| ຄາດຄະເນວ່າໃນວັນທີ 1 ມິຖຸນາ ຈະມີພົນລະເມືອງຫວຽດນາມ 343 ຄົນຈາກອົດສະຕາລີ ແລະນິວຊີແລນ ກັບເມືອປະເທດ | |
| ຫວຽດນາມໄດ້ຈັດຕັ້ງການບິນ ເພື່ອ ພາພົນລະເມືອງຫວຽດນາມ 30 ຄົນຈາກແຂວງ Wuhan ກັບເມືອປະເທດ |
ຕອນບ່າຍວັນທີ 2 ຕຸລາ, ຢູ່ແຂວງອັດຕະປື (ລາວ), ຄະນະສະເພາະກິດແຂວງກອນຕູມ ນຳໂດຍ ສະຫາຍນາງ ອີ ງອັກ, ຮອງປະທານຄະນະກໍາມະການປະຊາຊົນແຂວງ, ຫົວໜ້າຄະນະສະເພາະກິດແຂວງ ກອນຕູມ ໄດ້ມີການພົບປະເຈລະຈາກັບຄະນະປະຕິບັດງານພິເສດແຂວງອັດຕະປື ນຳໂດຍທ່ານພົນຈັດຕະວາ ໂຊກໄຊ ພິມມະລາ ຫົວໜ້າການເມືອງກອງບັນຊາການທະຫານແຂວງອັດຕະປື, ຫົວໜ້າຄະນະປະຕິບັດງານພິເສດ ແຂວງອັດຕະປື.
 |
| ຄະນະສະເພາະກິດແຂວງກອນຕູມ ແລະ ຄະນະປະຕິບັດງານພິເສດແຂວງ ອັດຕະປື ລົງນາມໃນບົດບັນທຶກຊ່ວຍຈຳສົມທົບກັນປະຕິບັດໜ້າທີ່ລະດູແລ້ງ 2023 – 2024. ພາບ: vanhoavaphattrien.vn |
ທີ່ການພົບປະເຈລະຈາ, ສອງຝ່າຍຕີລາຄາວ່າ: ເຖິງວ່າຂໍ້ມູນຂ່າວສານກ່ຽວກັບສະຖານທີ່ຝັງສົບຂອງນັກຮົບເສຍສະຫຼະຊີວິດເພື່ອຊາດແມ່ນນັບມື້ນັບຫຍຸ້ງຍາກ, ແຕ່ລະດູແລ້ງ 2022 – 2023, ຄະນະປະຕິບັດງານພິເສດແຂວງອັດຕະປື ແລະ ບັນດາທ້ອງຖິ່ນຂອງແຂວງ ກໍໄດ້ຕັ້ງໜ້າຊີ້ນຳ ແລະ ຂົນຂວາຍມະຫາຊົນສະໜອງຂໍ້ມູນຂ່າວສານກ່ຽວກັບຂຸມຝັງສົບຂອງນັກຮົບເສຍສະຫຼະຊີວິດ, ເຂົ້າຮ່ວມໃນການປົກປັກຮັກສາ, ພາທາງ ແລະ ຮັບປະກັນຄວາມປອດໄພ; ຊ່ວຍເຫຼືອດ້ານວັດຖຸ ແລະ ຈິດໃຈໃຫ້ແກ່ກອງ K53 ເພື່ອຊອກຄົ້ນ ແລະ ທ້ອນໂຮມໄດ້ 6 ອັດຖິນັກຮົບທະຫານອາສາສະໝັກ ແລະ ນັກຊ່ຽວຊານຫວຽດນາມ ຢູ່ແຂວງ ອັດຕະປື.
ສິ້ນສຸດການພົບປະເຈລະຈາ, ສອງຝ່າຍໄດ້ລົງນາມໃນບົດບັນທຶກຊ່ວຍຈຳສົມົທບກັນປະຕິບັດພາລະກິດລະດູແລ້ງ 2023 – 2024. ຄາດວ່າ ປະມານເດືອນ ຕຸລາ 2023, ຄະນະສະເພາະກິດ ແຂວງກອນຕູມ ຈະສົ່ງກອງ K53 ໄປແຂວງອັດຕະປື ເພື່ອປະຕິບັດໜ້າທີ່ຄົ້ນຫາ, ທ້ອນໂຮມ ແລະ ສົ່ງອັດຖິນັກຮົບເສຍສະຫຼະຊີວິດເພື່ອຊາດກັບເມືຶອປະເທດ, ລະດູແລ້ງ 2023 – 2024.
ເນື່ອງໃນໂອກາດນີ້, ສະຫາຍ ອີ ງອັກ, ຮອງປະທານຄະນະກຳມະການປະຊາຊົນແຂວງ ກອນຕູມ ກໍ່ໄດ້ມອບໃບຍ້ອງຍໍຂອງຄະນະກຳມະການປະຊາຊົນແຂວງ ໃຫ້ບັນດາໝູ່ຄະນະ, ບຸກຄົນທີ່ມີຜົນງານດີເດັ່ນໃນການສົມທົບກັນຊອກຫາອັດຖິນັກຮົບເສຍສະຫຼະຊີວິດ ໃນລະດູແລ້ງ 2022 – 2023.
ບູນມີ
