ວັນທີ 8 ຕຸລາ, ຄ້າຍທະຫານຊາຍແດນ ດ່ານອາເດີດ (ທະຫານ ຊາຍແດນແຂວງເທື່ອທຽນ-ເຫວ້) ໄດ້ສົມທົບກັບສະພາກາແດງເມືອງ ອາເລື໊ອຍ ແລະບັນດາກົມກອງ, ບຸກຄົນທີ່ຮ່ວມເດີນທາງໄດ້ຈັດຕັ້ງການໂຄສະນາ, ມອບຂອງຂວັນໃຫ້ກໍາລັງປະກອບອາວຸດ ແລະປະຊາຊົນຢູ່ຕາມບ້ານທີ່ຕິດກັບ ສອງຟາກຊາຍແດນ ຫວຽດນາມ-ລາວ.
 |
| ໍບັນດາກົມກອງມອບຂອງຂວັນໃຫ້ປ້ອມຕຳຫຼວດຕາວາງ ແລະກອງຮ້ອຍຊາຍແດນ 531 ຂອງລາວ. ພາບ: qdnd.vn |
ຢູ່ດ່ານຊາຍແດນອາເດີດ-ຕາວາງ, ຄ້າຍທະຫານຊາຍແດນ ດ່ານອາເດີດ ໄດ້ເປັນປະທານ ຈັດພິທີເຄົາລົບທຸງ ຢູ່ຫຼັກໝາຍຊາຍແດນທີ 666; ແນະນໍາອະທິປະໄຕຜືນແຜ່ນດິນ, ຄວາມສະຫງົບ ຊາຍແດນແຫ່ງຊາດ; ສາຍພົວພັນ, ຄວາມສາມັກຄີທີ່ເປັນມູນເຊື້ອແບບພິເສດ ຫວຽດນາມ-ລາວ; ບັນດາລະບຽບການ, ສັນຍາວ່າດ້ວຍກົດລະບຽບຄຸ້ມຄອງ ຊາຍແດນ ແລະດ່ານຊາຍແດນທາງບົກຫວຽດນາມ-ລາວ ໃຫ້ປະຊາຊົນຢູ່ສອງຟາກຊາຍແດນ.
 |
| ມອບລົດຖີບໃຫ້ນັກຮຽນປະສົບກັບຄວາມຫຍຸ້ງຍາກ, ແຕ່ບຸກບືນໃນການຮ່ຳຮຽນ. ພາບ: qdnd.vn |
ເນື່ອງໃນໂອກາດນີ້, ຄ້າຍທະຫານຊາຍແດນ ດ່ານອາເດີດ, ສະພາກາແດງ ເມືອງອາເລືອຍ ແລະບັນດາກົມກອງ, ບຸກຄົນທີ່ຮ່ວມເດີນທາງໄດ້ມອບຂອງຂວັນ 130 ພູດໃຫ້ກອງຮ້ອຍຊາຍແດນ 513, ປ້ອມຕຳຫຼວດຕາວາງ ແລະ ປະຊາຊົນບ້ານກາໂລ (ເມືອງກະລຶມ, ແຂວງເຊກອງ, ລາວ).
ໃນໂອກາດນີ້, ຢູ່ຄ້າຍທະຫາຍຊາຍແດນ ດ່ານຊາຍແດນອາເດີດ, ບັນດາກົມກອງໄດ້ມອບລົດຖີບສອງຄັນໃຫ້ນັກຮຽນທີ່ປະສົບກັບຄວາມຫຍຸ້ງ ຍາກ ແຕ່ບຸກບືນໃນການຮ່ຳຮຽນ ແລະມອບຂອງຂວັນ 50 ພູດໃຫ້ຄອບຄົວປະສົບກັບຄວາມຫຍຸ້ງ ຍາກຢູ່ເມືອງອາຕິນ, ຕາແສງ ເລິມເດີດ, ເມືອງອາເລືອຍ, ແຂວງເທື່ອທຽນ ເຫວ້.
ການເຄື່ອນໄຫວແທດຈິງ, ມີຄວາມໝາຍນີ້ໄດ້ປະກອບສ່ວນຍົກສູງຄວາມຮັບຮູ້ ດ້ານກົດໝາຍໃຫ້ປະຊາຊົນຢູ່ສອງຟາກຊາຍແດນຫວຽດນາມ-ລາວ; ຮັດແໜ້ນ ການພົວພັນສາມັກຄີມິດຕະພາບລະຫວ່າງກໍາລັງປະກອບອາວຸດ ແລະປະຊາຊົນຢູ່ສອງຟາກຊາຍແດນໃຫ້ຫຼາຍກວ່າອີກ.
ບູນມີ
