| ດຳເນີນການເຄື່ອນໄຫວໂຄງການພົບປະແລກປ່ຽນນາຍທະຫານຊາຍແດນໜຸ່ມ ຫວຽດນາມ - ລາວ ຄັ້ງທີ 2 ຢ່າງເປັນທາງການ | |
| ກົມຮັກສາສັນຕິພາບຫວຽດນາມ ສືບຕໍ່ກະກຽມບຸກຄະລາກອນບັນລຸຄຸນນະພາບທີ່ດີເພື່ອເຮັດວຽກໃນຕຳແໜ່ງອື່ນຢູ່ສໍານັກງານ ສປຊ |
ຕອນເຊົ້າວັນທີ 18 ຕຸລາ, ຢູ່ຮ່າໂນ້ຍ, ຄະນະພະນັກງານນາຍທະຫານໜຸ່ມກອງທັບປະຊາຊົນລາວ ນໍາໂດຍພັນເອກ ສຸດໃຈ ມະຫາວົງ, ຫົວໜ້າຫ້ອງການຊາວໜຸ່ມກອງທັບປະຊາຊົນລາວ ໄດ້ໄປຢ້ຽມຢາມ ແລະພົບປະແລກປ່ຽນຢູ່ວິທະຍາຄານການແພດ.
ທີ່ການພົບປະ, ຄະນະພະນັກງານນາຍທະຫານໜຸ່ມກອງທັບປະຊາຊົນລາວ ແລະບັນດາຜູ້ແທນໄດ້ໄປຢ້ຽມຢາມ, ຊອກຮູ້ກ່ຽວກັບຫໍມູນເຊື້ອດີຈີຕອນ, ຊົມຮູບເງົາມູນເຊື້ອ; ຮັບຟັງການແນະນຳບັນດາຜົນງານທີ່ດີເດັ່ນໃນວຽກງານສຶກສາ - ກໍ່ສ້າງ, ປິ່ນປົວພະຍາດ ແລະການຄົ້ນຄວ້າວິທະຍາສາດຂອງວິທະຍາຄານການແພດ.
 |
| ພົນຈັດຕະວາ ຫງວຽນວັນນາມ ມອບຂອງຂວັນທີ່ລະນຶກໃຫ້ບັນດານາຍທະຫານໜຸ່ມກອງທັບປະຊາຊົນລາວ. ພາບ: qdnd.vn |
ກ່າວຄຳເຫັນທີ່ການພົບປະແລກປ່ຽນ, ພົນຈັດຕະວາ ຫງວຽນວັນນາມ ຮອງຫົວໜ້າການເມືອງວິທະຍາຄານການແພດ ເນັ້ນໜັກວ່າ: ໃນຕະຫຼອດໄລຍະເສັ້ນທາງປະຫວັດສາດເກືອບ 75 ປີແຫ່ງການສ້າງສາ, ພັດທະນາ ແລະເຕີບໃຫຍ່, ພະນັກງານ, ຄູອາຈານ, ສໍາມະນາກອນ, ນັກຄົ້ນຄວ້າ, ນັກຮົບຂອງວິທະຍາຄານການແພດ ຍາມໃດກໍ່ມີຄວາມຈົງຮັກພັກດີ, ເຊື່ອໝັ້ນຕໍ່ການນຳພາຂອງພັກ, ລັດ ແລະກະຊວງປ້ອງກັນປະເທດ. ດ້ວຍບັນດາຜົນງານທີ່ບັນລຸໄດ້, ວິທະຍາຄານການແພດ ເປັນກຽດໄດ້ຮັບນາມມະຍົດວິລະຊົນກໍາລັງປະກອບອາວຸດປະຊາຊົນຈາກພັກ ແລະລັດ 3 ຄັ້ງ. ການປະສົບຜົນສຳເລັດອັນສະຫງ່າລາສີທີ່ກ່າວມາຂ້າງເທິງນີ້ແມ່ນຍ້ອນຄຸນງາມຄວາມດີອັນໃຫຍ່ຫຼວງ ແລະການປະກອບສ່ວນຢ່າງຕັ້ງໜ້າ, ອົດທົນຂອງພະນັກງານ, ຄູອາຈານ, ນັກສຶກສາ, ນັກຄົ້ນຄວ້າ, ນັກຮົບລຸ້ນຕ່າງໆຂອງວິທະຍາຄານ ໃນຕະຫຼອດໄລຍະເກືອບ 75 ປີຜ່ານມາ, ໃນນັ້ນມີບົດບາດອັນໃຫຍ່ຫຼວງຂອງຖັນແຖວພະນັກງານນາຍທະຫານໜຸ່ມ.
ພົນຈັດຕະວາ ຫງວຽນວັນນາມ ຢັ້ງຢືນວ່າ: ການພົບປະແລກປ່ຽນລະຫວ່າງນາຍທະຫານໜຸ່ມວິທະຍາຄານເສນາຮັກ ແລະຄະນະນາຍທະຫານໜຸ່ມກອງທັບປະຊາຊົນລາວ ແມ່ນການເຄື່ອນໄຫວທີ່ມີຄວາມໝາຍເລິກເຊິ່ງ, ສະແດງໃຫ້ເຫັນຈິດໃຈສາມັກຄີ, ຄວາມສະໜິດຕິດພັນລະຫວ່າງສອງປະເທດເວົ້າລວມ ແລະຂອງຖັນແຖວນາຍທະຫາຍໜຸ່ມກອງທັບສອງປະເທດເວົ້າສະເພາະ ເຊິ່ງຍາມໃດກໍ່ໄດ້ຈົດຈຳ ແລະຝັງເລິກໃນໃຈກ່ຽວກັບຄຳສັ່ງສອນຂອງປະທານ ໂຮ່ຈີມິນ ທີ່ວ່າ: “ສອງຊາດ ຫວຽດນາມ - ລາວ ໄດ້ ຝັງຄວາມຮັກຢູ່ໃນໃຈ, ຮົ່ງຮ່າທັງແມ່ນໍ້າຂອງ ບໍ່ເລິກປຸນປານໄດ້”.
ບູນມີ
