| ການພົບປະມິດຕະພາບຊາວໜຸ່ມ ຫວຽດນາມ - ລາວ ໃນປີ 2023 | |
| ລຸ້ນໜຸ່ມຈະສືບທອດ ແລະ ເສີມຂະຫຍາຍສາຍພົວພັນມິດຕະພາບຫວຽດນາມ - ລາວ |
ຕີລາຄາສູງການຢ້ຽມຢາມ ແລະ ເຮັດວຽກຂອງຄະນະຜູ້ແທນແຂວງໄຊສົມບູນ ທີ່ໄດ້ດຳເນີນໄປພາຍຫຼັງການພົບປະຂັ້ນສູງລະຫວ່າງຫວຽດນາມ - ລາວ - ກຳປູເຈຍ ໃນເດືອນກັນຍາຜ່ານມາ, ທ່ານ ຫງວຽນວັນເນັນ ໄດ້ເຊື່ອໝັ້ນວ່າ ການຢ້ຽມຢາມຄັ້ງນີ້ມີຄວາມໝາຍສຳຄັນ ໃນສະພາບການທີ່ສອງພັກ ແລະ ປະເທດພວມສົມທົບກັນຜ່ານຜ່າຄວາມຫຍຸ້ງຍາກຫຼາຍຢ່າງຍ້ອນຜົນກະທົບຂອງສະຖານະການການເມືອງ, ເສດຖະກິດໂລກ; ສຸມໃສ່ປະຕິບັດແຜນການຟື້ນຟູເສດຖະກິດ-ສັງຄົມຂອງແຕ່ລະປະເທດຢ່າງມີປະສິດທິຜົນພາຍຫຼັງໂລກລະບາດ Covid-19 ແລະ ບັນລຸໄດ້ບັນດາຜົນງານພົ້ນເດັ່ນຫຼາຍຢ່າງ.
 |
ເລຂາຄະນະພັກນະຄອນ ໂຮ່ຈີມິນ ຫງວຽນວັນເນັນ ຕ້ອນຮັບເຈົ້າແຂວງໄຊສົມບູນ (ລາວ) |
ທ່ານຫງວຽນວັນເນັນ ເຊື່ອໝັ້ນວ່າ ພາຍໃຕ້ການນໍາຂອງພັກປະຊາຊົນ ປະຕິວັດລາວ, ປະຊາຊົນລາວອ້າຍນ້ອງ ຈະຍາດໄດ້ຜົນງານອັນໃຫຍ່ຫຼວງຫຼາຍກວ່າອີກໃນກິດຈະການສ້າງສາ ແລະປົກປັກຮັກສາປະເທດຊາດ, ພັດທະນາເສດຖະກິດ-ສັງຄົມ, ການປ້ອງກັນຊາດ, ປ້ອງກັນຄວາມສະຫງົບໄວ້ໃຫ້ໝັ້ນຄົງ, ປັບປຸງຊີວິດການເປັນຢູ່ຂອງປະຊາຊົນ ແລະຍົກສູງທີ່ຕັ້ງບົດບາດບົນເວທີສາກົນຢ່າງບໍ່ຢຸດຢັ້ງ; ປະຕິບັດບັນດາເປົ້າໝາຍ, ໜ້າທີ່ການເມືອງ ເຊິ່ງມະຕິກອງປະຊຸມໃຫຍ່ພັກປະຊາຊົນ ປະຕິວັດລາວ ຄັ້ງທີ XI ທີ່ໄດ້ວາງອອກຢ່າງມີໄຊ. ສະຫາຍ ຫງວຽນວັນເນັນ ສະແດງຄວາມເຊື່ອໝັ້ນວ່າ ການຢ້ຽມຢາມຂອງຄະນະຜູ້ແທນແຂວງໄຊສົມບູນ ຈະປະກອບສ່ວນປັບປຸງ ແລະເພີ່ມທະວີສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດລະຫວ່າງສອງປະເທດເວົ້າລວມ, ບັນດາທ້ອງຖິ່ນຂອງສອງປະເທດເວົ້າສະເພາະ.
ທ່ານພອຍຄໍາ ຮຸ່ງບຸນຍວງ ໃຫ້ຮູ້ວ່າ ພັກ, ລັດ ແລະປະຊາຊົນລາວ ຍາມໃດກໍ່ເຄົາລົບຄວາມຮັກແພງ, ຄວາມເອົາໃຈໃສ່, ການຊ່ວຍເຫຼືອເຊິ່ງພັກ, ລັດ ແລະະຊາຊົນຫວຽດນາມ ທີ່ສະຫງວນໃຫ້ລາວ ໃນບໍ່ວ່າສະພາບການໃດ.
ໂດຍຕີລາຄາສູງການພັດທະນາຂອງນະຄອນໂຮ່ຈີມິນ, ແມ່ນທ້ອງຖິ່ນແຖວໜ້າຂອງທົ່ວປະເທດ, ທ່ານເລຂາພັກແຂວງ, ເຈົ້າແຂວງໆໄຊສົມບູນ ພອຍຄໍາ ຮຸ່ງບຸນຍວງ ປາດຖະໜາຢາກເພີ່ມທະວີການພົວພັນຮ່ວມມືໃນຫຼາຍຂົງເຂດລະຫວ່າງແຂວງໄຊສົນບູນ ແລະນະຄອນໂຮ່ຈີມິນ ໃນໄລຍະຈະມາເຖິງ. ສະຫາຍ ພອຍຄໍາ ຮຸ່ງບຸນຍວງ ຢັ້ງຢືນວ່າ ບັນດາບົດຮຽນໃນການພັດທະນາເສດຖະກິດ-ສັງຄົມ, ຜ່ານຜ່າຄວາມຫຍຸ້ງຍາກຄືຜົນກະທົບຈາກພະຍາດໂຄວິດ-19 ຂອງຫວຽດນາມ ແມ່ນບົດຮຽນອັນລໍ້າຄ່າໃຫ້ແກ່ການພັດທະນາຂອງລາວ ເວົ້າລວມ ແລະແຂວງໄຊສົມບູນ ເວົ້າສະເພາະ.
ທ່ານເລຂາທິການໃຫຍ່ຄະນະບໍລິຫານງານສູນກາງພັກນະຄອນ ໂຮ່ຈີມິນ ໃຫ້ຮູ້ວ່າ: ບັນດາການນຳນະຄອນຍາມໃດກໍ່ຕິດຕາມກວດກາຢ່າງໃກ້ຊິດ ແລະ ດີໃຈຕໍ່ໝາກຜົນຂອງວຽກງານກໍ່ສ້າງພັກ ແລະ ຄວາມມານະພະຍາຍາມຜ່ານຜ່າຄວາມຫຍຸ້ງຍາກໃນການພັດທະນາເສດຖະກິດຂອງລາວໃນໄລຍະມໍ່ໆມານີ້. ນະຄອນ ໂຮ່ຈີມິນ ເຊື່ອໝັ້ນວ່າ, ພາຍໃຕ້ການນຳພາຂອງພັກປະຊາຊົນ ປະຕິວັດລາວ, ປະຊາຊົນລາວຈະບັນລຸໄດ້ໝາກຜົນອັນໃຫຍ່ຫຼວງກວ່າອີກໃນວຽກງານກໍ່ສ້າງ ແລະ ປົກປັກຮັກສາປະເທດຊາດ, ພັດທະນາເສດຖະກິດ-ສັງຄົມ...
ຄຳຮຸ່ງ
