| ການພົບປະແລກປ່ຽນປະຊາຊົນ ໄດ້ປະກອບສ່ວນຢ່າງຕັ້ງໜ້າເຂົ້າໃນການເພີ່ມທະວີການພົວພັນມິດຕະພາບຫວຽດນາມ - ລາວ | |
| VUFO, ສະມາຄົມມິດຕະພາບຫວຽດນາມ - ລາວ ອວຍພອນບຸນປີໃໝ່ສະຖານທູດລາວປະຈຳຫວຽດນາມ |
ຖ່າຍທອດຂໍ້ຄວາມ ກ່ຽວກັບ “ມິດຕະພາບ ຫວຽດນາມ - ລາວ” ມາເຖິງລຸ້ນໜຸ່ມ
ຕາມທ່ານປະທານສະມາຄົມມິດຕະພາບລາວ-ຫວຽດນາມ ບໍ່ວຽງຄຳ ວົງດາລາ ແລ້ວ, ໃນໄລຍະ 2014-2023, ສະມາຄົມມິດຕະພາບ ຫວຽດນາມ - ລາວ ບັນລຸໄດ້ບັນດາຜົນງານທີ່ຕັ້ງໜ້າ. ພິເສດ, ພັດທະນາສະມາຄົມຢ່າງກວ້າງຂວາງ ດ້ວຍການເສີມຂະຫຍາຍບົດບາດຂອງການທູດປະຊາຊົນ ໃນການເຜີຍແຜ່ຮີດຄອງປະເພນີມິດຕະພາບຫວຽດນາມ - ລາວ, ພິເສດແມ່ນໃຫ້ແກ່ລຸ້ນໜຸ່ມ.
ສະມາຄົມມິດຕະພາບຫວຽດນາມ - ລາວ ໄດ້ສົມທົບກັບສະມາຄົມມິດຕະພາບລາວ - ຫວຽດນາມ ຈັດຕັ້ງຫຼາຍລາຍການ, ເຄື່ອນໄຫວດ້ວຍຫຼາຍຮູບການ ແລະ ແບບຢ່າງທີ່ມີເນື້ອໃນເລິກເຊິ່ງ, ພິເສດແມ່ນໂຄງການງານມະຫາກຳມິດຕະພາບປະຊາຊົນຫວຽດນາມ - ລາວ. ຜ່ານການເຄື່ອນໄຫວ, 2 ສະມາຄົມໄດ້ໂຄສະນາໃຫ້ປະຊາຊົນສອງປະເທດມີຄວາມເຂົ້າໃຈຢ່າງຈະແຈ້ງ ກ່ຽວກັບນ້ຳໃຈມິດຕະພາບອັນບໍລິສຸດຜຸດຜ່ອງ ແລະ ຄວາມຮັກຄວາມແພງທີ່ສັດຊື່ລະຫວ່າງປະຊາຊົນສອງປະເທດ ທີຫາຍາກໃນໂລກ.
 |
| ທ່ານປະທານສະມາຄົມມິດຕະພາບລາວ-ຫວຽດນາມ ບໍ່ວຽງຄຳ ວົງດາລາ |
ເພື່ອແນໃສ່ຍົກສູງປະສິດທິຜົນການຮ່ວມມື ລະຫວ່າງສອງສະມາຄົມມິດຕະພາບ, ທ່ານ ສຈ.ດຣ. ບໍວຽງຄຳ ວົງດາລາ ໃຫ້ຮູ້ວ່າ: ຕ້ອງສຸມໃສ່ເຜີຍແຜ່, ໂຄສະນາເຜີຍແຜ່ເນື້ອໃນ ແລະ ຈິດໃຈການຮ່ວມມືຮອບດ້ານລະຫວ່າງສອງຊາດໃຫ້ຊາວໜຸ່ມ.
“ສະມາຄົມມິດຕະພາບລາວ-ຫວຽດນາມ ຈະສືບຕໍ່ຊຸກຍູ້ບັນດາການເຄື່ອນໄຫວປະຕິບັດ, ເພີ່ມທະວີການໂຄສະນາໃຫ້ທຸກຊັ້ນຄົນ, ພິເສດແມ່ນລຸ້ນໜຸ່ມ, ກ່ຽວກັບສາຍພົວພັນແບບພິເສດ, ປະຫວັດສາດອັນສະຫງ່າລາສີ, ຄວາມເອກອ້າງທະນົງໃຈຂອງສາຍພົວພັນມິດຕະພາບ ຫວຽດນາມ - ລາວ. ປະກອບສ່ວນຍົກສູງຄວາມຮັບຮູ້ ແລະ ຄວາມຮັບຜິດຊອບຂອງແຕ່ລະຄົນໃນການປູກຝັງ ແລະ ຊຸກຍູ້ການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງປະເທດໃຫ້ດີ”.
ການຮ່ວມມືໃນການຝຶກອົບຮົມຊັບພະຍາກອນມະນຸດທີ່ມີຄຸນນະພາບສູງ
ທ່ານ ສາດສະດາຈານ ດຣ ສາຍກົງ ໄຊຍະສີນ, ຫົວໜ້າກົມການບຳລຸງສ້າງມະຫາວິທະຍາໄລ, ກະຊວງສຶກສາທິການ ແລະ ກິລາ ລາວ, ຮອງປະທານ, ເລຂາທິການໃຫຍ່ສະມາຄົມມິດຕະພາບລາວ-ຫວຽດນາມ ກໍ່ໃຫ້ຮູ້ວ່າ: ການຮ່ວມມືລະຫວ່າງ 2 ສະມາຄົມຕ້ອງສຸມໃສ່ເຂົ້າໃນບັນດາໄວໜຸ່ມ.
“ຂ້າພະເຈົ້າ ໄດ້ຄາດວ່າສອງສະມາຄົມມິດຕະພາບຈະຮັດແໜ້ນການພົວພັນຮ່ວມມືໃຫ້ແໜ້ນແຟ້ນກວ່າເກົ່າ, ເພີ່ມທະວີການແລກປ່ຽນວຽກງານເລື້ອຍໆ, ພິເສດແມ່ນພາຍຫຼັງ Covid-19, ພວກຂ້າພະເຈົ້າຈະມີເວລາເພີ່ມເຕີມ ເພື່ອພົບປະບັນດາວຽກງານສະເພາະທີ່ຕ້ອງເຮັດພ້ອມກັນ.
 |
| ທ່ານ ສາດສະດາຈານ ດຣ ສາຍກົງ ໄຊຍະສີນ, ຫົວໜ້າກົມການບຳລຸງສ້າງມະຫາວິທະຍາໄລ, ກະຊວງສຶກສາທິການ ແລະ ກິລາ ລາວ |
ສ່ວນໜຶ່ງຂອງໄວໜຸ່ມໃນປະຈຸບັນ ບໍ່ໄດ້ເອົາໃຈໃສ່ເຖິງປະຫວັດສາດ ແລະ ຮີດຄອງປະເພນີ. ສະນັ້ນ, 2 ສະມາຄົມຕ້ອງສຸມໃສ່ໂຄສະນາເຜີຍແຜ່ຮີດຄອງປະເພນີມິດຕະພາບຫວຽດນາມ - ລາວ, ລາວ - ຫວຽດນາມ ໃຫ້ລຸ້ນໜຸ່ມ, ແບ່ງປັນຄວາມຮູ້ສຶກກ່ຽວກັບມິດຕະພາບແບບພິເສດຫວຽດນາມ - ລາວ ເພື່ອໃຫ້ລຸ້ນໜຸ່ມສືບຕໍ່ຮັກສາ ແລະ ພັດທະນາ" ທ່ານ ສາດສະດາຈານ ດຣ ສາຍກົງ ໄຊຍະສີນເວົ້າວ່າ.
ອີງຕາມ ທ່ານ ສາດສະດາຈານ ດຣ ສາຍກົງ ໄຊຍະສີນ ໃຫ້ຫູ້ວ່າ ຫວຽດນາມ ແລະ ລາວ ຕ້ອງສືບຕໍ່ຊຸກຍູ້ ແລະ ພັດທະນາການຮ່ວມມືລະຫວ່າງບັນດາມະຫາວິທະຍາໄລຂອງສອງປະເທດ, ຮ່ວມມືພັດທະນາແຫຼ່ງຊັບພະຍາກອນມະນຸດໃຫ້ທັນກັບບັນດາປະເທດໃນພາກພື້ນ ແລະ ສາກົນ.
“ສອງສະມາຄົມຕ້ອງຊຸກຍູ້, ໜູນຊ່ວຍ ແລະ ຊຸກຍູ້ບັນດາອົງການຂອງລັດທີ່ກ່ຽວຂ້ອງຈາກສູນກາງເຖິງທ້ອງຖິ່ນ, ວິທີບຳລຸງສ້າງແຫຼ່ງຊັບພະຍາກອນມະນຸດຢ່າງມີປະສິດທິຜົນ, ຮັບປະກັນການເດີນໜ້າ ແລະ ແທດເໝາະກັບທ່າອ່ຽງພັດທະນາໃນພາກພື້ນ ແລະ ໃນໂລກ. ແຫຼ່ງກຳລັງໃນຂົງເຂດວິທະຍາສາດ ແລະ ເຕັກໂນໂລຊີ ໄດ້ປະກອບສ່ວນຊຸກຍູ້ການເຄື່ອນໄຫວປະດິດສ້າງ ແລະ ພັດທະນາ, ປະຈຸບັນ, ວິທະຍາສາດ, ເຕັກໂນໂລຊີມີການປ່ຽນແປງຢ່າງວ່ອງໄວ, ຖ້າຫາກວ່າໃນເມື່ອກ່ອນ, ພວກຂ້າພະເຈົ້າໄດ້ບຳລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງຢູ່ບັນດາກະຊວງ, ຂະແໜງການສູນກາງ, ແຕ່ປະຈຸບັນ. ສາມາດພັດທະນາຕາມທິດການຝຶກອົບຮົມຊັບພະຍາກອນມະນຸດຂອງແຕ່ລະເມືອງ, ແຂວງ, ຕາແສງ ໃຫ້ສາມາດພັດທະນາໄດ້ຈາກຮາກຖານ” - ທ່ານ ສາດສະດາຈານ ດຣ ສາຍກົງ ໄຊຍະສີນ.
ຄຳຮຸ່ງ
