| ຄວາມຮັກແພງ ຫວຽດນາມ - ລາວ ທີ່ເຂດຊາຍແດນ ໃນໄລຍະເກີດໂລກລະບາດ ໂຄວິດ-19 | |
| ການພົບປະເຈລະຈາ ລະຫວ່າງ ກຸ່ມຊ່ຽວຊານຊາຍແດນ ຫວຽດນາມ - ລາວ ທີ່ນະຄອນຫຼວງວຽງຈັນ |
ໂຄງການພົບປະແລກປ່ຽນນາຍທະຫານຊາຍແດນໜຸ່ມ ຫວຽດນາມ - ລາວ ຄັ້ງທີ 2 ປີ 2023 ໄດ້ຈັດຂຶ້ນຢູ່ 2 ແຂວງ ຮ່າຕິ້ງ ແລະ ເງ້ອານ ແຕ່ວັນທີ 26 – 30 ມິຖຸນານີ້, ໂດຍມີການເຂົ້າຮ່ວມຂອງບັນດາສະຫາຍການນຳກົມການເມືອງ, ທະຫານປ້ອງກັນຊາຍແດນ ຫວຽດນາມ ແລະ ກົມປ້ອງກັນຊາຍແດນ ກົມໃຫຍ່ເສນາທິການ ກອງທັບປະຊາຊົນລາວ ແລະ ຜູ້ແທນຊາວໜຸ່ມ, ພະນັກງານທະຫານຊາຍແດນຂອງ 2 ປະເທດ ຈຳນວນເກືອບ 100 ຄົນ.
ໃນລາຍການ, ຄະນະຜູ້ແທນ, ພະນັກງານທະຫານຊາຍແດນຂອງ 2 ຝ່າຍຈະເຂົ້າຮ່ວມບັນດາການເຄື່ອນໄຫວປະຕິບັດຫຼາຍຢ່າງ, ຄື: ເຜີຍແຜ່ກົດໝາຍໃຫ້ປະຊາຊົນສອງຝັ່ງຊາຍແດນ ຫວຽດນາມ - ລາວ; ກອງປະຊຸມຊາວໜຸ່ມ, ພົບປະແລກປ່ຽນນາຍທະຫານ ຄັ້ງທີ 2 ປີ 2023 ດ້ວຍຫົວຂໍ້ວ່າ: “ນາຍທະຫານປ້ອງກັນຊາຍແດນໜຸ່ມ ຫວຽດນາມ - ລາວ ເພີ່ມທະວີການສົມທົບກັນ ແລະ ຮ່ວມມືກໍ່ສ້າງເສັ້ນຊາຍແດນສັນຕິພາບ, ມິດຕະພາບ, ການຮ່ວມມື ແລະ ພັດທະນາ”; ແລກປ່ຽນ ແລະ ແຂ່ງຂັນກິລາ; ຢ້ຽມຢາມເຂດປູຊະນີຍະສະຖານປະຫວັດສາດ ແລະ ວັດທະນະທຳຢູ່ 2 ແຂວງ ຮ່າຕິ້ງ ແລະ ເງ້ອານ; ປູກຕົ້ນໄມ້ມິດຕະພາບຢູ່ດ່ານຊາຍແດນສາກົນ ເກົ່າແຈວ.
 |
ພາຍຫຼັງພິທີຕ້ອນຮັບຄະນະຜູ້ແທນທະຫານປ້ອງກັນຊາຍແດນ ລາວ ເຂົ້າເມືອງຫວຽດນາມ, ທະຫານປ້ອງກັນຊາຍແດນໜຸ່ມ 2 ປະເທດ ໄດ້ມີໜ້າຢູ່ຕາແສງ ເຊີນກິມ 1, ເມືອງ ເຮືອງເຊີນ, ແຂວງຮ່າຕິ້ງ ເພື່ອເຂົ້າຮ່ວມພິທີເຜີຍແຜ່ກົດໝາຍໃຫ້ປະຊາຊົນຢູ່ໃນບໍລິເວນ ຕາແສງ ເຊີນກິມ 1 ແລະ ທົ່ງແປ, ເມືອງ ຄຳເກືດ, ແຂວງ ບໍລິຄຳໄຊ (ລາວ). ການເຄື່ອນໄຫວເຜີຍແຜ່ກົດໝາຍໃຫ້ແກ່ປະຊາຊົນສອງຟາກຊາຍແດນ ໄດ້ເລີ່ມຕົ້ນການເຄື່ອນໄຫວຢ່າງເປັນທາງການໃນໂຄງການແລກປ່ຽນທະຫານຊາຍແດນໜຸ່ມ ຫວຽດນາມ - ລາວ ຄັ້ງທີ 2.
ຄຳຮຸ່ງ
