ສັບປະດາວັດທະນະທໍາ-ການທ່ອງທ່ຽວເຂດຕາເວັນຕົກສຽງເໜືອ ແລະນະຄອນໂຮ່ຈີມິນ ຢູ່ລາວ

	ສັບປະດາວັດທະນະທໍາ ແລະ ການທ່ອງທ່ຽວ ພາກຕາເວັນຕົກສ່ຽງເຫນືອ ຫວຽດນາມ ແລະ ນະຄອນໂຮ່ຈີມິນ ຢູ່ ສປປ.ລາວ
	ຈົດໝາຍອວຍພອນເນື່ອງໃນໂອກາດສະເຫຼີມສະຫຼອງ 70 ປີແຫ່ງວັນມູນເຊື້ອທະຫານອາສາສະໝັກ ແລະຊ່ຽວຊານຫວຽດນາມ ຢູ່ລາວ

ຕອນຄໍ່າວັນທີ 25 ຕຸລາ, ຢູ່ນະຄອນຫຼວງພະບາງ, ພາກເໜືອຂອງລາວ, ສັບປະດາວັດທະນະທໍາ-ການທ່ອງທ່ຽວເຂດຕາເວັນຕົກສຽງເໜືອ ແລະນະຄອນໂຮ່ຈີມິນ ຢູ່ນະຄອນຫຼວງພະບາງ ໄດ້ໄຂຂຶ້ນຢ່າງເປັນທາງການ. ນີ້ແມ່ນຄັ້ງທຳອິດທີ່ເຫດການວັດທະນະທຳ-ການທ່ອງທ່ຽວ ເຕົ້າໂຮມຜູ້ຕາງໜ້າຈາກ 4 ແຂວງໃນຕາເວັນຕົກສຽງເໜືອ ແລະນະຄອນໂຮ່ຈີມິນ ໄດ້ຈັດຕັ້ງຢູ່ຫຼວງພະບາງ, ນະຄອນທ່ອງທ່ຽວທີ່ມີຊື່ສຽງຂອງລາວ.

ຜູ້ແທນສອງປະເທດຕັດແຖບຜ້າໄຂສັບປະດາວັດທະນະທໍາ-ການທ່ອງທ່ຽວເຂດຕາເວັນຕົກສຽງເໜືອ ແລະນະຄອນໂຮ່ຈີມິນ ຢູ່ແຂວງຫຼວງພະບາງ. ພາບ: ສຳນັກຂ່າວສານຫວຽດນາມ

ລາຍການສະແດງສິລະປະໄດ້ຍ້ອງຍໍຄວາມສວຍງາມຂອງປະເທດຊາດ, ປະຊາຊົນ ກໍ່ຄືນໍ້າໃຈສາມັກຄີມິດຕະພາບແບບພິເສດລະຫວ່າງສອງປະເທດ ຫວຽດນາມ-ລາວ ດ້ວຍຫົວຂໍ້ວ່າ “ເຂດຕາເວັນຕົກສຽງເໜືອ-ນະຄອນໂຮ່ຈີມິນ ມີສີສັນຫຼາກຫຼາຍ” ໄດ້ດຶງດູດປະຊາຊົນທ້ອງຖິ່ນ ແລະປະຊາຄົມຊາວຫວຽດນາມ ທີ່ພວມທໍາມາຫາກິນ, ດໍາລົງຊີວິດຢູ່ແຂວງຫຼວງພະບາງ ນັບໝື່ນຄົນເຂົ້າຮ່ວມພິທີໄຂ.

ໂດຍດຳເນີນໃນ 3 ວັນ, ສັບປະດາວັດທະນະທໍາ-ການທ່ອງທ່ຽວເຂດຕາເວັນຕົກສຽງເໜືອ ແລະນະຄອນໂຮ່ຈີມິນ ຢູ່ລາວ ໄດ້ມີບັນດາການເຄື່ອນໄຫວພົບປະແລກປ່ຽນວັດທະນະທຳ, ກິລາ ແລະການທ່ອງທ່ຽວ; ງານວາງສະແດງຮູບພາບແນະນຳສີສັນວັດທະນະທຳຊົນເຜົ່າ, ຜະລິດຕະພັນທ່ອງທ່ຽວເຂດຕາເວັນຕົກສຽງເໜືອ, ນະຄອນໂຮ່ຈີມິນ ແລະແຂວງຫຼວງພະບາງ. ນອກຈາກນັ້ນ, ບັນດາແຂວງທີ່ເຂົ້າຮ່ວມສັບປະດາວັດທະນະທຳຍັງຈັດຕັ້ງເຂດວາງສະແດງ, ແນະນຳ ແລະໂຄສະນາຜະລິດຕະພັນກະເສດທີ່ເປັນເອກະລັກຂອງຕົນອີກດ້ວຍ.