| ກອງທັບປະຊາຊົນລາວ ແລະ ກອງທັບຣາຊະອານາຈັກໄທຈັດກອງປະຊຸມທາງໄກປຶກສາຫາລື ວຽກງານສ້າງກິດຈະກຳຕ່າງໆຮ່ວມກັນ | |
| ກອງພັນໃຫຍ່ 82 (ທະຫານເຂດ 2) ແລະກອງພົນທີ 3 (ກອງທັບປະຊາຊົນລາວ) ສະເຫຼີມສະຫຼອງ 5 ປີແຫ່ງການແຮກສ່ຽວ |
ວັນທີ 23 ຕຸລາ, ຄະນະພະນັກງານກົມໃຫຍ່ເຕັກນິກ ກອງທັບປະຊາຊົນລາວ ໄປທັດສະນະສຶກສາ, ເຝິກຫັດ ຢູ່ຫ້ອງເຕັກນິກທະຫານເຂດ 2. ເຂົ້າຮ່ວມຄະນະ ມີຜູ້ແທນວິທະຍາຄານເຕັກນິກການທະຫານ; ກົມມາດຕະຖານ, ວັດແທກ ແລະຄຸນນະພາບ, ກົມໃຫຍ່ເສນາທິການ. ສະຫາຍພັນເອກພິເສດ ເລວັນກວຽດ, ຮອງຫົວໜ້າຫ້ອງເຕັກນິກທະຫານເຂດ 2 ໄດ້ໃຫ້ການຕ້ອນຮັບຄະນະ.
ທີ່ການໄປທັດສະນະສຶກສາ, ເຝິກຫັດ, ສະຫາຍພັນເອກພິເສດ ເລວັນກວຽດ, ຮອງຫົວໜ້າຫ້ອງເຕັກນິກທະຫານເຂດ 2 ໄດ້ແຈ້ງໂດຍສັງເຂບບາງຈຸດພົ້ນເດັ່ນກ່ຽວກັບພາລະໜ້າທີ່, ວຽກງານ ແລະໝາກຜົນພົ້ນເດັ່ນໃນປີຂອງຂະແໜງເຕັກນິກທະຫານເຂດ 2 ເວົ້າລວມ ແລະຂະແໜງມາດຕະຖານ-ວັດແທກ-ຄຸນນະພາບ ເວົ້າສະເພາະ. ສະຫາຍພັນເອກພິເສດ ເລວັນກວຽດ ເນັ້ນໜັກວ່າ ບັນດາອົງການ, ຫົວໜ່ວຍຂຶ້ນກັບຫ້ອງເຕັກນິກທະຫານເຂດ 2 ພ້ອມແລ້ວທີ່ຈະແບ່ງປັນບົດຮຽນປະສົບການໃນການປະຕິບັດໜ້າທີ່ວຽກງານຕົວຈິງເພື່ອໃຫ້ເພື່ອນລາວ ກໍາແໜ້ນ, ໝູນໃຊ້, ຍົກສູງຄຸນນະພາບວຽກງານເຕັກນິກຢູ່ໃນອົງການ, ກົມກອງຕົນ ເທື່ອລະກ້າວ.
 |
| ພະແນກ KCS, ໂຮງງານ X78 ແນະນໍາອຸປະກອນວັດແທກຈໍານວນໜຶ່ງ. ພາບ: qdnd.vn |
 |
| ບັນດາພະນັກງານ ກົມໃຫຍ່ເຕັກນິກກອງທັບປະຊາຊົນລາວ ເອົາໃຈໃສ່ຕິດຕາມຂັ້ນຕອນການກວດສອບເຄື່ອງວັດແທກຄວາມດັນ. ພາບ: qdnd.vn |
ໃນການໄປທັດສະນະສຶກສາ, ເຝິກຫັດທີ່ໂຮງງານ X78 ແລະສູນວັດແທກ-ກວດກາ ແລະຕີລາຄາຄຸນນະພາບ (ຂຶ້ນກັບຫ້ອງເຕັກນິກ ທະຫານເຂດ 2), ຄະນະພະນັກງານ ໄດ້ຮັບຟັງການແນະນຳກ່ຽວກັບຂັ້ນຕອນການກວດກາ ແລະຕີລາຄາຄຸນນະພາບ ແລະ ສ້ອມແປງເຄື່ອງວັດແທກຈຳນວນໜຶ່ງ; ຂັ້ນຕອນກວດກາຄຸນນະພາບຂອງອາວຸດທະຫານບົກບາງປະເພດ; ກວດກາ ແລະຕີລາຄາຄຸນນະພາບຂອງລົດການທະຫານ ແລະຊອກຮູ້ກ່ຽວກັບວຽກງານຄຸ້ມຄອງສຳເນົາເອກະສານຂອງພະແນກ KCS...
ໃນບັນຍາກາດທີ່ເປີດເຜີຍ ແລະສາມັກຄີ, ບັນດາກົມກອງ ໄດ້ຕອບຄຳຖາມຂໍ້ຂ້ອງໃຈຂອງຄະນະ; ພ້ອມທັງສ້າງເງື່ອນໄຂສະດວກ ເພື່ອໃຫ້ເພື່ອນລາວເຝິກຫັດໂດຍກົງກັບອຸປະກອນ. ການໄປທັດສະນະສຶກສາ, ເຝິກຫັດໄດ້ປະສົບຜົນສຳເລັດ, ບັນລຸເປົ້າໝາຍ, ຄວາມຮຽກຮ້ອງຕ້ອງການທີ່ໄດ້ວາງອອກ.
ບູນມີ
