| ເພີ່ມທະວີການແລກປ່ຽນປະສົບການດ້ານວິຊາຊີບລະຫວ່າງໜັງສືພິມກອງທັບປະຊາຊົນ (ຫວຽດນາມ) ແລະ ໜັງສືພິມທະຫານເຂດ 1 (ລາວ) | |
| ເສີມຂະຫຍາຍພາສາໄທ ແລະ ລາວ ແລະ ການຂຽນໃຫ້ນັກຮຽນ 75 ຄົນຢູ່ເຂດພູດອຍ ແຂວງເງ້ອານ |
ສຳນັກຂ່າວລາວວັນທີ 2 ຕຸລານີ້ອອກຂ່າວວ່າ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ຊີ້ນໍາໃຫ້ບັນດາອົງການທີ່ກ່ຽວຂ້ອງຊຸກຍູ້ການຮ່າງຍຸດທະສາດການຂຸດຄົ້ນດິນທີ່ຫາຍາກ ແລະ ບັນດາແຮ່ທາດອື່ນໆ ເພື່ອຮັບປະກັນການຄຸ້ມຄອງປະສິດທິຜົນບັນດາເຄື່ອນໄຫວຂຸດຄົ້ນບໍ່ແຮ່ທາດຢູ່ລາວ.
ຕາມໜັງສືພິມຈາກລາວ, ກ່າວຄຳເຫັນທີ່ກອງປະຊຸມລັດຖະບານປະຈຳເດືອນທີ່ຈັດຕັ້ງຢູ່ນະຄອນຫຼວງວຽງຈັນໃນວັນທີ 28-29 ກັນຍານີ້, ທ່ານນາຍົກລັດຖະມົນຕີ ສອນໄຊ ໄດ້ເນັ້ນໜັກເຖິງຄວາມສຳຄັນຂອງດິນທີ່ຫາຍາກຕໍ່ເສດຖະກິດລາວ.
 |
| ທ່ານ ສອນໄຊ ສີພັນດອນ ນາຍົກລັດຖະມົນຕີ. (ພາບ: THX/TTXVN) |
ເມື່ອບໍ່ດົນມານີ້ ສະພາແຫ່ງຊາດລາວ ໄດ້ສະແດງຄວາມເປັນຫ່ວງກ່ຽວກັບ ວຽກງານຂຸດຄົ້ນບໍ່ແຮ່ໃນລາວ ໂດຍເວົ້າວ່າ ການສົ່ງອອກໂລຫະມີຄ່າ ແລະ ບັນດາແຮ່ທາດອື່ນໆ ໃນປະເທດບໍ່ໄດ້ຮັບການຄຸ້ມຄອງເປັນຢ່າງດີ ແລະ ເຮັດໃຫ້ເກີດຄວາມເສັຽຫາຍທາງດ້ານການເງິນຢ່າງຮ້າຍແຮງ.
ບັນດາຜູ້ແທນສະພາແຫ່ງຊາດລາວ ຮຽກຮ້ອງ ໃຫ້ລັດຖະບານສ້າງຕັ້ງບັນດາຫ້ອງທົດລອງ ເພື່ອວິເຄາະ ບັນດາປະເພດບໍ່ແຮ່ທາດທີ່ໄດ້ຊອກເຫັນຢູ່ລາວ ໂດຍເວົ້າວ່າການຕິດຕາມ ແລະ ການຮ່ວມມືແໜ້ນແຟ້ນໃນບັນດາເຄື່ອນໄຫວຂຸດຄົ້ນບໍ່ແຮ່ບໍ່ພຽງແຕ່ຈະຊ່ວຍໃຫ້ລັດຖະບານ ລາວ ເກັບໄດ້ງົບປະມານ ຈາກ ບັນດາບໍລິສັດຂຸດຄົ້ນບໍ່ແຮ່ຫລາຍຂຶ້ນເທົ່ານັ້ນ, ຫາກຍັງຮັບປະກັນການຄຸ້ມຄອງ ແລະ ຂຸດຄົ້ນບັນດາແຫຼ່ງຊັບພະຍາກອນຂອງປະເທດໃຫ້ດີຂຶ້ນ.
ປະເທດລາວໄດ້ເຫັນວ່າມີຄວາມສາມາດບົ່ມຊ້ອນສົມໃຫຍ່ກ່ຽວກັບດິນຫາຍາກ, ມາຮອດປັດຈຸບັນລັດຖະບານໄດ້ລົງນາມໃນສັນຍາສຳຫຼວດດິນຫາຍາກກັບ 18 ບໍລິສັດໃນ 18 ໂຄງການ.
ດີງເລື້ອງ
