວາມຮູ້ບຸນຄຸນອັນເລິກເຊິ່ງ ຕໍ່ຄຸນງານຄວາມດີອັນໃຫຍ່ຫຼວງຂອງຄູອາຈານໃນການເບິ່ງແຍງດູແລ, ສຶກສາອົບຮົມໃຫ້ພວກນ້ອງນັກຮຽນ ນັບມື້ນັບເຕີບໃຫຍ່.
ພວກນ້ອງໝົດທຸກຄົນ ໃຫ້ຄໍາໝັ້ນສັນຍາວ່າຈະຕັດສິນໃຈສູ້ຊົນໃຫ້ບັນລຸໄດ້ບັນດາຜົນງານທີ່ດີໃນການຮໍ່າຮຽນ ເພື່ອຕອບບຸນແທນຄຸນຕໍ່ການສັ່ງສອນ, ສຶກສາອົບຮົມຂອງຄູອາຈານ ເພື່ອສົມກັບຄວາມໄວ້ເນື້ອເຊື່ອໃຈຄວາມຮັກແພງ, ຄວາມເອົາໃຈໃສ່ຂອງການນໍາທຸກຂັ້ນ.
ທີ່ພິທີ, ຄະນະບໍລິຫານງານສະມາຄົມຊາວຫວຽດນາມ ອາໄສຢູ່ນະຄອນຫຼວງ ວຽງຈັນ ໄດ້ຕາງໜ້າຄະນະກໍາມະການແນວໂຮມປະເທດຊາດຫວຽດນາມ ນະຄອນໂຮ່ຈິມີນ ມອບເງິນຈໍານວນ 18.300 ກວ່າໂດລາສະຫະລັດໃຫ້ບັນດາຄູອາຈານສອນພາສາຫວຽດ ຂອງໂຮງຮຽນ.
ໂອກາດນີ້, ບັນດານັກຮຽນ ກໍໄດ້ມອບດອກໄມ້ທີ່ສົດໃສສວຍງາມໃຫ້ຄູອາຈານ ແລະຈັດລາຍການສະແດງສິລະປະ ໂດຍພວກນ້ອງ ສະແດງ ເພື່ອຕອບບຸນແທນຄຸນບັນດາຄູອາຈານ.
ບູນມີ
