ຫວຽດນາມ ໄດ້ສືບຕໍ່ເປັນສະຖານທີ່ດຶງດູດນັກລົງທຶນຕ່າງປະເທດ

	ຫວຽດນາມ ຊຸກຍູ້ການດຶງດູດການລົງທຶນຂອງ ກາຕາ
	ຮອງລັດຖະມົນຕີກະຊວງແຜນການ ແລະການລົງທຶນຫວຽດນາມ ຕ້ອນຮັບເອກອັກຄະລັດຖະທູດລາວ ປະຈໍາ ຫວຽດນາມ

ອີງຕາມ AFR ແລ້ວ, ໃນສອງສາມທົດສະວັດທີ່ຜ່ານມາ, ຫວຽດນາມມີຄວາມໂດດເດັ່ນໃນການດຶງດູດບໍລິສັດນາໆຊາດໃນດ້ານເອເລັກໂທຣນິກ, ເກີບ ແລະເຄື່ອງນຸ່ງຫົ່ມ. ຄ່າແຮງງານຕໍ່າ, ພື້ນຖານໂຄງລ່າງທີ່ເປັນໜ້າເຊື່ອຖືໄດ້ ແລະຂັ້ນຕອນການບໍລິຫານທີ່ລຽບງ່າຍ ແມ່ນບັນດາປັດໄຈທີ່ໄດ້ດຶງດູດບັນດາບໍລິສັດເຊັ່ນ: Samsung, Foxconn, Nike, Adidas, Gap ແລະ Levis...

ຕະຫຼອດໄລຍະທີ່ຜ່ານມາ, ຫຼາຍແຂວງ/ນະຄອນຂອງຫວຽດນາມ ຕ້ອງໄດ້ໃຊ້ມາດຕະການແຍກຫ່າງໃນສັງຄົມຢ່າງເຄັ່ງຄັດເພື່ອຮັບມືກັບການລະບາດຂອງພະຍາດ COVID-19, ແຕ່ຫຼາຍໂຮງງານກໍ່ຍັງດໍາເນີນການຕາມຮູບແບບ“ 3 ໃນ 1”, ເພາະສະນັ້ນ, ຄົນງານ ແລະພະນັກງານ ຕ້ອງກິນເຂົ້າ, ນອນ ແລະເຮັດວຽກຢູ່ກັບທີ່.

​ໃນ​ວັນ​ທີ 3 ຕຸລາ 2023, ມີ​ນັກ​ລົງທຶນ​ສາກົນ 150 ກວ່າ​ຄົນ​ເຂົ້າ​ຮ່ວມ​ງານ​ຕະຫຼາດນັດ VinaCapital ຢູ່​ນະຄອນ​ໂຮ່ຈິ​ມິນ.

ອີງຕາມຂໍ້ສັງເກດຂອງ AFR ແລ້ວ, ເລື່ອງລາວກ່ຽວກັບຫວຽດນາມກາຍເປັນຈຸດໝາຍປາຍທາງທີ່ນິຍົມຂອງການລົງທຶນຕ່າງປະເທດ ແມ່ນຄາດວ່າຈະບໍ່ມີການປ່ຽນແປງ. ເຖິງແມ່ນວ່າການຄາດຄະເນການເຕີບໂຕຈະຫຼຸດລົງກໍ່ຕາມ, ແຕ່ບັນດານັກເສດຖະສາດຍັງເຊື່ອວ່າ ຫວຽດນາມຈະຟື້ນຕົວກັບຄືນມາໄດ້. ທະນາຄານ HSBC ໄດ້ຫຼຸດການຄາດຄະເນການເຕີບໂຕເສດຖະກິດຂອງຫວຽດນາມໃນປີນີ້ຈາກ 6.1% ລົງມາເປັນ 5.1%. ເຖິງຢ່າງໃດກໍ່ຕາມ, ທ່ານ Yun Liu ນັກເສດຖະສາດຂອງ HSBC ຢືນຢັນວ່າ ແງ່ຫວັງການຟື້ນຕົວຂອງຫວຽດນາມຍັງມີຄວາມເປັນໄປໄດ້ຫຼາຍດ້ວຍບັນດາປັດໄຈພື້ນຖານອັນໜັກແໜ້ນ.

ເວັບໄຊ lexology.com ຢູ່ອັງກິດ ຫາກໍ່ລົງບົດຂຽນຢືນຢັນພື້ນຖານເສດຖະກິດຫວຽດນາມ ພວມມີບັນດາສັນຍານຕັ້ງໜ້າກວ່າເມື່ອທຽບໃສ່ຫຼາຍປະເທດອື່ນໃນໄລຍະເກີດໂລກລະບາດໂຄວິດ-19 ແລະ ພວມມີທີ່ຕັ້ງທີ່ດີເພື່ອດຶງດູດການລົງທຶນໂດຍກົງຈາກຕ່າງປະເທດ (FDI).

ຕາມບົດຂຽນແລ້ວ, ໃນຊຸມປີຜ່ານມາ, ຫວຽດນາມ ໄດ້ເປັນຈຸດນັດພົບຂອງບັນດານັກລົງທຶນຕ່າງປະເທດ, ນັບແຕ່ເມື່ອສຸມໃສ່ເປີດປະຕູຕະຫຼາດ, ພ້ອມທັງຊຸກຍູ້ການພົວພັນດ້ານການຄ້າສາກົນ. ໃນຕະຕາລາງຈັດອັນດັບລະດັບຄວາມສະດວກໃນການດຳເນີນທຸລະກິດແຕ່ລະປີຂອງທະນາຄານໂລກ (WB) ແລ້ວ, ຫວຽດນາມ ຈາກທີ່ຕັ້ງຢືນອັນດັບ 91/183 ໃນປີ 2010 ຂຶ້ນມາເປັນອັນດັບ 70/190 ໃນປີ 2019.

ຫວຽດນາມ ກໍ່ໃຫ້ຄຳໝັ້ນສັນຍາຈະເພີ່ມລະບົບມູນຄ່າຜະລິດໂດຍຜ່ານ FDI ແລະ ໄດ້ມານະພະຍາຍາມໃນຫຼາຍປີເພື່ອຍົກສູງທັກສະໃຫ້ຜູ້ອອກແຮງງານ. ບົດຂຽນໄດ້ໃຫ້ຂໍ້ສັງເກດວ່າ, ບັນດາຄວາມມານະພະຍາຍາມກ່ຽວກັບດ້ານເສດຖະກິດ ແລະ ການຄຸ້ມຄອງຂອງລັດຖະບານຫວຽດນາມ ຈະປະກອບສ່ວນຊຸກຍູ້ FDI ເຂົ້າມາຫວຽດນາມ ໃນຊຸມປີຈະມາເຖິງ.