ວັນທີ 8 ພະຈິກ, ຄະນະປະຕິບັດງານຂອງແຂວງຕວຽນກວາງ ນໍາໂດຍສະຫາຍນາງ ເລທິກິມຢຸງ, ຮອງເລຂາຜູ້ປະຈໍາການຄະນະພັກແຂວງ, ປະທານສະພາປະຊາຊົນແຂວງຕວຽນກວາງ ໄດ້ມີການເຮັດວຽກກັບສະຖານກົງສູນໃຫຍ່ຫວຽດນາມ ປະຈຳ ແຂວງຫຼວງພະບາງ, ສປປ ລາວ ກ່ຽວກັບການຮ່ວມມືດ້ານການທ່ອງທ່ຽວຂອງແຂວງ, ແນະນຳ ແລະໂຄສະນາບັນດາຜະລິດຕະພັນ OCOP ຂອງແຂວງຕວຽນກວາງ ເຖິງບັນດາທ້ອງຖິ່ນທາງພາກເໜືອຂອງລາວ.
 |
| ຄະນະປະຕິບັດງານແຂວງຕວຽນກວາງ ມອບເງິນ 150 ລ້ານດົ່ງ ເພື່ອໜູນຊ່ວຍການກໍ່ສ້າງເຂດຫໍບູຊາບັນດາວິລະຊົນ, ນັກຮົບຂອງສອງປະເທດ, ນັກຊ່ຽວຊານ, ທະຫານອາສາສະໝັກຫວຽດນາມ ທີ່ເສຍສະຫຼະຊີວິດຢູ່ແຂວງຊຽງຂວາງ. ພາບ: baotuyenquang.com.vn |
ກ່າວຄຳເຫັນທີ່ການເຮັດວຽກ, ສະຫາຍນາງ ເລທິກິມຢຸງ ເນັ້ນໜັກວ່າ ແຂວງຕວຽນກວາງ ປາດຖະໜາວ່າ ສະຖານກົງສູນໃຫຍ່ ຈະຊ່ວຍແນະນຳ ແລະໂຄສະນາຄວາມສາມາດບົ່ມຊ້ອນ, ທ່າແຮງຂອງແຂວງຕວຽນກວາງ ເພື່ອໃຫ້ວິສາຫະກິດຂອງລາວ ສາມາດຊອກຫາກາລະໂອກາດລົງທຶນຢູ່ແຂວງ. ພ້ອມທັງ, ແນະນຳກາລະໂອກາດຮ່ວມມືດ້ານການລົງທຶນຢູ່ລາວ ໃຫ້ບັນດາວິສາຫະກິດຂອງແຂວງຕວຽນກວາງ. ພ້ອມກັນນັ້ນ, ກໍ່ໜູນຊ່ວຍການເຊື່ອມຕໍ່ ແລະຊຸກຍູ້ເປີດກວ້າງການຮ່ວມມືໃນຂົງເຂດຕ່າງໆ, ຄື: ການແລກປ່ຽນວັດທະນະທຳ, ການພົບປະແລກປ່ຽນປະຊາຊົນ, ການທ່ອງທ່ຽວລະຫວ່າງແຂວງຕວຽນກວາງ ກັບບັນດາທ້ອງຖິ່ນພາກເໜືອຂອງລາວ, ປະກອບສ່ວນເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານຫວຽດນາມ - ລາວ.
ສ່ວນທ່ານນາງ ກ່ຽວທິຮັ່ງຟຸກ, ກົງສູນໃຫຍ່ຫວຽດນາມ ປະຈຳແຂວງຫຼວງພະບາງ ກໍ່ຕີລາຄາສູງຄວາມເອົາໃຈໃສ່ ແລະການໜູນຊ່ວຍຂອງແຂວງ ທັງທາງດ້ານວັດຖຸ ແລະຈິດໃຈໃຫ້ແກ່ແຂວງຊຽງຂວາງ ໃນໄລຍະຜ່ານມາ. ທ່ານນາງ ກ່ຽວທິຮັ່ງຟຸກ ຢືນຢັນຈະສ້າງທຸກເງື່ອນໄຂເພື່ອໃຫ້ແຂວງຕວຽນກວາງ ສືບຕໍ່ຮັກສາ ແລະຊຸກຍູ້ການເຄື່ອນໄຫວຮ່ວມມືມິດຕະພາບ, ໃນນັ້ນ ສືບຕໍ່ຍົກລະດັບ ແລະເປີດກວ້າງການພົວພັນຮ່ວມມື ແລະແຮກສ່ຽວກັບບັນດາແຂວງພາກເໜືອຂອງລາວ; ປະຕິບັດວຽກງານບໍາລຸງສ້າງຊັບພະຍາກອນມະນຸດໃຫ້ບັນດາແຂວງພາກເໜືອຂອງລາວ; ສົ່ງເສີມການລົງທຶນ, ການຄ້າ ແລະການທ່ອງທ່ຽວລະຫວ່າງແຂວງຕວຽນກວາງ ກັບແຂວງຫຼວງພະບາງ ເວົ້າສະເພາະ ແລະກັບບັນດາແຂວງພາກເໜືອຂອງລາວ ເວົ້າລວມ...
ເນື່ອງໃນໂອກາດນີ້, ຄະນະປະຕິບັດງານ ໄດ້ມອບເງິນ 150 ລ້ານດົ່ງ ເພື່ອໜູນຊ່ວຍການກໍ່ສ້າງເຂດຫໍບູຊາວິລະຊົນ, ນັກຮົບຂອງສອງປະເທດ, ນັກຊ່ຽວຊານ, ທະຫານອາສາສະໝັກຫວຽດນາມ ທີ່ເສຍສະຫຼະຊີວິດ ຢູ່ແຂວງຊຽງຂວາງ.
ບູນມີ
