| ການນໍາແຂວງກວາງບິ່ງ ເຮັດວຽກກັບຄະນະຜູ້ແທນລາວ ແລະ ອົດສະຕາລີ ປະຈຳຫວຽດນາມ | |
| ຄະນະໂຄສະນາສຶກສາສູນກາງພັກກອມມູນິດຫວຽດນາມ ໄດ້ໄປຢ້ຽມຢາມ ແລະ ອວຍພອນບຸນປີໃໝ່ລາວ ຢູ່ສະຖານທູດລາວ ປະຈຳຫວຽດນາມ |
ທີ່ການຕ້ອນຮັບ, ທ່ານຫົວໜ້າກົມພິທີການແຫ່ງລັດ ຫງວຽນຫວຽດຢຸງ ໄດ້ສະແດງຄວາມຊົມເຊີຍທ່ານນາງ ຄຳເພົາ ເອີນທະວັນ ທີ່ໄດ້ຮັບການແຕ່ງຕັ້ງເປັນເອກອັກຄະລັດຖະທູດ ລາວ ປະຈຳ ຫວຽດນາມ; ຫວັງວ່າທ່ານເອກອັກຄະລັດຖະທູດທີ່ເຕັມໄປດ້ວຍປະສົບການດ້ານການທູດ ຈະປະກອບສ່ວນຊຸກຍູ້ ແລະ ຮັດແໜ້ນສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ.
 |
| ທ່ານເອກອັກຄະລັດຖະທູດ ຫງວຽນຫວຽດຢຸງ, ຫົວໜ້າກົມພິທີການແຫ່ງລັດ, ຮັບສຳເນົາໃບມອບສິດແຕ່ງຕັ້ງເອກອັກຄະລັດຖະທູດ ສາທາລະນະລັດ ປະຊາທິປະໄຕ ລາວ ຄຳພາວ ເອນທະວັນ ປະຈຳ ຫວຽດນາມ |
ໂດຍສະແດງຄວາມຂອບໃຈທ່ານຫົວໜ້າກົມ ຫງວຽນຫວຽດຢຸງ ທີ່ສະຫຼະເວລາໃຫ້ການຕ້ອນຮັບ, ທ່ານເອກອັກຄະລັດຖະທູດ ນາງ ຄຳເພົາ ເອີນທະວັນ ຢືນຢັນຈະພະຍາຍາມຈົນສຸດຄວາມສາມາດຂອງຕົນເພື່ອຊຸກຍູ້ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ ຫວຽດນາມ ແລະ ລາວ ໃຫ້ນັບມື້ນັບພັດທະນາຢ່າງແທດຈິງ ແລະ ມີປະສິດທິຜົນ.
ທ່ານເອກອັກຄະລັດຖະທູດ ຫງວຽນຫວຽດຢຸງ ຢືນຢັນວ່າ: ກະຊວງການຕ່າງປະເທດ, ກົມພິທີການແຫ່ງລັດ ແລະ ບັນດາຫົວໜ່ວຍທີ່ກ່ຽວຂ້ອງຂອງກະຊວງຍາມໃດກໍ່ກຽມພ້ອມທີ່ຈະຮ່ວມມື, ສົມທົບກັນສ້າງທຸກເງື່ອນໄຂເພື່ອໃຫ້ທ່ານເອກອັກຄະລັດຖະທູດ ສຳເລັດວາລະເຮັດວຽກຢູ່ ຫວຽດນາມ ຢ່າງຈົບງາມ.
ດີງເລື້ອງ
