ຫວຽດນາມໄດ້ຈັດຕັ້ງການບິນ ເພື່ອ ພາພົນລະເມືອງຫວຽດນາມ 30 ຄົນຈາກແຂວງ Wuhan ກັບເມືອປະເທດ
ຍສໝ - ກະຊວງການຕ່າງປະເທດຫວຽດນາມ ໄດ້ເປັນເຈົ້າການ, ສົມທົບກັບສະຖານທູດຫວຽດນາມ ປະຈຳປັກກິ່ງ, ປະເທດຈີນ ແລະ ບັນດາກະຊວງ, ຂະແໜງການ, ທ້ອງຖິ່ນທີ່ກ່ຽວຂ້ອງ ດຳເນີນຖ້ຽວບິນ HVN68 ອອກເດີນທາງໃນເວລາ 9 ໂມງແລງຂອງວັນທີ 9 ກຸມພາຈາກ ສະໜາມບິນ ໂນຍບາຍ (ຮ່າໂນ້ຍ) ຂົນສົ່ງສິນຄ້າ ແລະ ອຸປະກອນການແພດໄປເມືອງ Wuhan (Hubei, ປະເທດຈີນ) ໃນເວລາ 1 ໂມງຂອງວັນທີ 10 ກຸມພາ (ຕາມເວລາທ້ອງຖິ່ນ). ພາຍຫຼັງທີ່ຂົນສົ່ງ, ເຮືອບິນໄດ້ຕ້ອນຮັບພົນລະເມືອງຫວຽດນາມ 30 ຄົນ (ລວມມີນັກສຶກສາ ແລະ ຍາດຕິພີ່ນ້ອງ, ນັກທ່ອງທ່ຽວຫວຽດນາມ…) ກັບປະເທດ, ໄດ້ລົງຈອດຢູ່ສະໜາມບິນ ເວີນໂດນ ໃນເວລາ 5:04 ຂອງວັນທີ 10 ກຸມພາ.
ເຄື່ອງວັດອຸນຫະພູມຮ່າງກາຍທີ່ສະໜາມບິນ ເວີນໂດນ. (ພາບ: vnexpress) ຂັ້ນຕອນການເຂົ້າເມືອງສຳລັບຜູ້ໂດຍສານ 30 ຄົນ ແມ່ນປະຕິບັດຕາມຂັ້ນຕອນທີ່ນຳໃຊ້ກັບຜູ້ໂດຍສານທີ່ມາຈາກເຂດລະບາດພະຍາດ, ອີງຕາມລະບຽບຂອງກະຊວງສາທາລະນະສຸກ. (ພາບ: Zing) ພົນລະເມືອງໃນຖ້ຽວບິນປະກອບມີນັກສຶກສາ ແລະ ຍາດຕິພີ່ນ້ອງ, ນັກທ່ອງທ່ຽວຫວຽດນາມ, ລວມທັງເດັກນ້ອຍ. (ພາບ: baoquocte) ທັນທີທີ່ຜູ້ໂດຍສານເລີ່ມລົງສະໜາມບິນ, ສູນກັກກັນພະຍາດ ແລະ ໜ່ວຍງານທີ່ກ່ຽວຂ້ອງຈະຕ້ອງມີການກວດ; ສີດຢາຂ້າເຊື້ອຂອງກະເປົາມືຂອງຜູ້ໂດຍສານ. (ພາບ: Zing) ພະນັກງານປະຈຳຖ້ຽວບິນປະກອບມີ 15 ຄົນ ແລະທ່ານໝໍ 3 ຄົນ. (ພາບ: Zing)
