| ບັນດານັກລົງທຶນຕ່າງປະເທດຕີລາຄາສູງຄວາມສາມາດບົ່ມຊ້ອນຂອງຕະຫຼາດອະສັງຫາລິມະຊັບຢູ່ຫວຽດນາມ | |
| EVFTA ແມ່ນໄມ້ງັດໃຫ້ແກ່ຂະແໜງອະສັງຫາລິມະຊັບອຸດສາຫະກຳຫວຽດນາມ |
 |
| ອະສັງຫາລິມະຊັບຫວຽດນາມຍັງເປັນຈຸດສະຫວ່າງທີ່ດຶງດູດການລົງທຶນ (ພາບ: Vietnam+) |
ຕົວແທນຂອງກະຊວງກໍ່ສ້າງໃຫ້ຮູ້ວ່າ ໃນຊ່ວງເດືອນຂອງຕົ້ນປີ 2022 ມີເກືອບ 2,7 ຕື້ ໄດ້ລົງທຶນໂດຍກົງຈາກຕ່າງປະເທດ (FDI) ທີ່ຈົດທະບຽນເພື່ອ “ລົງທຶນ” ເຂົ້າສູ່ຕະຫຼາດອະສັງຫາລິມະຊັບຂອງຫວຽດນາມ. ນີ້ແມ່ນຂະແໜງການທີ່ດຶງດູດໄດ້ທຶນ FDI ເຊິ່ງໃຫຍ່ເປັນອັນດັບສອງ, ຖັດຈາກຂະແໜງການອຸດສາຫະກຳ ແລະ ການຜະລິດ.
ລາຍລະອຽດ, ຕາມການຄົ້ນຄວ້າຂອງກະຊວງກໍ່ສ້າງ, ນັບມາຮອດວັນທີ 20 ມີນາ 2022, ຍອດຈຳນວນທຶນ FDI ທີ່ຈົດທະບຽນໃໝ່, ປັບທຶນ, ປະກອບທຶນເພື່ອຊື້ຫຸ້ນສ່ວນ, ຊື້ສ່ວນທຶນທີ່ປະກອບຂອງນັກລົງທຶນຕ່າງປະເທດ ບັນລຸກວ່າ 8,9 ຕື້ໂດລາສະຫະລັດ; ເທົ່າກັບ 87.9% ເມື່ອທຽບໃສ່ໄລຍະດຽວກັນໃນປີ 2021.
ໃນນັ້ນ, ຂະແໜງການເຮັດທຸລະກິດອະສັງຫາລິມະຊັບ ຢືນອັນດັບທີ 2 ໃນບັນດາຂະແໜງທີ່ດຶງດູດ FDI ຫຼາຍ, ດ້ວຍຍອດຈຳນວນເງິນລົງທຶນເກືອບ 2,7 ຕື້ໂດລາສະຫະລັດ; ກວມເອົາ 30,3% ຂອງຈຳນວນທຶນຈົດທະບຽນທັງໝົດ.
ກ່ຽວກັບການເຄື່ອນໄຫວຂອງວິສາຫະກິດໃນຂະແໜງການອະສັງຫາລິມະຊັບ ຕາມສະຖິຕິຂອງກະຊວງແຜນການ ແລະ ການລົງທຶນ, ໃນ 3 ເດືອນຕົ້ນປີ 2022, ໃນຂະແໜງການນີ້ ມີຈຳນວນວິສາຫະກິດສ້າງຕັ້ງໃໝ່ ເພີ່ມຂຶ້ນຫຼາຍເມື່ອທຽບໃສ່ໄລຍະດຽວກັນຂອງປີ 2021 (ເພີ່ມຂຶ້ນ 47,2%). ຈໍານວນວິສາຫະກິດອະສັງຫາລິມະສັບທີ່ກັບຄືນມາເຄື່ອນໄຫວແມ່ນ 845 (ເພີ່ມຂຶ້ນ 92.0% ເມື່ອທຽບໃສ່ໄລຍະດຽວກັນໃນປີ 2021).
ນັບມາຮອດທ້າຍເດືອນ 4 ປີ 2022, ມີປະມານ 800 ຕະຫລາດທຸລະກຳ ໄດ້ກັບຄືນມາເຄື່ອນໄຫວ (ທຽບໃສ່ກັບໄຕມາດ IV/2021 ແມ່ນ 400 ຕະຫລາດທຸລະກຳ). ຕະຫຼາດແລກປ່ຽນກໍໄດ້ມີຄວາມເປັນເຈົ້າການ, ມີໄຫວພິບ, ປ່ຽນແຜນການທຸລະກິດໃນການປັບຕົວ, ນຳໃຊ້ເຕັກໂນໂລຊີເຂົ້າໃນການຄຸ້ມຄອງຂໍ້ມູນ, ຄຸ້ມຄອງການຊື້ຂາຍ, ຊຳລະເງິນ, ໂຄສະນາ, ຫັນເປັນດິຈິຕອນໃນການຂາຍເຄື່ອງ.
ຫອມມາລາ
