 |
| ສະຫະພັນບັນດາອົງການຈັດຕັ້ງມິດຕະພາບແຂວງ ອຽນບ໊າຍ ພ້ອມກັບບັນດາຜູ້ໃຈບຸນໃຈກຸສົນມອບເສື້ອກັນໜາວ ແລະ ຂອງຂວັນບຸນເຕັດໃຫ້ແກ່ນ້ອງນ້ອຍ |
ຫວ່າງມໍ່ມານີ້, ສະຫະພັນບັນດາອົງການຈັດຕັ້ງມິດຕະພາບ ແຂວງ ອຽນບ໊າຍ ໄດ້ສົມທົບກັບບັນດາຜູ້ອຸປະຖຳ ປະຕິບັດໂຄງການມອບຂອງຂວັນບຸນເຕັດໃຫ້ແກ່ນ້ອງນ້ອຍໃນບໍລິເວນເມືອງ ຈ້າມເຕົາ ແລະ ເມືອງ ວັນອຽນ.
ວັນທີ 15 ມັງກອນ, ສະຫະພັນບັນດາອົງການຈັດຕັ້ງມິດຕະພາບ ແຂວງ ອຽນບ໊າຍ ໃຫ້ຮູ້ວ່າ ທາງແຂວງຫາກໍ່ສົມທົບກັບອົງການການສຶກສາ ແລະ ບຳລຸງສ້າງ ຫວຽດນາມ Apollo ປະຕິບັດໂຄງການມອບຂອງຂວັນບຸນເຕັດໃຫ້ແກ່ນ້ອງໆນັກຮຽນ ຢູ່ 4 ໂຮງຮຽນໃນບໍລິເວນເມືອງ ຈ້າມເຕົາ.
ລະອຽດ, ນັກຮຽນແຕ່ລະຄົນ ຈະໄດ້ຮັບຊຸດເສື້ອກັນໜາວ 1 ຊຸດ ແລະ ຂອງຂວັນບຸນເຕັດ 1 ພູດ (ລວມມີ: ເຂົ້າໜົມ, ນົມ, ເຄື່ອງປຸງ…) ໃນນັ້ນ ຂອງຂວັນ 220 ພູດໄດ້ມອບໃຫ້ບັນດານ້ອງໆນັກຮຽນຢູ່ອະນຸບານ ຮວາມາຍ, 420 ພູດໄດ້ມອບໃຫ້ໂຮງຮຽນເຄິ່ງກິນນອນຊົນເຜົ່າ ປະຖົມ ແລະ ມັດທະຍົມຕອນຕົ້ນ ຟິ່ງໂຮ່, ຕາແສງ ຟິ່ງໂຮ່, 500 ພູດຢູ່ໂຮງຮຽນກິນນອນຊົນເຜົ່າ ປະສົມ ແລະ ມັດທະຍົມຕອນຕົ້ນ ລາງຍີ, ຕາແສງ ລາງຍີ, 500 ພູດໃຫ້ແກ່ໂຮງຮຽນກິນນອນຊົນເຜົ່າ ປະຖົມບ້ານໝູ່, ຕາແສງ ບ້ານໝູ່ ດ້ວຍຍອດມູນຄ່າແມ່ນ ກ່ວາ 560 ລ້ານດົ່ງ.
ກ່ອນໜ້ານັ້ນ, ໃນວັນທີ 11 ມັງກອນ, ສະຫະພັນບັນດາອົງການຈັດຕັ້ງມິດຕະພາບແຂວງ ອຽນບ໊າຍ ໄດ້ສົມທົບກັບອົງການຈັດຕັ້ງ Samaritan's Purse International Relief (SPIR) ອາເມລິກາ ມອບຂອງຂວັນເຊິ່ງແມ່ນ ເສື້ອກັນໜາວ 1.200 ຜືນ ມີມຸນຄ່າເກືອບ 230 ລ້ານດົ່ງໃຫ້ແກ່ນັກຮຽນໂຮງຮຽນປະຖົມ ແລະ ມັດທະຍົມຕອນຕົ້ນ ຊວນເຕິມ, ຕາແສງຊວນເຕິມ ແລະ ໂຮງຮຽນກິນນອນຊົນເຜົ່າ ປະຖົມ ຟອງຢຸເທື້ອງ, ຕາແສງ ຝອງຢຸເຖຶ້ອງ ຂອງເມືອງ ວັນອຽນ, ແຂວງ ອຽນບ໊າຍ.
ຜູ້ຕາງໜ້າການນຳຫ້ອງການສຶກສາ ແລະ ບຳລຸງສ້າງ ເມືອງວັນອຽນ ໃຫ້ຮູ້ວ່າ ຍາມລະດູໜາວຢູ່ເຂດພູສູງ ນ້ອງນ້ອຍຫຼາຍຄົນໄປໂຮງຮຽນມີແຕ່ນຸ່ງເສື້ອບາງທ່າມກາງອາກາດໜາວຈັດ. ເສື້ອກັນໜາວຂອງຄະນະປະຕິບັດການກຸສົນ ມີຄວາມສຳຄັນທີ່ສຸດ, ແທດຈິງ, ຊ່ວຍໃຫ້ນ້ອງໆນັກຮຽນມີເສື້ອກັນໜາວເພື່ອຜ່ານຜ່າລະດູໜາວ, ຮັບປະກັນສຸຂະພາບ, ປະກອບສ່ວນເຂົ້າໃນການຍົກສູງຄຸນນະພາບການສຶກສາຂອງໂຮງຮຽນ
ບຸນຄົງ
